Jigjiga (Cakaaranews) Sabti, 24ka  June, 2017  Madaxwaynaha DDSI mudane Cabdi Maxamuud Cumar ayaa  hanbalyo udiray dhamaan muslimiinta caalamka kuwa  dalkeena itoobiya  gaar ahaan muslimiinta DDSI.

Hadaba, Madaxwaynaha ayaa ugu bishaareeyay muslimiinta in ay farxad kuciidaan isaga oo Allaah uga baryay muslimiinta oo dhan  in laga aqbalo  khayraadkii bisha barakaysan ee Ramadaanka. Wuxuuna madaxwaynuhu dhamaan muslimiinta ugu baaqay in maalinta ciida ah  farxada lalawadaago dadka danyarta lana  caawiyo walaalaha muslimiinta ah qofkastana uu kawarhayo muslimiinta danyarta ah gaar ahaan kuwa dariskiisa ah.

Jigjiga(cakaaranews), sabti, 24ka June, 2017. Madaxwaynaha DDSI mudane Cabdi Maxamuud Cumar ayaa kulan balaadhan oo lagaga hadlayay hirgalinta qorshaha cusub ee  jidka toobiyaha toosan ee lagu gaadhayo horumar waara oo joogtaysan  la yeeshay  golaha kaabineega DDSI iyo  odayaal dhaqameedka DDSI .

kulankaasi oo ka dhacay madasha shirarka kaali2 ee xarunta madaxtooyada DDSI ayaa Waxa ugu horayntii kulankaasi ka hadlay madaxwaynaha DDSI mudane Cabdi Maxamuud Cumar oo sheegay in ujeedada kulankani tahay sidii loo  hirgalinta qorshaha cusub ee  jidka toobiyaha toosan ee lagu gaadhayo horumar waara oo joogtaysan islamarkaana lagu tir tirayo saboolnimada qorshahaasi oo hal ku dhig looga dhigay  "waan soo celin karaan  isku filnaanshaheenii" ayaa waxa uu madaxwaynaha DDSI tilmaamay  in qorshahaasi ku salaysan yahay  xoojinta iyo meel marinta wax soo saarka beeraha iyo xoolo dhaqatada oo lagu hirgalinayo nidaam casriya oo cilmiyaysan. Madaxwaynaha ayaa ka warbixiyay khayraadka balaadhan ee uu deegaankeenu hodanka ku yahay ee ku haboon wax soo saarka dalaga noocyadiisa kala duwan iyo dhul daaqsimeedka xoolaha kaasi oo u haaban oo kaliya in sidiisa loogu tala galay looga  faa’iidaysto. Madaxwaynaha DDSI ayaa ku booriyay  hogaaminta odayaal dhaqameedka DDSI in ay hormuud ka noqdaan hirgalinta qorshahan si loogu midho dhaliyo ujeedooyinka qorshahan.

Dhankooda odayaal dhaqameedka DDSI oo ka hadlay kulankaasi ayaa si wayn u soo dhaweeyay qorshahan cusub  waxayna siwayn ugu mahad celiyeen hogaaminta sare ee Xukuumada DDSI gaar ahaan madaxwaynaha DDSI mudane Cabdi Maxamuud Cumar  dadaalka xoogan ee ay markasta ugu jiraan sidii looga saarilahaa bulshada deegaanka saboolnimada loona gaadhsiin lahaa horumar waara oo aan soo noqod lahayn waxayna odayaal dhaqameedku hoosta ka xariiqeen in ay si buuxda u hirgalinayaan qorshahan cilmiyaysan ee lagu gaadhayo wadamada uu dhaqaalahoodu meel dhexaadka yahay.

Jigjiga (cakaaranews)Axad 25ka June 2017.Waxaa maanta si balaadhan oo farxadi kudheehan tahay looga ciiday guud ahaanba deegaanka soomaalida itoobiya ciida barakaysan ee ciidul fidrida,  iyadoo boqolaal kun oo kunool caasimada jigjiga ay si wada jir ah ugu tukadeen barxada wayn ee garoonka ciyaaraha kaladuwan ee magaalada jigjiga halkaas oo mas’uuliyiinta ugu saraysa xukuumada DDSI oo uu ugu horeeyo madaxwaynaha DDSI mudane Cabdi Maxamuud Cumar oo ay ku wehelinayaan afhayeenka golaha xildhibaanada DDSI ahna gudoomiyaha XDSHSI mudane maxamedrashiid isaaq, golaha wasiirada DDSI  iyo mas’uuliyiin kale oo tiro badan ay kulatagadeen shacabwaynaha caasimada DDSI ee  jigjiga.

Hadaba, kahor intaan salaada lagalin ayuu madaxwaynaha DDSI mudane Cabdi Maxamuud Cumar halkaa kasoo jeediyay hadalo muhiim ah isagoo hambalyo udiray dhamaan muslimiinta caalamka ee nabada jecel gaar ahaan muslimiinta reer itoobiya khaasatan shacabwaynaha deegaanka uguna hambalyeeyay farxada ciida barakaysan ee ciidal fidrida  islamarkaana ilaahay uga baryay inuu sanadkan sanadkiisa kugaadhsiiyo nabadgelyo, barwaaqo, farxad iyo rayn-rayn. Madaxwaynaha ayaa sheegay in cadawga 1aad ee deegaanku yahay saboolnimada taasi ooy xukuumada DDSI dajisay qorshayaashi lagu tir tirilahaa saboolnimada laguna gaadhilahaa horumar waara oo joogtaysan iyo isku filnaansho dhinaca kasta leh. Madaxwaynaha ayaa sheegay in shaqo abuurka dhalinyarada ay xukuumada xooga saartay si loo dabar-jaro saboolnimada iyo dulsaarnimada, dhinaca kale waxa uu madaxwaynuhu sheegay in xukuumada DDSI munaasabada barakysan ee ciidal fidrida darteed u cafisay maxaabiis dhan 1426 xubnood oo maxaabiis ah

Waxaa iyana kahadlay munaasbadii salaada ciida mas’uuliyiinta golaha arimaha islaamka iyo masjidul aclaha oo kawarbixiyey fadaa-isha ay leedahay munaasabadan ciidal fidridu kuwaasi oo shacabwaynaha ugu duceyay in uu illahay ka aqbalo cidaadadii iyo soonkii ay soo guteen kuna booriyay shacabka in ay sii xoojiyaan cidaadada iyo allah ka cabsiga iskuna naxariistaan.

Ugudanbayna, shacabwaynihii salaada ciida isugu yimid oo dareenkooda kahadlay ayaa sheegay in ay aad ugu faraxsan yihiin in nabad ay kuciidaan kadib markii ay sooguteen soonkii bisha ramaadaan ee barakaysnayd.

Jigjiga(Cakaaranews) Isniin 26ka June 2017. Munaasabad si heer sare ah losoo agaasimay oo xadhiga lagaga jarayay idaacada dhagaysiga SWda ee deegaanka oo ay kasoo qaybgaleen mas’uuliyiinta ugu saraysa xukuumada DDSI oo ugu horeeyo madaxwaynaha DDSI mudane Cabdi Maxamuud Cumar, afhayeenka golaha baarlamanka ahna gudoomiyaha XDSHSI mudane maxamedrashiid Isaaq ,Madaxwayne kuxigeenka DDSI ahna Wasiirka xafiiska horumarinta beeraha iyo khayraadka dabiiciga ah marwo Sucaad Axmed Faarax, madaxwayne kuxigeenka ahna Wasiirka xafiiska dhismaha iyo horumarinta magaalooyinka mudane Cabdixakiin Cigaal, Mas’uuliyiinta xafiiska maamulka DDSI, qaar kamid ah goloha kaabineega, Odayaasha deegaanka, heerarka kaladuwan ee shaqaalaha warbaahinta deegaanka kooxda fanka ee ilays-band iyo marti sharaf kale.

Hadaba munaasbadan xadhig kajarka ah ayaa waxaa ugu horayn ka hadlay madaxwaynaha DDSI mudane Cabdi Maxamuud Cumar oo khudbad muhiim ah oo dhaxalgal ah kasoojeediyay halkaas isgoo madaxwaynuhu ka warbixiyay waxqabadka warbaahinta deegaanka iyo xaaladihii kaladuwanaa ee ay soo martay warbaahinta kala duwan ee  deegaanku. Wuxuuna madaxwaynuhu intaa kudaray in heerarka kaladuwan ee warbaahinta deegaanku soo martay xaalado kaladuwan iyadoo aysan jiri jirin wax idaacad ah ama TV ah oo afka soomaliga ku hadla oo uu deegaanku lee yahay marka laga reebo ideecada dhagaysiga ee addisababa iyo ideecada dhagaysiga ee Faana oo halsaac kali ah la dhagaysan jiray.

Sidookale, wuxuu madaxwaynuhu xusay in idaacadan SW da ahi a tahay idaacadii ugu horaysay ee deegaanku yeesho wax wayna ka tari doonto dhanka isgaadhsiinta xogoha, islamarkaana ay tahay lafdhabarata horumarka maadaama bulshada deegaanku ay 85% yihiin dad xoolo dhaqato ah oo aan haleelaynin inay daawadaan TV, madaxwaynaha oo hadalkiisii siiwata ayaa sheegay  in waxqabadka warbaahinta deegaanku qabatay tusaale loosoo qaadan karo   waxyaabaha uu hada ka hor xaliyay ESTV sida borobogaandadii nabadiidka uu usheegi jiray shacabka deegaanka gaar ahaan qurbajoogta deegaanka. Maxadwayanaha ayaana mahad celin udiray dhaqmaan TV yada iyo websiteyada taageersan horumarka deegaanka.

Dhanka kale, waxaa isana munaasabada ka hadlay afhayeenka baarlamanka ahna gudoomiyaha XDSHSI mudane Maxamedrashiid Isaaq oo ugu horayn uhambalyeeyay xadhig kajarka ideecada SW oo ah mid lagu faano islamarkaana kaqayb qaadan doonta horumarka ka hanaqaaday deegaanka.

Soojeedin kadibna madaxwaynaha DDSI iyo afhayeenka baarlamaanka ayaa siwada jir ah xadhiga ooga jaray ideecada dhagaysiga  Short Wave (SW) ee mawjadeedu tahay  5.94 KH islamarkaana laga dhagaysanayo dhamaan deegaanka wakhti xaadirkana bilawday shaqadii loogu talagalay.

Ugudanbayna, madaxwaynaha DDSI mudane Cabdi Maxamuud Cumar iyo afhayeenka baarlamanka mudane Maxamedrashiid Isaaq ayaa abaalmarin qaali ah gudoonsiiyay xubnihii hormuudka ahaa ee sida balaadhan ee daacadnimada iyo wadaniyadu ku dheehantahay warbaahinta deegaanka uga soo shaqeeyay oo uu ugu horeeyo maareeyaha wakaalada warbaahinta deegaanka mudane Farxaan Maxamuud Axmed, Isagoo madaxwaynuhu kula dardaarmay shaqaalaha inay dadaalkooda halkaa kasii wadaan.

Jigjiga(cakaaranews),talaado, 27ka June, 2017. Maareeya ku xigeen wakaalada horumarinta  jidadka DDSI mudane Cabdilaahi Maxamed Cabdi oo xafiiskiisa ugu waramayay warbaahinta deegaanka ayaa si qoto dheer uga warbixiyay waxqabadka wakaalada horumarinta Jidadka DDSI ee dhinaca taaba galinta jidadka hal bawlayaasha u ah isku socodka bulshada  gobolada, degmooyinka iyo tuulooyinka DDSI ee qorshaaha GPT2ga.

Maareeya ku xigeenka ayaa sheegay in xukuumada DDSI sanadihii ugu danbeeyay diirada saartay  dajinta iyo fulinta qorshayaasha horumarineed ee ka jawaabaya baahida bulshada, kor u qaadida koboca dhaqaalaha deegaanka iyo kaabayaasha dhaqaalaha DDSI  kuwaasi oo ku salaysan qorshayaasha uu ka mid ka yahay qorshaha isbadalka koboca dhaqaalaha (GTP2ga ) ee dhinaca adeega wadooyinka. Maareeye ku xigeenka oo hadalkiisa wada ayaa ka tilmaamay   ahmiyada jidadku u leeyihiin adeegyada bulshada sida adeega caafimaadka, biyaha wax soo saarka beeraha iyo dhinaca maalgashiga isaga sheegay maareeye ku xigeenku in halkii sanadadii  hore ay ka  heli jireen adeega wadooyinka deegaanka 90 tuulo  oo kaliya ay hadda adeega isku socodka wadooyinka ka helaan in ka badan 1,200 tuulo oo ka mid gobolada iyo degmooyinka deegaanka.taasi qorshaha GTP2ga ah in dhamaanba deegaanka laga hirgaliyo  5tii KM laga hirgaliyo adeega wadooyinka halka ay qorshaha GTP3ga qorshaysan tahay in aan deegaanka 3dii KM laga waayin karin adeega wadooyinka.

Maareeye ku xigeenka mar uu ka hadlayay dhinaca buundooyinka, wadooyinka laamayga ah kuwa jayga ah iyo kuwa la dayactiray ayaa waxa uu sheegay in wakaalada jidadka DDSI iyada oo heshiis la galaysa shirkadaha dawliga ah ee DDSI ee ay ka mid yihiin shirkada dhismaha jidadka DDSI iyo wakaalada dhismaha, iibka iyo adeega gaarka ah ee DDSI ay hirgaliyay samaynta jidadka iyo  buundooyinka ay ka mid yihiin Waangay, Geel-doox,  Buundada kor celis  ee toga faafan iyo buundada  Qooraan, buuntada dhaawa oo isku xidhaysa gobolka liibaan iyo daawo oo kala xidhnaa, buundada qubi iyo  buundooyin kale oo muhiim u ah isku socodka iyo adeegyada bulshada sidoo kalena  ay wakaaladu samaysay wadooyin  la dhamayays tiray  iyo kuwa hadda socda   kuwaasi  fudaydiyay isku socdka bulshada gobolada iyo degmooyinka deegaanka.

Dhinaca jidadka laamayga ah ee ay xukuumada DDSI oo kaashanaysa heer faderaal fulinayso qorshaha GTP2ga waxa uu sheegay maareeye ku xigeenku in ay ka mid tahay jidka laamayga ah ee isku xidha jigjiga danbal diredhawa ilaa jabuuti, jidka laamayga ah ee isku xidha qabridahar ilaa wardheer jidka laamayga ah ee isku xidha goday, qalaafo ilaa feer-feer jidka laamayga ah ee isku xidha baahili fiiq xamaro cayuun Imaybari ilaa goday, jidka laamayga ah ee isku xidha shiniile ilaa dawanle oo hadda meel gabagabo ah maraya,  lamayga ah ee isku xidhaya jarati ilaa hagarmoqor, jidka laamayga ah ee isku xidhaya qoray, goljano, dhagaxmadow, sagag garbo ilaa dhanaan,  kuwaasi oo dhamayntood la hirgalinayo qorshaha GTP2ga aan ku jiro.

ugu danbayntii waxa uu sheegay maareeye ku xigeenku in  22kun oo KM oo isugu jira wadooyinka laamayga ah, kuwa jayga ah iyo kuwa tuulo ilaa tuulo isku xidha laga hirgaliyay deegaanka qorshaha GTP2ga isaga oo sheegay in xukuumada DDSI ay hadda awood u leeyahay hirgalinta noocyada kala duwan ee jidadka haysatana qalab casriya oo ah kuwa lagu sameeyo wadooyinka kala duwan isaga oo intaasi raaciyay in hirgalinta iyo samaynta wadooyinka iyo buundooyinka qaybta ugu muhiimsan hirgaliyeen ciidanka booliska gaar ah ee DDSI ka dib markii ay nabadgalyadii DDSI  hirgaliyeen. 

Dhagaxbuur(cakaaranews)Arbaco 28 June 2017. Tartan ciyaareed dhinaca kubada cagta ah oo bishii barakaysnayd ee ramadaan kasocday maamulka magaalada dhagaxbuur islamarkaana ay ku loolamayeen 8 kooxood oo kamid ah kooxaha kadhsian magaalada ayaa si qurux badan u soo gabagaboobay kadib markii ciyaarta kamadanbaysta ah ama finalka isugu soo hadheen kooxda xaafada 2aad iyo Kooxda xaafada 5aad ee MM Dhagaxbuur . iyadoo halkaasna ay guushu kuraacday kooxda xaafada 2aad, kuna badiyay 2­--0.

Hadaba, madaxa xafiiska ciyaaraha iyo dhalinyarada ee MM Dhagaxbuur mudane Cawaale Cabdi Dhicis oo u waramay warbaahinta deegaanka ayaa sheegay in ciyaarahani ay bilowdeen bishii ramadaan islamarkaana ay kooxuha dhanayeen 8 kooxood oo ah kooxaha ugu horeeya maamulka magaalada dhagaxbuur. Wuxuuna xusay madax xafiiseedku in tartankan isugu soo hadheen kooxda xaafada 2aad iyo kooxda xaafada 5aad ee maamulka magaalada dhagaxbuur. Wuxuuna tilmaamay in guusha tartankani ay raacday  kooxda qabalaha 2aad, islamarkaana ay kubadiyeen 2 gool iyo 0, koobkiina  halkaas ku hanteen.

Wuxuuna xusay in ciyaarahani ay yihiin ciyaaro xafiisku uu soo diyaariyo sanad walba, si kor loogu qaado sportiga iyo isdhaxgalka bulshada, faaiido badana ay u leeyihiin dhalinta soo koraysa, masuulka  oo hadalkiisa siiwata ayaa carabka kudhuftay in ciyaarahani ay si farxadleh u soogabagaboobeen.

Ugudanbayna, qaarkamid ah kooxihii guushu raacday iyo kuwiilagaqaaday ayaa sheegay in aad ugu faraxsanayihiin taratankan kubada cagta islamarkaana ay kuqanacsanayeen ciyaarihii oo dhanba.

Jigjiga(Cakaaranews) Arbaco 28ka June 2017. Madaxwaynaha DDSI mudane Cabdi Maxamuud Cumar iyo golaha kaabaneega DDSI ayaa kulan balaadhan kula qaatay hoolka shirarka ee xafiiska Madaxwaynaha DDSI  wafti heer federal ah oo ka socday wasaarada dhalinyarta iyo ciyaaraha JDFI.

Hadaba waftigan oo uu hogaaminayay madaxwaynaha olombikada dalkeena itoobiya mudane Dr Ashabir oo ay ku wehelinaysay orodyahanada caanka ah ee dalkeena itoobiya marwo Derertu Tulu ayaa waxaa ogu horayntii ka hadlay madaxwaynaha DDSI mudane Cabdi Maxamuud Cumar oo uu ugu horayn umahada celiyay imaanshaha waftigan ay yimaadeen deegaanka islamarkaana sheegay inuu ujeedada kulankan yahay sidii loosii xoojin lahaa qaybaha kaladuwan ee ciyaaraha iyo waliba sidii dhalinta loogu boorin lahaa inay sii xoojiyaan qaybaha kaladuwan ee ciyaaraha si ay tartanada caalamka natiijo wax ka ool ah uga keeni lahaayeen. Wuxuuna madaxwaynahu intaa ku daray inay inuu deegaankau ku howlanyahay sidii dhalinta shaqo abuur iyo camal loogu samayn lahaa islamarkaana looga caawin lahaa wax walba oo ay ubaahanyihiin.

Dhanka kale waxaa isana dhankiisa ka hadlay madaxwaynaha olombikada dalkeena itoobiya mudane Dr Ashabir oo ugu horayn umahad celiyay madaxwayne Cabdi Maxamuud Cumar iyo golaha kaabineega islamarkaana sheegay inuu ujeedada socdaalkan uu yahay  sidii loosii xoojin lahaa qaybaha kaladuwan ee ciyaaraha iyo waliba sidii dhalinta loogu boorin lahaa inay sii xoojiyaan qaybaha kaladuwan ee ciyaaraha si ay tartanada caalamka natiijo wax ka ool ah uga keeni lahaayeen. Wuxuuna intaa kudarya inay xukuumadu aad oogu mahadsantahay sida hagar la aanta ah ee ay doonayso inay ku hormariyaan dhalinta deegaanka

Ugu Danbayne waxay madxwaynaha DDSI iyo waftigan Heer federal ayaa si wada jir ah isula qaatay sidii loosii xoojin lahaa qaybaha kaladuwan ee ciyaaraha iyo waliba sidii dhalinta loogu boorin lahaa inay sii xoojiyaan qaybaha kaladuwan ee ciyaaraha si ay tartanada caalamka natiijo wax ka ool ah uga keeni lahaayeen.

Jigjiga(cakaaranews), khamiis, 29ka, June, 2017. Hay’ada horumarinta hooyada iyo dhalaanka ee marka afka qalaad la soo gaabiyo loo yaqaano (MCDO) oo kaashanaysa hay’ada CCRD ayaa deeq agab ah oo isugu jirta dhar, buugaag, noocdayada qalimaanta, boorsadaha lagu qaato buugaagta iyo dharka u qaybisay 700 oo ardayda  oo wax ka barata dugsiyada maamulka magaalada jigjiga kuwaasi oo isugu jira ardayda agoonta ah iyo kuwa danyarta ah.

Munaasabadii lagu wareejinayay agabkan oo ka dhacday hoolka shirarka ee kuliyada maaraynta iyo adeega shacabka DDSI ee magaalada jigjiga  ayaa waxaa ka soo qaybgalay masuuliyiin ka socday maamulka magaalada jigjiga iyo masuuliyiinka socday hay’ada horumarinta hooyada iyo dhalaanka (MCDO).

Waxaana, ka hadlay munaasabadaasi madaxa xafiiska maayirka magaalada jigjiga mudane Cabdicasiis Mahad oo ugu horayntii u mahad celiyay hay’ada horumarinta hooyada iyo dhalaanka ee deeqdan ugu talagalay in ay soo  gaadhsiiyaan ardayda danyarta ah iyo kuwa agoonta ah ee wax ka barta dugsiyada maamulka magaalada jigjiga isaga ka warbixiyay ahmiyada uu leeyahay agabkani gaar ahaan dhiiragalinta wax barashada ardayda danyarta ah ee wax ka barata dugsiyada maamulka magaalada jigjiga.

Faysa Cabdilaahi Ibraahin oo ka mid ah masuuliinta ka socoday hay’ada horumarinta hooyada iyo dhalaanka oo ka hadashay goobta agabkan lagu qaybinayay  ayaa sheegtay in deeqdan agabka ah oo isugu jirta dhar, buugaag, qalimaan, noocyada kala duwan ee boorsadaha ay u qaybiyeen 700 oo arday kuwaasi oo laga soo kala xulay 10 isguul oo ka mid ah dugsiyada maamulka  magaalada jigjiga gaar ahaan ardayda danyarta ah iyo kuwa agoonta ah ujeedada deeqduna tahay sidii wax barashada loogu dhiiragalin lahaa ardaydan.

Gabagabadii munaasabadan ayaa  waxay masuuliyiinta ka socoday hay’adan horumarinta hooyada iyo dhalaanku ku wareejiyeen deeqdan agabka ah masuuliyiinta ka socday maamulka magaalada jigjiga iyada oo isla goobtaasi loogu qaybiyay ardaydii laga soo kala xulay dugsiyada maamulka magaalada jigjiga.   

Jigjiga(Cakaaranews) Khamiis 29ka June 2017. waxaa dhamaan bulshada deegaanka   la ogaysiinayaa in subaxnimada maalinta sabtida ah uu bilaabmayo tartankii iibsashada guryaha gibiyada ah ee kuyaala wadada wajaale qiimahoodii horana hoos loo dhimay.

Hadaba dhismaha guryahan ayaa ah labo nooc oo kala ah kuwa saaran wajiga hore ee wadada wajaale  oo ah darajada 1aad qiimahooduna waa 805,000 (sideed boqol iyo shan kun oo birr ) iyo kuwa darajada 2aad oo ah 690,00 kun ( lix boqol iyo sagaashan kun oo birr)  Wuxuuna tartankan gibiyada casriga ah uu ka dhacayaa goobta ay ku yaalaan gibiyadan casriga ah, Wuxuuna tartanku dhacayaa subaxnimada maalinta sabtida ah  2da saac. Waxaana tartamayaasha gibiyadan la ogaysiinayaa in diwaan galinta gibiyadan ay tahay 10,000 birr oo lacag ah iyadoo cida ku guul daraysatana loo celin doono lacagtii diwaangalinta .

Ugu danbayna waxaa tartamayaasha la ogaysiinayaa inaysan moogaanin hanashada iibsashada guryahan casriga ah ee loo talagalay bulshada deegaanka. Waa wakaalada horumarinta guriyaynta DDSI oo idin leh tartan wacan

Jigjiga,(cakaaranews), khamiis, 29ka, June, 2017. Waxaa lagu soo gabagabeeyay magaalada jigjiga gaar ahaan hoolka shirarka ee huteelka city crown kulan lagu soo bandhigayay daraasaad laga soo sameeyay dhamaan degmooyinka deegaanka kaasi oo ku salaysan sidii loo ogaan lahaa xaaladaha ee jiri kara 6 bilood ee soo socda iyo sidii loo hirgalin lahaa qorshaha loogu diyaar garoobilahaa  saamaynta ka imankarta xaaladaah isbadalka cimilada ee 6da bilood ee soo socda.

Kulankaasi oo uu soo diyaariyay xafiiska ka hortaga iyo u diyaar garowga masiibooyinka DDSI ayaa waxaa ka soo qaybgalay masuuliyiinta xafiisaka ka hortaga iyo u diyaargarowga masiibooyinka DDSI oo uu ka mid yahay wasiirka xafiiska ka hortaga iyo u diyaar garowga masiibooyinka DDSI mudane xuseen maxamed xasan, masuuliyiin ka socda  xafiisyada heer deegaan ee ay bah-wadaagta yihiin xafiiska iyo masuuliyiinka socday hay’adaha aan dawliga ahayn ee ay bah-wadaagta yihiin xafiiska ka hortaga iyo u diyaargarowga masiibooyinka DDSI.

Waxaana, ugu horayntii ka hadlay kulankaasi wasiirka xafiiska ka hortaga iyo u diyaargarowga masiibooyinka DDSI mudane xuseen maxamed xasan oo ka warbixiyay ahmiyada iyo ujeedooyinka kulankan isaga oo sheegay in uu yahay kulan socday 2 maalmood oo lagu soo bandhigayay daraasaadyo laga soo sameeyay dhamaan degmooyinka deegaanka kaasi oo ku qotoma soo ogaanshaha xaaladaha baahiyaha jiri kara 6 bilood ee soo socda iyo sidii looga gaashaaman lahaa saamaynta ay keeni karto cimilada isbadashay wuxuuna wasiirku intaasi ku daray in mudada uu kulanku socday lagu qaadaa dhigayay hirgalinta qorshaha wax lagaga qabanayo isbadalka cimilada sidoo kalena lagaga hortagayo dhibaatooyinka ka imankara isbadalka cimilada.

Dolo-cado(cakaaranews)Jumce 30ka June, 2017. Tababar ay iska kaashadeen xafiiska Adeega shacabka iyo horumarinta cududa shaqaala DDSI iyo wasaarada Adeega shacabka iyo Horumarinta cududa shaqaalaha oo ay ujeedadiisu ahayd kor uqaadista garaadka aqoomeed ee xubnaha Golaha ama kooxaha horumarka ee goobaha dajintu kajirto ee gobolada Afdheer, Liibaan iyo Daawa ayaa si habsami leh usocda.

Hadaba, madax kooxeedka kooxaha tababarka fulinaya ahna khabiir sare oo katirsan xafiiska adeega shacabka iyo Horumarinta Cududa Shaqaalaha DDSI mudane Cabdulaahi Ibraahim Cabdi oo u waramay shabakada wararka ee cakaaranews ayaa sheegay in tababarkan fulintiisa ay iska kaashadeen xafiiska Adeega shacabka iyo horumarinta cududa shaqaala DDSI iyo wasaarada Adeega shacabka iyo Horumarinta cududa shaqaalaha islamarkaana ujeedadiisu tahay kor uqaadista garaadka aqoomeed ee xubnaha Golaha horumarka ee tuulooyinka dajinta. Wuxuuna intaa kudaray madax kooxeedku in kooxdoodani ay tababarka siinayso  tuulooyinka hoosyimaada degmooyinka Filtu, Boqolmayo, iyo Dollo-Ado. Si lamid ahna ay kooxo kale tababarka usinayaan 10 degmo oo kakalatirsan 3da Gobol ee kor uxusan.

Wuxuuna carabku ku adkeeyay in Tababaradan xubnaha lasiinayo ay yihiin xubno laga aasaasay shacabka dhaxdooda ee tuulooyinka deegaanka islamarkaana lagu magacaabo golaha horumarka liyadoo tababarkana lagu barayo casharo ay ka mid yihiin xilka iyo waajibaadka golaha iyo kooxaha horumarinta goobaha dajinta, xidhmada maamulka suuban iyo ciidanka horumarka  iyo waliba dhamaan shuruucaha maamulka suuban iyo saraynta sharciga. Iyadoo tababarkana lasiinayo guud ahaan xubno dhan 1485 oo ka kala tirsan 99 goobood oo dajin ah ee hoosyimaada sadexda gobol Afdheer, Liibaan iyo Daawa.

Sikastaba ha ahaatee ,tababarkan ayaa waxa uu  si hab samileh uga socdaa  13 degmo oo kala ah Filtu, Boqolmayo, Dollo-Ado, Gorobaqaqsa, Gorodhamole, Dekasuftu, Qarsadula, Mubaarak, Hudet, Hargeele, Jarati & Dollo-bay halkaas oo lagu tababarayo kooxaha horumarka ee goobaha dajinta.

Jigjiga(Cakaaranews) Jumce 30ka June 2017. Madaxwaynaha DDSI mudane Cabdi Maxamuud Cumar oo ay wehelinayaan   qaarka mid ah golaha kaabineega DDSI ayaa si meeqaam sareleh  ugu soo dhaweeyay garoonka caalamiga ah ee garaad wiil-waal wafti balaadhan oo uu hogaaminayo madaxwaynaha dawlad goboleedka Jubaland mudane Axmed Maxamed Islaan iydoo waftiga lasii mariyay guryaha Real Stateka   dulqabow ee magaalada jigjiga islamarkaana soo indha indheeyay dhismayaasha xaafadaha dulqabow oo ah dhismayaal casriya sidoo kale waxay waftigu  boodeen  booyadaha cusub ee loogu talagalay in shacabka abaaruhu saameeyeen wax loogu qabto oo tiradoodu dhantahay 200 oo booyadood.

Ugu danbayn Waftigan ayaa waxa la filayaa inta ay joogaan xarunta deegaanka in ay kulamo la yeeshaan masuuliyiinta ugu saraysa xukuumada DDSI oo ugu horeeyo madaxwaynaha DDSi mudane Cabdi Maxamuud Cumar

Jigjiga(cakaaranews), jumce, 30ka, June , 2017 Madaxwaynaha DDSI mudane Cabdi Maxamuud Cumar oo uu wehelinayo wasiirka xafiiska madaxtooyada DDSI mdane Cabdimahad Maxamed Cabaase ayaa kulan wadatashiya oo ay ka soo  qaybgaleen  masuuliyiinta xafiiska horumarinta khayraadka biyaha DDSI, masuuliyiinta wakaalada biyaha ee mm jigjiga iyo qaybaha kala duwan ee bulshada ku dhaqan xaafadaha caasimada jigjiga kula yeeshay hoolka shirarka ee qaryaan dhoodaan.

Kulankaasi oo ay ujeedadiisu ahayd sidii xalwaara looga gaadhilahaa biyo galinta maamulka magaalada jigjiga ayaa waxaa ugu horayntii ka hadlay madaxwaynaha DDSI mduane Cabdi Maxamuud Cumar oo sheegay in xukuumada DDSI dadaal xoogan ugu jirto sidii kor loogu sii qaadilahaa bilicda iyo tayada adeeg bixinta  caasimada DDSI ee jigjiga madaxwaynaha ayaa sheegay qorshe xalwaara lagaga gaadhayo  dhinaca biyo galinta magaalada jigjiga islamarkaana guri ilaa guri loogu galinayo qasabadaha biyaha kaasi oo mudo kooban lagu oo gabagabaynayo. Madaxwaynaha DDSI ayaa  qaybaha kala duwan ee bulshada  ku booriyay in ay soo bandhigaan  meelaha ay golda-looladu ka jirto ee dhinaca biyo galinta maamulka magaalada jigjiga kana qaataan fikirkooda qorshahan  si loo buuxiyo meelaha ay gol-dalooladu ka jirto.

Dhankooda qaybaha kala duwan ee bulshada ku dhaqan xaafadaha maamulka magaalada jigjga ayaa soo soo dhaweeyay dadaalka xukuumada DDSI ee ku salaysan kor u qaaditaanka bilicda iyo tayada  adeegyada magaalada jigjiga waxayna talooyin iyo fikiro muhiim ah ka dhiibteen qorshaha xal waara lagaga gaadhayo biyo galinta caasimada DDSI.

Gabagabadii kulankan waxaa laysla qaatay meelmarinta qorshaha biyo galinta maamulka magaalada jigjiga iyada oo gudi ka kooban xafiiska horumarinta khayraadka biyaha DDSI iyo wakaalada biyaha maamulka magaalada jigjiga loo xil saaray fulinta iyo hirgalinta qorshahan xal waara lagaga gaadhayo biyo galinta maamulka magaalada jigjiga.

Garbo(cakaaranews)Sabti 1da July 2017. Waxaa si rasmi ah uga furmay degmada Garbo  Ciyaarihii kubada cagta ee dhamaan degmooyinka Gobolka nogob taaso ay furitaankeedii kasooqaybgaleen masuuliyiinta ugu saraysa gobolka nogob oo uu ugu horeeyo Gudoomiyaha Gobolka Nogob mudane  Axmed Aadan Axmed iyo mas'uuliyiin kale.

Hadaba, Gudoomiyaha Gobolka Nogob mudane Axmed Aadan Axmed oo u waramay shabakada wararka ee cakaaranews ayaa sheegay in si rasmi ah ay u bilawdeen ciyaarihii kubada cagta ee dhamaan kooxaha kubada cagta ee degmooyinka gobolka Nogob islamarkaana  ay maanta wada ciyaareen kooxda kubada cagta ee degmada Garbo iyo degmada Sagag iyadoo ciyaartana ay guushu  ku raacday degmada Garbo oo kubadisay 1-0. wuxuuna gudoomiyuhu xusay in maalinkii shalay ahayd lagu furay ciyaarta kooxda kubada cagta ee kasocotay degmada ceelwayne ee xarunta gobolka Nogob iyo Degmada xaraareey. Halkaasoo guushu kuraacday degmada ceelwayne oo kubadisay 4-0. Sidookale  galinkii hore ee maanta ayaa waxaa iyana wada ciyaaray degmada Dhuxun iyo  Degmada cayuun halakaas oo ay guushu kuraacday degmada Dhuxun, kunabadisay 2-0.

dhanka kale, Gudoomiyaha ayaa xusay in ciyaaruhu ay u socdaan si quruxbadan oo nabad iyo isjacayli kudheehantahay.

Sikastaba ha ahaatee, ciyaarahan oo ah mid koob lagu kalaqaado, sanadwalbana looqabto kooxaha kubada cagta ee degmooyinka gobolka ayaa lafilayaa inay bari wada ciyaaraan 2da kooxood ee kala ah degmada cayuun iyo xaraarey.

Jigjiga,(cakaaranews),sabti,  1da, July, 2017. Munaasabad  si meeqaam sare ah loo soo agaasimay oo ay ku qalinjabiyeen dufcadii 9aad ee ka qalinjabisa jaamacada jigjiga  ayaa  maanta si heer sare ah uga qabsoomtay hoolka wayn ee jaamacada Jigjiga.

Munaasibadan qalinjabinta dufcadii 9aad ee ardayda jaamacada Jigjiga ayaa waxaa ka soo qayb galay masuuliyiinta ugu saraysa xukuumada DDSI oo uu ugu horeeyo  madaxwaynaha DDSI mudane mudane Cabdi Maxamuud Cumar, masuuliyiinta ugu saraysa jaamacada Jigjiga  oo uu  ugu horeeyo madaxwaynaha jaamacada jigjiga mudane Dr cabdicasiis ibraahin,  hogaaminta odayaal dhaqameedka DDSI waalidiinta ardayda qalinjabinaysa, kooxaha fanka iyo sugaanta ee deegaanka iyo dalka iyo marti sharaf kale.

Waxaana munaasabadan ugu horayntii ka hadlay madaxwaynaha DDSI mudane Cabdi Maxamuud Cumar oo ugu horayn u hambalyeeyay ardaydan qalinjabisay maanta islamarkaana u mahad celiyay dadaalka ay wado jaamacada jigjiga madaxwaynaha ayaa sheegay in isbadalka horumarineed ee ka jira dalkeena itoobiya ay suurta galiyeen aqoon yahanada kala duwan ee ka soo qalinjabiyay jaamacadaha kala duwan ee dalka madaxwaynaha DDSI ayaa ku booriyay in ka midho dhaliyaan aqoonta ay sanadaha baray baranayeen. Wuxuuna madaxwaynaha DDSI sigaar ah ugu mahad naqay shaqalaha dawlada ee iyaga oo waajibaadkoodii shaqo gudanaya   maanta qalinjabinay

Dhankiisa madaxwaynaha jaamacada jigjiga Dr cabdicasiis ibraahin oo ka hadlay munaasabadan ayaa bogaadinta iyo hambalyada uu u jeedayay ardaydan ka dib ka warbixiyay dadaalada iskaashi ee ay dawlada jfdi iyo dawlada deegaanku ugu jiraan kor u qaaditaanka tayada waxbarashada dalka gaar ahaan deegaanka somalida itoobiya  si loo soo saaro cudud aqoon yahan oo ku gaashaaman aqoon iyo xirfado ay ugu adeeegaan shacabkooda isaga oo tilmaamay in ay maalinba maalinta ka danbaysa kor u sii kacayso heerka aqooneed ee ay jaamacada jigjiga bixiso  madaxwaynaha jaamacada ayaa sidoo kale sheegay in ay jaamacadu dadaal balaadhan ugu jirto sidii ay kaalin wayn uga qaatan lahayd wax ka qabashada dadaalada lagu horumarinayo bulshada dawlada deegaanka somalida itoobiya.

Ardaydan maanta qalinjabisay oo ay tiradoodu dhan tahay 4,738 arday isugu ,heerka  koowaad  degree iyo heerka 1aad masterta  ayaa, isugu jira ah ardayda  joogtada ah iyo ardayda aan ku xeraysnay jaamacada . waxaana xusid mudan in dufcadan maanta qalijnabisay tahay dufcadii ugu badnayd ee tan iyo intii la aas aasay  jaamacada jigjiga

Gabagabadii munaasabadan qalinjabinta waxaa abaalmarino la gudoonsiiyay ardaydii gashay kaalmaha hore dhinaca dhibcaha.

Jigjiga(Cakaaranews) Sabti 1da July 2017. Mas’uuliyiinta ugu saraysa Xukuumada DDSI oo ugu horeeyo madaxwaynaha DDSI mudane Cabdi Maxamuud Cumar iyo golaha kaabineega DDSI ayaa hadhima sharafeed usameeyay waftigii balaadhnaa ee uu hogaaminayay madaxwaynaha dawlad goboleedka jubaland mudane Axmed Maxamed Islaan .

Hadaba waftigan balaadhan ee uu hogaaminayo madaxwaynaha dawlad goboleedka jubaland mudane Axmed Maxamed Islaan ayaa bogaadin iyo mahadnaq usoo jeediyay sida quruxda badan ee ay mas’uuliyiinta xukuumada ugu saraysa oo uu ugu horeeyo madaxwaynaha DDSI mudane Cabdi Maxamuud Cumar iyo golaha kaabineega usoo dhaweeyeen laga bilaabo soo dhawayntii garoonka ee shalay ilaa hadhima sharafeeda maanta.

Jigjiga(cakaaranews)Axad, 2da, July 2017. Tababar uu soo agaasimay xafiiska waxbarashada DDSI islamarkaana ay kasooqaybgaleen xubno kasocday 33 degmo oo isugujira macalimiin iyo arday kuwaasoo lagu barayay casharo laxidhiidha kahortagida cudurka HIV-AIDS, ilaalinta nadaafada, iyo barnaamijka caafimaadka iyo nafaqaynta dugsiyada ayaa lagu soo gabagabeeyay hoolka shirarka ee isla xafiiska waxbarashada DDSI.

Hadaba, tababarkan ayaa waxaa xidhitaankiisii ugu horayn kahadalay Wasiir Kuxigeenka Xafiiska Waxbarashada DDSI mudane Maxamuud Axmed Nuur (Heeryo) oo sheegay in tababarkani uu kakoobanayahay 2 tababar oo kaqaybgalayaasha lagu barayay casharo kaladuwan oo ay kamid yihiin barnaamijka caafimaadka iyo nafaqyanta dugsiyada,  ilaalinta nadaafada, kahortaga cudurka HIV-AIDS iyo waliba kohortagida guurka degdega ah islamarakaana ay kasooqaybgaleen 33 degmo kuwaasoo isugujira maaamulayaasha dugsiyada, xubno kamid ah ardayda dugsiyada iyo xubnaha  HIV-CLUBS ka.

Wuxuuna intaa kudaray in 25 dugsi oo ah dugsiyada quudinta leh oo kasooqaybgashay tababarkan loo qaybiyay qalab loogu talagalay wacyigalinta ardayda iyo waalidiinta kaasoo lagu magacaabo (Mini-Media) oo ah qalab muhiim ah oo wata microphonadii iyo sameecadihii codka, islamarkaana lagaga wacyigaliyo ardayda caadooyinka iyo dhaqamada xunxun.

Wasiir-kuxigeenka oo hadalkiisa sii wata ayaa kuladaradaamay dhamaan kaqaybgalayaasha 33 degmo in casharadii ay barteen sii gaadhsiiyaan bulshadii iyo goobihii ay kayimaadeen kana dhaqangaliyaan casharada ay barteen.

Dhanka kale, madax kooxeedka Horumarinta Dugsiyada ee Xafiiska Waxbarashada DDSI mudane Maxamed Yuusuf oo isna kahadalay tababarkan ayaa sheegay in tababarkani yahay mid iskudhaf ah islamarkaana kaqaybgalayaasha lagu barayay casharo muhiim ah oo laxidhiidha barnaamijka caafimaadka iyo nafaqaynta dugsiyada iyo waliba kahortagida caadooyinka/dhaqamada xunxun sida guurka degdega ah. Wuxuuna timaamay in qalabkan looqaybiyay dugsiyada quudinta leh ay ilaashadaan qalabkan sifiicana loogu qabto adeegii loogu talagalay.

Ugudanbayna, dhankooda kaqaybgalayaashii kasooqaybgalay tababarkan oo dareenkooda kahadalay ayaa sheegay in ay aad ugu faraxsanayihiin tababarkan islamarkaana cilmigii ay barteen ay kadhaqangalinayaan goobihii ay kayimaadeen qalabkan lasiiyayna ay ilaashanayaan.

Jigjiga(cakaaranews)Axad 2da, July 2017. Xuska sanadguurada 11aad ee 7aadka adeeg-bixinta ayaa maanta si meeqaam sare leh looga xusay xarunta deegaanka ee magaalada jigjiga iyadoo munsaasabadana uu soo agaasimay xafiiska adeega shacabka iyo horumarinta cududa shaqaalaha DDSI islamarkaana ay kasooqaybgaleen masuuliyiinta golaha kabinetka deegaanka, agaasimayasha xafiisyada deegaanka iyo marti sharafkale.

Hadaba, munaasabadan ayaa waxaa khudbad muhiim ah kasoojeediyay Wasiirka Xafiiska Adeega Shacabka iyo Horumarinta Cududa Shaqaalaha DDSI mudane Axmed Maxamed Koore oo uguhorayn kahadlay marxaladihii kaladuwanaa ee uu soomaray deegaanku gaar ahaan dhanka cududa shaqaalaha deegaanka. wuxuun xusay wasiirku in cududa shaqaalaha ee deegaanku ay door muhiim ah kulee yihiin horumarka balaadhan ee deegaanka kahirgalaiy iyadoo sidookale ay doormuhiim ah kaqateen hirgalinta siyaasadaha shaqada iyo shaqalaha intaba. Wasiirka ayaa tilmaamay in laga bilaabo maanta ay lagama maarmaan tahay in cududa shaqaalaha deegaanku ay sii adkeeyaan adeegbixinta loohayo bulshada si loo xaqiijiyo kamidho dhalinta qorshayaasha u yaala deegaanka ee uu ugu horeeyo qorshaha kobaca iyo isbadalka dhaqaalaha wajigiisa 2aad si deegaanku uga mid noqdo wadamada dhaqaalahoodu dhexdhexaadka yahay.

Sidookale,Wasiir-kuxigeenka Xafiiska Maamulka DDSI mudane Cabdiwali Xaaji Maxamed Dalmar oo isna kahadlay munaasabadan ayaa sheegay in  cududa shaqaalaha deegaanku ay manta taagantahay meeshii ugu fiicnid islamarkaana fursad wayn ay u tahay shaqaalaha deeganka maadaama uu deegaanku hada kahor laha shaqaale noocan ah laakiin aan adeg hufan bulshada siinin islamarkaana ay hortaagnaayeen nabadgalyo xumo sida ururadii gabalkoodu dhacay ee UBB iyo Al-Itaxaad.

Sikastaba ha ahaatee, munaasabadan xuska 7aadka adeeg-bixinta oo ah mid heer qaran ah dhamaana laga xusay deegaanada dalka ayaa waxa halkudhag looga dhigay ''adeega shacabka oo anshax leh ayaan kuxaqiijinaynaa dib-ucurashadeena''.

Qabridahar (Cakaaranews)Axad 2da July 2017. Wasiirka xafiiska waxbarashada DDSI mudane Ibraahim Aadan Mahad oo uu wehelinayo gudoomiyaha gobolka qoraxey mudane Yuusuf Aadan Yuusuf iyo madaxwynaha Jaamacada Qabridahar mudane Dr Yuusuf ayaa kormeer shaqo ku tagay jaamacada qabridahar  oo dhismaheedii gabagabo marayo.

Hadaba Wasiirka xafiiska waxbarashada DDSI mudane Ibraahim Aadan Mahad ayaa sheegay inuu dhismihii jaamacada qaridahar uu gabagabo marayo islamarkaana ay sanadan kusoo xaroonayaan ardaydii dalka ee hashay jaamacadaha dalka kuwaasoo ka kala iman doona dhamaan deegaanada dalka, Wuxuuna wasiirku intaa ku daray inay diyaar yihiin goobihii waxbarasho ee loogu talagalay inay wax ku bartaan dhamaan ardayda ay qaabisho jaamacadu.  

Jigjiga,(cakaaranews),Axad, 2da July, 2017. Waxaa maanta xadhiga laga jaray dhismaha cusub ee madbacada daabacaada soomali print press oo uu dhismaheeda  hirgaliyay muwaadin u dhashay DDSI.

Waxaana xafladii xadhig ka jarka ka soo qaybgalay masuuliyiin sare oo ay ka mid yihiin madaxwayne ku xigeenka DDSI ahna wasiirka horumarinta magaalooyinka dhismaha iyo warshadaha DDSI mudane Cabdixakiin Cigaal Cumar, ku simaha maayirka maamulka magaalada jigjiga ahna maareeyaha maamulka magaalada jigjiga mudane Fadxi Shugri iyo marta sharaf kale.

Waxaana madbacadan siwada jir ah xadhiga uga jaray  madaxwayne ku xigeenka DDSI ahna wasiirka horumarinta magaalooyinka dhismaha iyo warshadaha DDSI mudane cabdixakiin cigaal cumar iyo ku simaha maayirka MM jigjiga  ahna maareeyaha MM jigjiga mudane fadxi shugri . kuwaasi oo xadhig ka jarkii ka dib soo kormeen  qaybaha kala duwan ee dhismaha madbacadan cusub  iyo noocyada ay daabacayso.

Waxaana intaasi ka dib la hadlay warbaahinta deegaanka ku simaha maayirka maamulka magaalada jigjiga ahna maareeyaha magaalada jigjiga mudane fadxi  shugri oo sheegay in caasimada DDSI ee jigjiga ay maalinba maalinta ka danbaysa si xawliya u koraysa bilicda iyo maalgashiga muga leh ee ay ka hirgalinayaa magaalada muwaadiniinta u dhashay DDSI ka dib markii ay xukuumada DDSI dajisay istaraatajiyada iyo qorshayaal cilmiyaysan oo muwaadiniinta u fududaynaya in ay ku dhibyar ku maalgashadaan deegaanka gaar ahaan caasimada Jigjiga , masuulka ayaa intaasi ku daray ahmiyada ay leedahay u leedahay adeegyada jijiga madbacadan maanta xadhiga laga jaray islamarkaana u mahad naqay mulkiilaha hirgaliyay dhismahan madbacadan cusub.

dhankiisa maareeyaha guud ee madbacada Somali print press mudane Tewodros Addisu ayaa ka warbixiyay jaran jarooyinkii uu soo maray hirgalinta dhismahan cusub iyo  qalabka lagu furay madbacadan isaga oo sheegay in ay dhismaha ku baxday 8 millyan oo bir halka ay qalabka madbacada daabacaadana ku baxday 7 millyan oo bir taasi oo ay isku gayntaynteeda ku baxday aduun lacageed oo dhan 15 millyan oo bir islamarkaana shaqo abuur u samaysay muwaadiniin dhan 70 qof  wuxuuna sheegay maareeyuhu in ay madbacadan leedahay daabacaad casriya oo ay ka mid yihiin noocyad kala duwan ee buugaagta, funaanadaha, soo saarida warqadaha noocyadooda kala duwan iyo dhamaan waxa looga baahan yahay oo dhan daabacadaha taasi oo siwayn u daboolaysa baahidii dhinaca daabacaada ee wakhtiyada qaar loo tagijiray meelka baxsan caasimada DDSI ee jigjiga wuxuuna ugu danbayntii u mahad celiyay maareeyuhu xukuumada DDSI oo uu sheegay in ay tahay ta u suurta galisay hirgalinta dhismaha madbacada daabacaada somali print press.