Jigjiga,(cakaaranews), Jumce, 19ka, may, 2017. Waxaa maanta xadhiga laga jaray kaalin shidaal casriya oo ay ku baxday aduun lacageed oo dhan 28 milyan oo bir taasi oo uu  muwaadin dhalinyaro ka hirgaliyay   Caasimada deegaanka ee jigjiga.

Xafladii kaalintan shidaalka ah xadhiga lagaga jarayay oo ahayd mid si qurux badan loo soo agaasimay ayaa waxaa ka soo qaybgalay masuuliyiin sare oo heer deegaan ah oo uu ka mid yahay madaxwayne ku xigenka DDSI  ahna wasiirka horumarinta magaalooyinka dhismaha iyo warshadaha DDSI mudane Cabdixakiin Cigaal Cumar, odayaasha  dhaqanka deegaanka,  masuuliyiinta ugu saraysa shirkada total dalkeena itoobiya oo uu ka mid yahay maareeyaha guud ee shirkada total dakeena itoobiya mudane Lassina Toure, kooxaha fanka iyo suugaanta DDSI iyo marti sharaf kale.

Kaalintan  shidaalka ah oo ah tii ugu horaysay ee noocan oo kale ah   laga hirgaliyo dalkeena itoobiya ayaa waxaa xafladii xadhig ka jarka  ugu horayntii ka hadlay madaxwayne ku xigeenka DDSI ahna wasiirka horumarinta magaalooyinka dhismaha iyo warshadaha DDSI mudane Cabdikaxiin Cigaal Cumar oo ugu horayntii u mahad celiyay mulkiilaha hirgaliyay kaalinta shidaalka ee laga dhisay caasimada DDSI wuxuuna sheegay madaxwayne ku xigeenku in sanadihii ugu danbeeyay si xawliga isku soo tarayso ganacsatada DDSI ee maalgashiga balaadhan ka samaysanaya deegaanka madaxwayne ku xigeenka ayaa ka warbixiyay ahmiyada ay kaalintani u leedahay bilicda magaalada jigjiga iyo adeeg bixinta dhinaca shidaalka ee deegaanka.

Dhankiisa  waxaa ka hadlay xafladan  maareeyaha guud ee Shirkada total dalkeena itoobiya  mudane Lassina Toure oo ugu horayntii u mahad celiyay u mahad celiyay hogaaminta xukuuamda DDSI ee suurtagaliyay horumarka balaadhan ee sida xawliga ah uga hirgalay DDSI isaga oo sheegay in kaalinta maanta xadhiga laga jarayaa tahay kaalintii ugu horaysay ee nooceedan oo kale ah ee laga hirgaliyo dalka  itoobiya  islamarkaana laga hirgaliyay caasimada DDSI maareeyaha ayaa u mahad celiyay mulkiilaha  kaalinta shidaalka dadaalka balaadhan ee uu ku jirgaliyay kaalinta casriga ah.

Sidoo kale waxaa ka hadlay furitaankii xafladan  mulkiilaha kaalinta ee shidaalka ee total mudane Sacad Xaaji Maxamed Ismaaciil oo ugu horayntii u mahad celiyay hogaaminta sare ee xukuumada DDSI oo ugu horeeyo madaxwaynaha DDSI mudane cabdi maxamuud cumar oo kaalin mug leh ka gaystay ayuu yidhi hirgalinta kaalintan shidaalka isaga oo ka warbixiyay jaran jarooyinkii ay soo martay hirgalinta kaalintan shidaalku isaga oo sheegay in ay ku baxday aduun lacageed oo dhan 28 millyan oo bir.

Waxaa kale oo ka hadlay xafladan Garaad Kulmiye Garaad Maxamuud Garaad Dool oo sharax dheerka bixiyay ahmiyada ay leedahay kaalintan shidaalka isaga oo sheegay in ay qayb ka tahay  qorshayaasha horumarineed ee laga hirgaliyay deegaanka gaar ahaan caasimada deegaanka ee jigjiga. Garaad ka oo ka hadlayay afka odayaasha deegaanka ayaa u mahad celiyay mulkiilaha hirgaliyay kaalinta shidaalka oo ah tii ugu horaysay ee noocon oo kale ah oo laga jirgaliyo dalkeena itoobiya

Ugu danbayntii waxaa xadhiga uga jaray kaalintan shidaalka ee total madaxwayne ku xigeenka DDSI ahna wasiirka horumarinta magaalooyinka dhismaha iyo warshadaha DDSI mudane cabdixakiin cigaal cumar iyo maareeyaha guud ee shirkada total ee dalkeena itoobiya mudane lassina toure.

Addisababa (Cakaaranews) Sabti 20ka May 2017. Madaxwaynaha DDSI mudane Cabdi Maxamuud Cumar ayaa dhanka xarunta deegaanak uga ambabaxay dhanka xarunta dalka ee magaalada addisababa, Isagoo hawlo shaqo, Shirar iyo hawlo muhiim ah utagay xarunta dalka ee magaalada addisababa. madaxwaynaha ayaana wakhti xaadirkan kusugan xarunta dalka .

Jigjiga (cakaaranews) Sabti 20ka May 2017.Kulan kusaabsan diyaarinta qorshaha hawlaha caafimaadka islamarkaana lagu aasaasayay kooxo cusub oo ah kooxaha taageerada iyo dabagallka hawlaha caafimaadka, kana sooqaybgaleen Vocal personada 8 gobol oo deegaanka kamid ah iyo hawlwadeeno kale ayaa kadhacay xarunta deegaanka ee magaalada  jigjiga.

Hadaba, kulankan oo ahaa mid lagu diyaarinayp qorshayaasha caafimaadka islamarkaana socday mudo sadex cisho ah ayaa waxaa xidhitaankiisii kahadlay  wasiirka xafiiska caafimaamadka DDSI mudane Xasan Ismaaciil oo xidhitaankii kulankan kahadlay ayaa sheegay in kulankani ahaa mid  lagu lafa gurayayay qorshaha 2010 TI ee inagu soo aadan islamarkaan lagu aasaasayay kooxaha taageerada iyo dabagalka caafimaadka.

Wuxuuna wasiirku kuladardaarmay hawlwadeenada iyo kooxahaba in qorshaha 2010 ee caafimaadku uu noqda mid kusalaysan siyaasada caafimaadka ee dalka islamarkaana ku qotama baahada deegaanka ee dhinaca caafimaadka.

Ugudanbayna kaqaybgalayaashii kulankan oo dareenkooda kahadlay ayaa sheegay in kulankani ahaa mid aadmuhiim u ah aadna ay ugfaraxsanyihiin. Waxayna tilmaameen in ladhisay kooxaha taageerada iyo dabagalka caafimaadka.

Jigjiga(cakaaranews)Axad 21ka May 2017.Tartan  balaadhan oo uu soo agaasimay xafiiska waxbarashada iyo kobcinta awooda Maamulka magaalada Jigjiga islamarkaana ay kasooqaybgaleen ardayda dugsiyada oo laga soo kala xulay 29 dugsi oo isugujira dugsiyada dawliga ah iyo kuwa aan dawliga ahayn, socdayna mudo bil ah ayaa lagu soo gabagabeeyay magaalada jigjiga.

Tartankan  oo ah mid ay ardaydu  ku taratamaysay 6 maado oo kala ah physics, chemistry, biology, milgaha qaranka (Civic), luuqada afka Hooyo, iyo xisaabta ayaa lagu abaalmariyay dugsiyadii iyo ardaydii kaalimaha hore galay.

Hadaba, tartankan ayaa waxaa warbaahinta deegaanka uga waramay madaxa xafiiska waxbarashada iyo kobcinta awooda Maamulka Magaalada Jigjiga mudane Cabdinaasir Cadhays oo sheegay in tartankani yahay mid uu xafiisku qabto sanadwalba xiligan oo kale islamarkaana ay u jeedadiisu tahay in ardayda dhaxdeedu isbarato kuna kala bartaan aqoon iyo cilmi, wuxuuna tilmamay in ay abaal marin la siiyay dugsiyadii iyo ardadii ku guulaystay tartankan islamarkaana kaalimaha hore galay.

Uguanbayna dhankooda ardaydii kuguulaysatay tartankan oo dareenkooda kahadlay ayaa sheegay in ay aad ugu faraxsan yihiin taratakan looqabtay. Waxayna xuseen in taratnku ahaa mid si heer sare ah loo soo diyaariyay aqoon iyo cilmi badana ay ka heleen.

Jigjiga,(cakaaranews), Axad, 21ka,May, 2017.  Waxaa ka furmay caasimada deegaanka ee  jigjiga gaar ahaan madasha shirarka ee huteelka xamda tababar ku saabsan sidii loo daraasadayn lahaa xili roobaadka gu’ga islamarkaana loo ogaan  lahaa  baahida bulshada deegaanka ee xoolo dhaqatada iyo xoolo dhaqato beeralayd.

Tababarkan oo uu soo agaasimay xafiiska ka hortaga iyo u diyaar garowga masiibooyinka DDSI ayaa waxaa ka soo qaybgalay masuuliyiinta ugu saraysa xafiiska ka hortaga iyo u diyaar-garowga masiibooyinka oo ay ka mid yihiin wasiirka xafiiska ka hortaga iyo u diyaar garowga masiibooyinka DDSI mudane Xuseen Maxamed Xasan, wasiirka xigeenka xafiiska ka hortaga iyo u diyaargarowga masiibooyinka DDSI ahna la taliyaha madaxwaynaha dhinaca bini-aadanimda iyo xidhiidhka ha’yadaha mudane Anwar Cali, wasiir ku xigeenka ka hortaga iyo u diyaar-garowga masiibooyinka DDSI mudane Yaasiin Cumar, xubno ka  socday xafiisyada heer deegaan ee ay baw-wadaagta yihiin xafiiska  ka hortaga iyo u diyaargarowga masiibooyinka DDSI iyo xubo ka socday dhamaan hayada, ka hawlgala deegaanka gaar ahaan kuwa ay bah-wadaagta yihiin xafiiska ka hortaga iyo u diyaar-garowga masibooyinka DDSI.

Waxaana furitaankii tababarkan ka hadlay wasiirka xafiiska ka hortaga iyo u diyaargarowga masiibooyinka DDSI mudane Xuseen Maxamed Xasan  oo ka warbixiyay ahmiyada iyo ujeedooyinka tababarkan  isaga oo  sheegay in  ujeedada ugu wayn tababarkani tahay maadaama oo  hadda lagu jiro xili-roobaadkii gu’ga sidii loo soo daraasadan lahaa xaalad Roobaadka gu'ga loona ogaan lahaa baahida bulshada deegaanka ee xoolo dhaqatada iyo kuwa xoolo dhaqato beeralayda ah gaar ahaan kuwa ay abaaruhu saameeyeen wasiirka ayaa intaasi ku daray in hadda xukuumada DDSI xooga saarayso sidii looga gaashaaman lahaa xaaladaha abaarta daraasaadkana wax wayn ka qabandoona qorshayaasha lagaga gaashaamanayo abaarta ugu danbayntii waxa uu wasiirku u booriyay tababartayaashan in mudada uu tababarku socdo fahan buuxa ka qaataan cashirada la dhigayo si looga midho dhaliyo ujeedooyinka tababarkan.

Tababarkan oo socondoona mudo laba maalmood ah ayaa marka uu dhamaado waxay  tababartayaasha  oo ah kooxo isku dhafka oo ka kala socday qaarka mid ah xafiisyada heer deegaan iyo hay’adaha ka hawlgala deegaanku u bixidoonaan gobolada deegaanka si ay u soo sameeyaan daraasaadkan.

Tog-wajaale,(Cakaaranews)Axad, 21ka, May, 2017. Waxaa maanta xadhiga laga jaray huteel cusub  oo   laga hirgaliyay maamulka magaalada tog-wajaale kaasi oo loo bixiyay meder huteel  ayna  ku  baxday aduun lacageed oo dhan   18 millyan oo birr ayaa waxa  maalgashaday muwaadin dhalinyaro.

Haddaba, Xafladii  xadhiga lagaga jarayay huteelkan cusub  oo ahayd mid si qurux badan loo soo agaasimay ayaa waxaa ka soo qaybgalay masuuliyiin  heer deegaan ah oo ay ka mid yihiin  wasiirka maalgalinta DDSI mudane Cabdinaasir Maxamed, maareeye ku xigeenka machadka cilmibaadhista DDSI mudane cabdiraxmaan caagane, masuuliyiinta maamulka  gobolka faafan oo uu ka mid yahay ku simaha  gudoomiyaha gobolka faafan mudane Axmednuur Siyaad Cabdi, masuuliyiinta maamulka magaalada tog-wajaale oo uu ka mid yahay maayorka maamulka magaalada tog-wajaale mudane maxamuud cabdi muxumed qaarka mid ah odayaal dhaqameedka heer deegaan iyo kuwa maamulka magaalada tog-wajaale. .

Waxaana xafladii xadhiga lagaga jarayay huteelkan ugu horayntii ka hadlay wasiirka maalgalinta DDSI mudane Cabdinaasir maxamed     oo  u mahad celiyay mulkiilaha hirgaliyay huteelkan cusub ee laga dhisay maamulka magaalada tog-wajaale wuxuuna sheegay wasiirku  in sanadihii ugu danbeeyay si xawliga isku soo tarayso ganacsatada DDSI ee maalgashiga balaadhan ka samaysanaya deegaanka taasi oo salka ku haysa dadaalka muga leh ee ay xukuumada DDSI u gashay sidii loo dhiiragalin lahaa  loona garab istaagilahaa ganacsatada DDSI  islamarkaana suurtagalisay ayuu yidhi wasiirku barnaamijyo iyo qorshayaal  hufan oo ganacsatada u sahlaya  in ay si fudud u maalgashadaan deegaanka   wasiirka ayaa  tilmaamay ahmiyada balaadhan ee u huteelkani u leeyahay bilicda magaalada tog-wajaale iyo adeegyada dhinaca huteelada ee maamulka magaalada togwajaale isaga oo ku booriyay ganacsatada kale oo maamulka magaalada tog wajaale iyo kuwa deegaankuba in ay ku daydaan mulkiilahan huteelka.

Waxaa kale oo ka hadlay xafladan xadhiga lagaga jaray huteelkan ku simaha   gudoomiyaha gobolka faafan mudane Axmednuur ciyaad cabdi iyo qaarka mid ah odayaal dhaqameedka DDSI iyo kuwa maamulka magaalada tog-wajaale kuwaasi  sheegay in guulaha balaadhan ee ay xukuumada DDSI sanadihii ugu danbaysay soo haysay tahay tan keentay in hantiilayaasha DDSI ku dhiiradaan sidii ay maalgashi balaadhan uga samaysan lahaayeen deegaan waxayna tilmaameen   ahmiyada uu huteelkani u leeyahay magaalada tog wakaale oo ah xarun ganacsi islamarkaana loo baahay yahay in kor looqaado adeega dhinaca huteelada iyaga oo mahad celiyay mulkiilaha huteelkan hirgaliyay ay ku tilmaameen  in uu yahay  muwaadin dhalinyaro ah oo ku dayasha mudane

Sidoo kale waxaa ka hadlay furitaankii xafladan mulkiilaha huteelkan cusub mudane Mustafe Cabdilaahi   oo ugu horayntii u mahad celiyay hogaaminta sare ee xukuumada DDSI oo ugu horeeyo madaxwaynaha DDSI mudane Cabdi Maxamuud Cumar oo suurta galiyay ayuu yidhi in aan ku dhiirano hirgalinta maalgashigi huteelkan wuxuuna sheegay hirgalintiisa huteelkan in ay  ku baxday aduun lacageed oo dhan 18 millyan oo bir wuxuuna ka kooban yahay ayuu yidhi 54 Qal oo jiif ah hoolkii shirarka iyo qaybta sharaabka/cafateeriyada kaasi oo  shaqo abuur u sameeyay ayuu yidhi mulkiiluhu 35 qof oo muwaadiniin ah.

Waxaana siwada jir ah xadhiga uga jaray huteelkan wasiirka maalgalinta DDSI mudane Cabdinaasir maxamed iyo maayorka maamulka magaalada tog-wajaale mudane maxamuud cabdi muxumed.

Jigjiga(cakaaranews)Isniin 22ka May 2017. Shir balaadhan oo uu soo agaasimay Xafiiska Horumarinta beeraha iyo khayraadka dabiiciga ah waaxdiisa damaanaad qaadka cuntada islamarkaana ay kasooqaybgaleen madax-xafiiseedyada maaliyada, beeraha, xisaabadada PSNP iyo dhamaan TA yada 46 degmo oo deegaanka ah ayaa ka bilowday hoolka shirarka ee kuliyada maaraynta iyo adeega shacabka DDSI.

Hadaba, shirkan ayaa waxaa furay islamarkaana khudbad muhiim ah kasoojeediyay kusimaha wasiirka Xafiiska Horumarinta Beeraha iyo Khayraadka Dabiiciga ah  ahna Agaasinka Geedisocodka Damaanad Qaadka Cuntada ee isla Xafiiska mudane Lubi Axmed Kaariye oo sheegay in shirkani yahay shirkii lix  biloodlaha ahaa ee dib u eegsita iyo qiimaynta waxqabadka mashruuca PSNP iyo waliba qorshayaashii ladhigtay 6da bilood iyo siday u qabsoomeen. Wuxuuna intaa kudaray in shirkani uu yahay mid lagu eegayo warbixinta waxqabadka degmo kasta oo shirkan fadhida islamarkaana lagu saxayo dhaliilaha la arko inta uu socdo shirku.

Kusimaha wasiirka oo hadalkiisa sii wata ayaa tilmaamay in shirkani uu noqon doono mid lagu kalaqaato khibrado islamarkaana ay degmooyinka dhaxdoodu ay khibrad ku kala qaataan dhankooda adag.

Sikastaba ha ahaatee, shirkan lix biloodlaha ah ee qiimaynta ah ayaa ku bilawday jawi wanaagsan oo farxadi ku dheehan tahay.

Qabridahar(Cakaaranews)Isniin, 22ka May 2017. Waxaa ka qalinjabiyay kuliyada caafimaadka ee magaalada qabridahar dufcadii 1aad oo ay tiradoodu dhan tahay 57 arday oo ay 27 hablo yihiin kuwaasi oo ku qalinjabiyay heerka dilomada muddo 3sanno ah bartayna waaxaha kaladuwn ee culuunta caafimaadka.

waxaana ka soo qaybgalay qalinjabinta xafladan  masuuliyiin heer deegaan ah oo ay ka mid yihiin wasiirka xafiiska tababarada xirfadaha iyo farsamada DDSI mudane Naasir Ahmed, Wasiirka xafiiska arrimaha haweenka iyo caruurta DDSI marwo Raxma Maxamuud Haybe, masuuliyiinta gobolka qoraxey iyo kuwa mm qabridahar.

Hadaba qalinjabinta munaasabadan ayaa waxaa ugu horayn ka hadlay wasiirka xafiiska tababarada xirfadaha iyo farsamada DDSI mudane Naasir Ahmed oo sheegay inuu aad oogu faraxsanyahay qalinjabinta ardaydan 57 ah ee baratay culuumta caafimaadka islamarkaana ay tani kamid tahay guulaha ay xukuumadu ka gaadhay qaybaha waxbarashada. Wuxuuna wasiirku kula dardaarmay ardaydan ka qalinjabisay kuliyada caafimaadka ee mm qabridahar inay bulshada oogu adeegaan sidii loogu talagalay islamarkaana bulshada ka caawiyaan adeega dhanka caafimaaka.

Ugu Danbayna waxaa dhankooda ka hadlay qaar kamid ardadii qalinjabiyaasha ahaa oo sheegay inay aad oogu faraxsanyihiin qalinjabintan ay maanta ka qalinjabiyeen kuliyada caafimaadka ee mmq islamarkaana ay bulshada ugu adeegii doonaan sidii loogu talagalay kana caawin doonaan adeeyada caafimeed ee ay soo barteen.

Jigjiga,(cakaaranews), Isniin, 22ka May, 2017. Waxaa tababar muddo 3 maalmood ah socday loo soo gabagabeeyay xubnaha madasha wadatashiga golayaasha heerarkooda kala duwan oo ah, xubnaha afhayeenada golayaasha xildhibaanada degmooyinka deegaanka iyo ku xigeenada afhayeenka golaha xildhibaanada degmooyinka deegaanka, maamulada magaalooyinka DDSI iyo waliba xubnaha gudiyada joogtada ah ee golayaasha degmooyinka deegaanka.

Tababarkaasi oo uu soo diyaariyay xafiiska golaah xildhibaanada DDSI  ayaa waxaa soo xidhitaankiisii ka hadlay madaxa xafiiska golaha xildhibaanada DDSI mudane Ibraahin Maxamed oo ka warbixiyay ahmiyada uu lahaa tababarkan kaasi oo sheegay in uu ahaa mid xooga lagu saarayay sii adkaynta hanaanka hawlaha shaqo ee  xildhibaanada degmooyinka deegaanada, xoojinta shaqooyinka ugu muhiimsan iyo mabaadida shaqo ee golaha xildhibaanada degmooyinka deegaanka iyo maamulada magaalooyinka DDSI  wuxuuna masuulku ku booriyay xubnahan madasha wadatashiga golayaasha heerarkooda kala duwan  in ay ka midho dhaliyaan cashiradii la siinayay mudadii uu tababarku socday.

Mudada uu socday tababarkani waxaa la barayay xubnahan cashiro ay ka mid yihiin doorka golaha xildhibaanada degmooyinka iyo maamul magaalooyinku ku leeyihiin hirgalinta maamulka suuban iyo rifoomyada, doorka ay golaha xildhibaanada degmooyinku ku leeyihiin geedi socodka diyaarinta, ansixinta iyo dabagalka miisaaniyada iyo hanaanka duubista iyo diyaarinta  hadal qoraaleedyada  golaha baarlamaanka degmooyinka iyo maamul magaalooyinka. Waxaana bixinayay cashiradan khabiiro ka kala socay xafiiska golaha xildhibaanada DDSI ,xafiiska maaliyada iyo horumarinta dhaqaalaha DDSI  iyo xafiiska  adeega shacabka iyo horumarinta cududa shaqaalaha DDSI.

Jigjiga,(cakaaranews),talaado, 23ka May, 2017. Tababar uu soo diyaariyay xafiiska adeega shacabka iyo horumarinta cududa shaqaalaha DDSI oo ay ujeedadiisu tahay sidii loo hirgalin lahaa nidaamka qiimaynta iyo daraja siinta shaqada (Job evaluation and grading)    iyo tabaha cabirka halbeega shaqada oo ah wajigii 4aad ayaa ka furmay caasimada DDSI ee jigjiga  kaasi oo loo  qaybtay  xubnaha madax xafiiseedyada xafiisyada adeega shacabka iyo horumarinta cududa shaqaalaha  ee dhamaan degmooyinka deegaanka iyo maamulada magaalooyinka  DDSI.

Waxaana Furitaankii tababarkan ka  hadashay wasiirka adeega shacabka iyo horumarinta cududa shaqaalaha DDSI marwo Maajida Maxamed Maxamuud  oo ka warbixisay  ujeedooyinka tababarkan iyo istaraatajiyadaha laga leeyahay taasi oo ah ayay tidhi in si cad loo qeexo cid kastaana garato kaalinta uu shaqaaluhu ku leeyahay hirgelinta waajibaadyada shaqada iyo natiijooyinka laga sugayo shaqaalaha  wasiirka ayaa sheegtay in nidaamka qiimaynta iyo darajasiinta shaqada wajigiisii 1aad laga hirgaliyay xafiiska adeega shacabka iyo horumarinta cududa shaqaalaha DDSI halka  2aad iyo kii 3aad  laga hirgaliyay xafiisyada heer deegaan taasi oo guulo waawayn laga soo hooyay halka wajigiisa 4aadna la doonayo in laga hirgaliyo gobolada, maamulada magaalooyinka iyo degmooyinka DDSI ujeedada tababarkana tahay sidii fahan buuxa looga siinlahaa xubnahan fulinta iyo hirgalinta nidaamkan waxayna wasiirku ku boorisay xubnahan ka soo qaybgalay tababarkan in looga baahan yahay in ay kaalin tooda ka qaataan hirgalinta nidaamkani darajo siinta shaqada si loo dar-dar galiyo shaqooyinka haay’adaha dawlada layskuguna dheeli tiro shaqada iyo darajasiinta shaqada.

Nidaamka qiimaynta iyo darajo siinta shaqada oo laga hirgaliyay xafiisyda heer deegaan  ayaa ah  nidaam  kor u qaaday  tayada deegyada  shaqada xafiisyada dawlada  islamarkaana  xoojinaya  diyaarinta qorshaha cududa shaqo lagu hirgalinayo  wuxuuna si cad u qeexayaa  Hanaanka shaqaalaynta, dalacsiinta, bedelka iyo darajasiinta shaqada.

Jigjiga,(cakaaranews), talaado, 23ka may 2017.  Madaxwaynaha DDSI mudane Cabdi Maxamuud Cumar ayaa hambalyo kal iyo laab ah u diray Dr Tedros  Adhanom  guusha taariikhiga ah  ee uu ku  guulaystay jagada  agaasimaha  guud ( director general)  ee hay’ada caafimaadka aduunka (WHO) taasi  oo ka dhigaysa masuulkii ugu horeeyay ee  ka soo jeeda qaarada Africa  ee ku guulaysta jagadan.

haddaba, Madaxwaynaha DDSI mudane  cabdi maxamuud cumar ayaa u Rajaynaya  in xilkan iyo masuuliyadan  loo Idmaday Dr tedros adhanom  uu  guulo wax ku ool ah ka soo hoyn-doono isbadal muuqdana ka keenidoono dhinaca caafimaadka wadamada caalamka gaar ahaan wadamada soo koraya. madaxwaynaha ayaa  intaasi ku daray in ayna ahayn oo kaliya guul u soo hoyatay Dr tedros ee ay tahay guul u soo hoyatay dalkeena itoobiya iyo guud ahaan qaarada Africa.

Jigjiga(Cakaaranews) Arbaco 24ka May 2017. Wasiirka Xafiiska waxabarashada DDSI Mudane Ibraahim Aadan Mahad oo si qota dheer ooga warbixiyay qaabka uu udhicidoono imtixaanaadka heer qaran  ayaa sheegay ina dhamaan dalkeena itoobiya looga diyaargaroobay imtixaanaadka heer qaran ee fasalada 10aad, 12aad iyo 8aadba islamarkaana maalin dhaw uu si habsimi leh ooga dhici donaan dhamaan dalkeena itoobiya.

Hadaba Wasiirka xafiiska waxabarashada DDSI Mudane Ibraahim Aadan Mahad oo faahfaahiyay nidaamka uu udhicidoono imtixaanaadka heer qaran ayaa sheegay in la sameeyay comond postiyo isugu xidhan heer federal, Heer Deegaan, Heer Gobol iyo heer degmo, Isagoo wasiirku xusay in ay xilal kala leeyihiin ilaaliyaasha, Kormeerayaasha, Tiriyayaasha islamarkaana ay hay’adaha amnigu ay door kuleeyihiin ilaalinta nidaamka imtixaanaadka iyo waliba ilaalinta waxyaabaha anshax xumida ah.

Wuxuuna wasiirku intaa ku daray in sanadan 2009TI ay imtixaanka fasalka 10aad ufadhiisan doonaan in kabadan 15,000 oo arday halka imtixaanaadka fasalka 12aad ay ufadhiisan doonaan 9000, oo ardayda deegaankeena ah, Fasalka 8aadna ay ufadhiisan doonaan in kabadan 27,000 oo ardayda deegaankeena ah, Sidoo kalena Wuxuu wasiirku xusay in imtixaanaadka heer qaran uu balaabmi doono maalmahan fooda inagusoo haya ee bishan 9aad ee ginbood kuna bilaabmi doono fasalada 10aad, Iyadoo imtixaanaadka fasalada 10 ee deegaanku uu ka dhici doono 151 goobood oo deegaanka ah, Halka uu imtixaanka fasalada 12aad uu bilaabmi doono dhamaadka isla bishan ginbood oo ku beegan 28ka bishan ginbood wuxuuna ka qabsoomi doonaa 88 goobood oo deegaanka ah.

Ugu danbayna wuxuu wasiirku tilmaamay in dadaalka uu xafiiska waxbarashada DDSI uu sameeyay sanadan gudaheeda uu kalsooni balaadhan ka qabo dhamaan ardayda deegaanka ee u faadhiisanaya imtixaanaadka heer qaran ay natiijo wax ku ool ah oo lagu farxo ka keeni doonaan, Maadaama uu xafiisku kulamo layeeshay dhamaan aradayda dugsiyada sare ee deegaanka, Waalidiinta Maamulayaasha iyo waliba macalimiinta oo loo qabtay tababaro kaladuwan. Isagoo wasiirku intaa kudaray in dhamaan ardayda la isugu xidhay 1 ilaa 5 islamarkaana laga joojiyay mobilada iyo waxyaabaha anshax xumida ah in lagu isticmaalo dugsiyada gudahooda , Iyadoo ardayda loo sameeyo nakhtiin ama make up class. Wuxuuna wasiirku hadalkiisii kusoo xidhay in ardayda qaadanasa imtixaanaadka heer qaran laga qaaday model examinationkii islamarkaana uu dadaalada badan ee xafiisku sameeyay sanadan 2009TI ay natiijo wax ku ool ah ka keeni doonaan dhamaan aradayda deegaanka ee qaadanaysa imtixanaadka heer qaran ee fasalada 10aad,12aad iyo 8aadba.   

Jigjiga(cakaaranews)Khamiis 25ka May 2017. Macalimiin kakooban 63 gabdhood oo laga soo kala xulay barayaasha dugsiyada deegaanka islamarkaana heerka aqoontoodu isugujirto diploma iyo degree ayaa kadib markii uu u soo dhamaaday tababar ay kuqaadanayeen jaamacad jigjiga mudo 3 bilood ah kuna qotomay nidaamka hogaaminta dugsiyada (school leadersip) ayaa maant si habsami leh xafladii qalinjabintoodu uga dhacday hoolka shirarka ee Nogob Hutel.

Hadaba, xafladan qalinjabinta ah ayaa waxaa furitaankeedi khudbad muhiim ah oo dhinacyo badan taabanaysa kasoojeediyay wasiirka xafiiska waxbarashada DDSI mudane Ibraahim Aadan Mahad oo ugu horayn uhanbalyeeyay dhamaan qalinjabiyayaasha kaqalinjabisay tababarka hogaaminta ee ay kuqaadanyeen jaamacada jigjiga. Wuxuuna intaa kudaray wasiirku in dhamaan qalinjabiyayaashu ay yihiin gabdho macalimiin ahaa islamarkaana laga soo kalxulay dugsiyada deegaanka. iyadoo xubanahan qalinjabiyayn ay baranayeen mudo 3 bilood ah school leadership. Si ay unoqdaan maamulayaasha dugsiyadii ay kakalayimaadeen. Wasiirka oo hadalkiisa siiwata ayaa xusay in qorshayaasha sectorka ee horumarinta waxbarshada ee (ESDP5) uu xooga saaray in dumarku waxbaratay ay hogaaminta dugsiyada deegaanka ay door muhiim ah kaqaataan maamulkiisa iyo hogaamintiisaba.

Wasiirka ayaa tilmaamay in dumarku ay yihiin lafdhabarta qoyska isamarkaana ay door laxaadleh ka galeen horumarka deegaanka.

Dhanka kale, wasiirka ayaa qalinjabiyayaasha kula dardaarmay in kadib marii ay qaataan waraaqaha maamulanimo ay noqdaan gabdho leh dareen wadaniyadeed iyo mid lahaansho islamarkaana noqda kuwa keena natiijooyin wax ku ool ah oo ay kusoohirtaan gabdhaha kale ee deegaanku.

Sidookale, Agaasinka horumarinta macalimiinta iyo hogaaminta waxbarashada mudane Farxaan Cabdi Makhtal oo dhankiisa kahadlay ayaa sheegay in si fiican oo wadaiyad leh ay usoo dhamaysteen tababarkii sadexda bilood ah ee ay kubaranayeen hogaaminta dugsiyada hoose iyo kuwa sare islamarkaana uu u rajaynayo in sidookale ay kasoobaxaan masuuliyadan loo dhiiibay. Heerka aqoonta waxbarashadoodana ay sii wadaan

Ugudanbayna, wasiirka xafiiska waxbarashada DDSI mudane Ibraahim Aadan Mahad ayaa qalinjabiyayaasha gudooniiyay shahaado sharaf cadaynaysa tababarkan iyo mudadii ay kujireen.

Jigjiga(Cakaaranews) Jumce 26ka May 2017. Madaxwaynaha DDSI mudane Cabdi Maxamuud Cumar ayaa maanta warbaahinta  deegaankaba uga waramay guusha iyo midhaha 20-ka Ginbood oo ah maalintii laga takhalusay mugdigii iyo cadaadiskii xukuumadii Dergiga, wuxuuna madaxwaynuhu hanbalyo u diray dhamaan shacab waynaha Itoobiya isbadalka maanta ay   ku naaloonayaan qoomiyadaha Itoobiya.

Madaxwayne Cabdi Maxamuud Cumar ayaa ugu horayntii uga mahadceliyay shacabka DDSI iyo guud ahaanba dalka iyo waliba dadaalka horumarineed ee uu  dalku doonayo inuu kagamid noqdo wadamada dhaqaalahoodu dhexdhexaadka yahay. Halkan laguma soo koobi karo isbadalka iyo guulaha ay 20-ka Ginbood u soo hoyisay qoomiyadaha iyo shacabwaynaha Itoobiya ayuu yidhi madaxwayne Cabdi Maxamuud Cumar.

Ginbood kahor (25 sano) Itoobiya waxay dhamaan kusugnayd mugdi wuxuuna madaxwaynuhu sheegay in Soomaalida Itoobiya ay Dergidu ula dhaqmi jirtay muwaadinka labaad ama (second citizen) iyadoo deegaanku aysan haba yaraatee wax horumar ah ka dhaxlin.

Madaxwayne Cabdi Maxamuud waxaa uu sheegay in deegaanka Soomalidu ahaan jiray wakhtigaasi Dergiga xeryo militari oo xitaa aan guri laga dhisin ama laga dhaxlin xeryahaasi iskadaa horumar kale oo lasheego. Waxay shacabku kala kulmeen dil, dhac, boob iyo dhibaatooyin badan oo dafiray xaquuqahoodii aas aasiga ahaa.

Midhaha Ginbood oo ay ugu horeeyaan xaquuqaha ay qoomiyaduhu lahaayeen iyo horumarka balaadhan ee maanta dalku kutalaabasaday ayaa waxaa hormuud u ahaa guusha 20-ka Ginbood, waxaana 25kii sano ee lasoo dhaafay dalku kagaadhay horumar dhan walbo ah, Deegaanka soomaalidana waxaa uu kafaaidaysatay horumarka iyo maamulka suuban ee wadanka ka curtay sida Biyaha,waxbarashada, jidadka, isgaadhsiinta, Caafimaadka, dib u dajinta mashaariicaha waawayn ee kaladuwan iyo qorshayaasha horumarineed ee uu hogaaminayo ururka talada dalka haya ee EPRDF iyo bahwadaagtiisa.

Jigjiga,(cakaaranews), jumce, 26ka May, 2017. Kulan lagu qiimaynayay wax qabadka mashruuca Dhimista dhimashada hooyada iyo dhamalaanka ee afka qalaad  loo soo gaabiyo (RIF) oo ah waxqabada mashruuca  bilihii la soo dhaafay  oo diirada lagu saarayay fulinta qorshihii mashruuc u dajisnaa  laguna qorfaynayay   sidii loo dar-dar galin lahaa  qorsha yaasha  mashruuca ayaa maanta lagu soo gabagabeeyay caasimada DDSI gaar ahaan madasha shirarka ee  huteelka City crown.

Kulankan qiimaynta ah oo u soo diyaariyay xafiiska caafimaadka DDSI ayaa waxaa soo xidhitaankiisii ka soo qaybgalay masuuliyiinta xafiiska caafimaadka DDSI oo uu ka mid yahay wasiirka xafiiska caafimaadka DDSI mudane Xasan Ismaaciil Cali, masuuliyiin ka socday ururka horumarinta somalida itoobiya oo uu ka mid yahay maareeyahay ururka horumarinta somalida itoobiya mudane Cabdifaax Siciid iyo masuuliyiinka socday hay’adaha ay baw-wadaagta yihiin xafiiska caafimaadka DDSI.

Kulankan qiimaynta ah oo socday muddo 2maalmood ah ayaa waxaa xidhitaankiisii ka hadlay wasiirka caafimaadka DDSI mudane xasan ismaaciil cali oo ka warbixiyay waxqabadka mashruucan iyo guulaha laga soo hooyay fulinta qorshayaashii u yaalay mashruuca bilihii ugu danbeeyay. wasiirka ayaa sheegay  in tan iyo intii la hirgaliyay mashruucani uu wax wayn ku soo biiriyay dadaalka uu xafiiska caafimaadka DDSI ugu jiro ka midho dhalinta adeegyada  caafimaadka gaar ahaan hoos u dhiga dhimashada hooyada iyo dhalaanka.

Dhankiisa maareeyaha mashruuca dhimista dhimashada hooyada iyo dhalaanka ee xafiiska caafimaadka DDSI mudaen Shaafici Daahir Muuse ayaa  ka warbixiyay kaalinta waxqabad ee uu mashruucani ku leeyahay hirgalinta adeegyada caafimaadka gaar ahaan adeega  caafimaadka hooyada iyo dhalaanka wuxuna sharax dheerka bixiyay in   mudadii koobnayd ee la hirgaliyay  mashruucan uu  guulo waawayn ka soo hooyay fidinta iyo wacyigalinta adeegyada caafimaadka iyo kaalintii uu mashruucani ka qaatay dadaalkii loogu jiray xakamaynta iyo tir-tirida  cudurka shubanbiyoodka  ka dhashay xaaladii  abaaraha saamaysay qaarka mid ah degmooyinka deegaanka.

Gabagabadii ayaa waxaa laga soosaaray  kulankan qiimaynta ah  qorshe ah in  muddo bil ah lagu  lagu soo gabagabeeyo  shaqooyin u  qorshaysan  oo uu fulinayo mashruucani oo ah  in 63 xurumo caafimaad solar light loo galiyo, 51 xurumo caafimaad haamaha  biyaha ah loo dhigo, 61 Mooto la gaadhsiiyo degmooyinka deegaanka ee uu ka hawlgalo mashruucani.

Geneva(cakaaranews),jumce, 26ka May, 2017. Jaaliyada DDSI ee wadanka Switzerland  ayaa si balaadhan  u taageeray guushii uu ka gaadhay Dr Tedros Adhanon  loolankii adkaa ee qabashada  xilka agaasimaha guud ee hay’ada caafimaadka aduunka  (WHO).

Haddaba, jaaliyada DDSI ee ku dhaqan wadanka Switzerland  gaar ahaan magaalada Geneva ayaa sameeyay isku soo bax balaadhan oo ay ku  muujinayaan taageerada ay  taageersan yihiin guusha muga leh ee  uu soo hooyay Dr Tedros Adhanom taasi oo ay sheegeen in ay tahay guul u soo hoyatay guud ahaan qaarada Africa gaar ahaana dalkeena itoobiya maadaamo oo uu yahay masuulkii ugu horeeyay ee ka soo jeeda qaarada Africa ee ku guulaysta xilkan agaasimaha guud ee hay’ada caafimaadka aduunka (WHO).

Jigjiga(Cakaaranews) Sabti 27ka May 2017. madaxwaynaha DDSI mudane Cabdi Maxamuud Cumar ayaa dhamaan muslimka caalamka gaar ahaan muslimiinta Itoobiya ugu bishaareeyay bisha barakaysan ee Ramadaanka oo dhamaan dalka Itoobiya iyo caalamkaba barito laga soomayo.

Madaxwaynaha ayaa faray dhamaan muslimiinta walaalaha in ay kafaaiidaystaan khayraadka iyo barkada bisha Ramadaanka isaga oo ugu dar daarmay in la iscaawiyo oo dariska iyo masaakiinta dhaqaalahoodu liito lacaawiyo, islamarkaana labadiyo Alle kacabsiga, isjeclaanshaha, iyo khayraadka badan ee bishu leedahay.

Madaxwaynaha ayaa Ilaahay uga baryay dhamaan muslimiinta in Ilaahay ka dhigo kuwa kafaaidaysata bishan barakaysan ee Ramadaanka khayrkeeda oo dhan. Sidoo kale waxaa uu Allaah uga baryay in bishan bisheeda ku gaadhsiiyo barwaaqo,  Alle kacabsi, iyo cimri suuban.

Jigjiga(cakaaranews)Sabti 27ka May 2017..Shaqaalaha wakaalada jibriga laanteeda jigjiga ayaa deeq lacageed oo dhan boqol sodon iyo sagaal kun, lix boqol iyo konton birr (139,650) birr ugu deeqay bulshadii abaartu saamaysay ee kunool qaarkamid ah gobolada deegaanka.

Hadaba, deeqdan lacageed ayaa waxaa warbaahinta deeganka uga waramay maareeye kuxigeenka wakaalada jibriyada laanteeda jigjiga mudane Dhamalaash toshome oo sheegay in deeqadan lacageed ay tahay mid ay uu talagaleen bulshadii abaartu saamaysay eek u dhaqan gobolada qaar islamarkaana ay shaqaalaha wakaaladu kazoo jareen mushaarkooda.

Dhankiisa gudoomiyaha gudiga abaaraha ee ganacsatada deegaanka mudane khadar macalin cali oo lagu wareejiyay lacagtan ayaa sheegay in lacag dhan 139650 birr ay kuwareejisay wakaalda jibriga laanteeda jigjiga islamarkaana ay ugu deeqeen bulshadii abaartu saamaysay ee deeegaanka. Wuxuna usoo jeediyay shaqaalaha iyo masuuliyiinta wakaalada mahad celin balaadhan sida wanaagsan ee wadinyada leh ee ay uga qaybqaateen taakulaynta buslhada deegaanka ee ay abaartu saamaysay.

Sikastaba ha ahaatee, deeqaha lagaadhsiinayo bulshada abaartu saamaysay ayaa ah kuwo isdaba joog ah iyadoo hada kahor deeqo farabadan oo kaladuwan ay dawalada iyo ganacsataduba gaadhsiiyeen bulshadaas. 

Jigjiga(cakaaranews)Axad 28ka May 2017.Shir usocday mudo 3 maalmood ah oo ay kasooqaybgaleen maareeyaha dakhliga DDSI, wasiir-kuxigeenka xafiiska horumarinta magaalooyinka Dhismaha iyo warshadaha DDSI, 6da maamul magaalo iyo magaalooyinka soo koraya ee deegaanka oo tiradoodu dhantahay 24 magaalo iyo waliba masuuliyiin iyo khabiiro kascoday deegaanka oromiya islamarkaana kusaabsanaa khibrad wadaag iyo tababar kuqotama dhanka horumarinta magaalooyinka ayaa lagu soo gabagabeeyay magaalada jigjiga.

Khibrad wadaagan oo ay si wada jir ah u soo agaasimeen Xafiiska horumarinta magaalooyinka iyo warshadaha DDSI iyo xafiiska dhigiisa ah ee deegaanka oromiya ayaa waxaa xidhitaankiisii kahadlay Maareeyaha Wakaalda Dakhliga DDSI mudane Cabdiraxmaan Maxamed Xasan oo sheegay in 4 tii sano ee udanbaysay ay kor ukaceen horumarka magaalooyinka DDSI. Wuxuuna intaa kudaray maareeyuhu in shirkani uu ahaa shir khibrad wadaag ah oo lagu sii xoojinayo horumarinta magaalooyinka hadaythay dhismaha iyo haday tahay shuruucda u taala horumarinta magaalooyinka.

Sidookale, wasiir-kuxigeenka xafiiska horumarinta magaalooyinka, dhismaha iyo warshadaha DDSI mudane Axmed Shugri ayaa sheegay in shirkani uu ahaa mid khibrad wadaag ah oo u dhaxeeyay deegaanka soomalida iyo deegaanka oromiya oo ku qotama dhismaha iyo kobcinta magaalooyinka. Wuxuuna xusay in khibarado muhiim ah lakala qaatay isagoo kuladardaarmay kaqaybgalayaasha in ay  dhaqangaliyaan casharadan lakala qaatay.

Ugudanbayna kasooqaybgalayaashii oo dareenkooda kahadlaya yaa sheegay in casharo aad faaiido ugu leh ay kaheleen tababarkan islamarkaana ay kadhaqan galinayaan magaalooyinkii ay kayimaadeen.

Jigjiga(Cakaaranews) Axad 28ka May 2017.waxaa Maanta Guud ahaanba JDFI gaar ahaana DDSI si wayn looga Xusay Xuska 26aad ee 20ka Ginbood oo ay Dhamaanba Degmooyinka iyo Gobolada DeegaankaSoomaalida Itoobiya si qurux badan uga qaybqaadanayeen Dhamaanba Qaybaha Bulshada oo Farxadooda iyo Xusuusta Taariikhda Dhaxalka ah ee ay Maalintani u leedahay ku muujinayay. Haddaba, munaasabada si qurux badan loo soo asaagimay ayaa ka qabsoontay caasimada DDSI gaar ahaan madasha shirarka kaali ee xarunta madaxtooyada DDSI,Ttaasi oo ay ka soo qayb-galeen masuuliyiinta ugu saraysa xukuumada DDSI oo uu ka mid yahay madaxwaynaha DDSI mudane Cabdi Maxamuud Cumar, madaxwayne ku xigeenka DDSI ahna wasiirka Xafiiska horumarinta beeraha iyo khayraadka dabiiciga ah marwo Sucaad Ahmed Faarax, golaha wasiirada DDSI, shaqaalaha dawlada deegaanka,odayaasha dhaqanka deegaanka, kooxaha fanka iyo suugaanta DDSI iyo marti shafar kale.

Waxaana ugu horayntii munaasabadan ka hadlay madaxwaynaha DDSI mudane Cabdi Maxamuud Cumar oo ugu horayn dhamaan shacabwaynaha JDFI gaar ahaan shacabwaynaha DDSI ugu hambalyeeyay munaasabadan qaaliga ah ee 20ka ginboot, madaxwaynaha ayaa si qoto dheer uga warbixiyay guulaha laga dhaxlay sanad guurada 20ka ginbood iyo halgankii adkaa ee loo soo maray sidii layskaga dulqaaday heeryadii guumaysiga madaxwaynaha ayaa si sharax dheer ah kabixiyay dhibaatooyinkii ka jirayay deegaanka gaar ahaan xaaladii nabadgalyada iyo maamul xumadii ragaadisay shacabka deegaanka balse markii ay xukuumada DDSI go’aansatay in aana sidan lagu soconkarayn ay dajisatay qorshayaal lagu tir tirayo nabad diidka iyo maamul xumadii ka jirasay deeganaka taasi oo guula waawayn oo lagu diirsatay laga soo hooyay madaxwaynaha DDSI ayaa sheegay in hadda ay xukuumada DDSI diyaar u tahay sii xoojinta qorshayaashaasi horumarka ee gashiga u noqonaya shacabwaynaha DDSI.

sidoo kale madaxwaynaha ayaa sheegay in caasimada DDSI ee jigjiga xooga la saarayo sidii kor loogu sii qaadilahaa bilicda iyo nadaafada caasimada jijiga maadaamo oo xuska todobaadka magaalooyinka dalkeena itoobiya lagu xusidoono 2 sano ka dib caasimada  jigjiga. Dhinaca kale suldaan khadar oo ku hadlay afka odayaasha dhaqanka deegaanka ayaa kawarbixiyay cadaadiskii iyo cabudhiskii ka jirayay deegaanka iyo dalka wixii ka horeeyay 26sanno ka hor gaar ahaan dhibaatooyinkii uu guumaysigii boqortooyada iyo kii kalidii talisku ku hayn jireen shacabka deegaanka suldaanka ayaa ka warbixiyay guulaha la gaadhay wixii ka danbeeyay 26kii sano. Waxaana munaasabadan halku dhig looga dhigay” itoobiya waa dal ku hawlan dhismaha nidaamka fadaraaliga ah oo xaqiijinaya sinaanshaha iyo ka faa’iidaysiga cadaalad ku dhisan shucuubaha.

Sidoo kale waxa uu suldaanku sharaxay dib u dhacii ka jiray deegaanka wixii ka horeeyay 9kii sano iyo guulaha ay xukuumada DDSI gaadhay 9kii sanno ee ugu danbeeyay Intii ay munaasabadani socoday waxaa la daawadadaawaday dukumantari filim ka turjumiyay dhibaatooyinkii ka jirayay deegaanka wixii ka horeeyay 9kii sanno ee ugu danbeeyay gaar ahaan dhibaatooyinkii ka jiray dhinacyada nabadgalayda iyo maamul xumadii dukumantarigan oo ahaa mid ay ku duugan tahay warbixin qiira leh ayaa sidoo kale waxa uu ka hadlayay guulaha laga soo hooyay dhinacyada nabadgalyada, horumarka iyo maamulka suuban gaar ahaan horumarinta magaalooyin DDSI