Jigjiga,(cakaaranews),talaado, 30ka May, 2017. Tababar uu soo diyaariyay xafiiska adeega shacabka iyo horumarinta cududa shaqaalaha DDSI  oo ay ujeedadiisu tahay sidii Gobolada,Degmooyinka iyo Maamul magaalooyinka DDSI  looga  hirgalin lahaa nidaamka qiimaynta iyo daraja siinta shaqada (job evaluation and grading)  wajigiisii 4aad   iyo sii xoojinta  maamulka suuban  ayaa ka furmay caasimada DDSI ee jigjiga gaar ahaan madasha  shirarka ee Qaryaan Dhoodaan.

Tababarkan oo loo qabtay hogaaminta gobolada, degmooyinka DDSI iyo maamulka magaalooyinka DDSI  ayaa waxaa furitaankiisii ka hadashay wasiirka xafiiska adeega shacabka iyo horumarinta cududa shaqaalaha DDSI Marwo Maajida Maxamed Maxamud  oo ka warbixisay ujeedooyinka tababarkan iyo istaraatajiyadaha laga leeyahay taasi oo ah in si cad loo qeexo cid kastaana garato kaalinta uu shaqaaluhu ku leeyahay hirgelinta waajibaadyada shaqada iyo natiijooyinka laga sugayo shaqaalaha heerar-kooda kala duwan . Wasiirka  ayaa sheegtay  in masuuliyiinta  maamulada gobolada iyo degmooyinka DDSI  looga baahan yahay in ay kaalin tooda ka qaataan hirgalinta nidaamkani qiimaynta iyo darajo siinta shaqada si loo dar dargaliyo shaqooyinka haay’adaha dawlada layskuguna dheeli tiro shaqada iyo darajasiinta shaqada iyo sii xoojinta hirgalinta iyo hoos I dhaadhicinta maamulka suuban ilaa heer tuulo.

Dhankiisa Wasiir ku xigeenka  xafiiska adeega shacabka iyo horumarinta cududa shaqaalaha DDSI mudane Xasan Aadan Xasan ayaa ka warbixiyay  in barnaamijyada lagu horumarinayo lagu hirgalinayo  qiimaynta iyo  daraja siinta shaqatu tahay mid kor u qaadaya tayada adeegyada  shaqada xafiisyada dawlada  isaga oo  sheegay  in  si loo xoojiyo awooda fulineed ee shaqooyinka lagu hirgalinayo qorshayaasha horumarineed ee dawlada  in ay muhiim tahay in si cad loo tuso Hanaanka shaqaalaynta, dalacsiinta, bedelka iyo darajasiinta shaqada iyo dhaqangalinta nidaamka maamulka suuban . wuxuuna kula   dar-daarmay hogaaminta gobolada iyo degmooyinka deegaanka ee  tababarku u furmay in ay si habsamiya u qaataan kana hirgaliyaan xafiisyadii ay ka socdeen.

Dhankooda  hogaaminta  maamulada gobolada, degmooyinka iyo maamul magaalooyinka DDSI ee loo  furay  tababarkan ayaa siwada jir ah u balan qaaday in ay nidaamka sidii loogu talagalay uga hirgalinayaan gobolada iyo degmooyinka deegaanka iyo maamulada magaalooyinka DDSI si looga midho dhaliyo ujeedooyinka nidaamka  laga leeyahay.  Tababarkan ayaa  socod doona muddo 7maalmood ah.

Jigjiga(Cakaaranews) Sabti 3da June 2017.Shir uu hogaaminayay madaxwaynaha DDSI mudane Cabdi Maxamuud Cumar Oo  mudo 5 maalmood ah socday islamarkaana si qoto dheer  loogu qiimaynayay dhamaan maaliyadaha heer degmo iyo heer maamul magaalo iyo waliba maaliyada heer deegaan diiradana lagu saarayay dhanka ku dhaqanka nidaamka iyo sharciyada udajisan maaliyadaha ayaa lasoo gabagabeeyay.

Hadaba qiimaynta maaliyadaha ayaa lagu ogaaday inay madaxafiiseedyadii maaliyadaha degmooyinka gaar ahaan gabdhihii lagu meeleeyay maaliyadaha degmooyinka ay isbadal laxaad leh ka keeneen gud ahaanba nidaamka shaqo ee maaliyadeed gaar ahaan ilaalinta hantida dawlada, ku dhaqanka shuruucda maaliyada iyo meel maarinta dhamaan shuruucda maaliyada ee dalka iyo deegaankba.

Madaxafiiska maaliyada iyo Horumarinta dhaqaalaha DDSI mudane Axmed Cabdi Maxamed ayaa faahfaahiyay isbadalka kajira maaliyadaha degmooyinka taniyo intii lagu meeleeyay gabdhaha isagoo gaar ahaan ku amaanay fulinta awaamiirta iyo ku dhaqanka nidaamka maaliyadeed oo ay ka madhantahay musuq, eex  iyo nin jeclaysi intaba. Iyadoo dhamaan hogaaminta heer gobol iyo kuwa degmooyinkuba ku amaaneen isbadalka iyo shaqo wanaaga ay ka keeneen nidaamka maaliyadeed.

Iskusoo wada duuboo madaxwaynaha DDSI mudane Cabdi Maxamuud Cumar ayaa hogaaminta iyo heerarka kaladuwan ee shaqaalaha maaliyada oo ay ugu horeeyaan Madaxafiiseedka maaliyada iyo Horumarinta dhaqaalaha DDSI mudane Axmed Cabdi Maxamed iyo kuxigeenka maaliyada mudane Jamaal Faarax Warmooge usoo jeediyay kuna amaanay inay siiwadaan shaqooyinka iyo natiijooyinka wanaagsan ee ku dayashada mudan ee  ay ilaa iyo dawlada federalka ah iyo shacabkuba mar walba ku amaanaan.

Ayshica(Cakaaranews) Sabti 3da June 2017. Waxaa lasoo gabagabeeyay ololihii qaliink iyo daawaynta indhaha oo ay Bulshada Kunool  Degmada ayshica iyo nawaaxigeeda Ee Gobolkani siti  Kafaaiidaysanayeen adeegani qalniinka oo ay Bogaadiyeen Adeegani Kaasoo Juhdi Badan Ay Ku Bixisay Xukuumada Deegaanka sidii bulshada deegaanku u heli lahaayeen adeegan qaliinka iyo daawaynta indhaha ayaa Waxaa lasoo gabagebeeyay ololihii qalitaanka indhaha iyo daawaynta ee degmada ayshici iyo nawaaxigeeda ee  gobolka siti iyadoo maalmihii udanbeeyayba kasocday  adeegan bulshada loogu soo celinayo aragooda indhaha.

Hadaba mid kamida hawlwadeenada adeegani ayaa sheegay in uu adeegani Bilaashka ah ee qaliinka iyo daawaynta indhaha lasoo gabagabeeyay  islamarkaana loo adeegay bulsha dhan  487 qof oo isugu jira 400 oo qof oo laga daaweeyay indhaha iyo 87 qof oo lagu sameeyay qaliin indhaha ah, Geesta kalena ay sidii loogu talagalay usoo gabagabeeyeen ololahan qaliinka iyo daawaynta indhaha. Uganasii gudbi doonaan degmada dhambal ee isla gobolka siti.

Ugudanbayna waxaa dhankooda ka hadlay qaar kamid bulshada aragooda dib uhelay ee ku dhaqan degmada ayshica iyo naawaaxigeeda oo u waramay warbaahinta deegaanka ayaa sheegay inay aad oogu faraxsanyihiin qalitaankan iyo daawaynta indhaha loo sameeyay islamarkaana bogaadiyay howshan caafimaad ee ay bulshadu dib oogu helayaan aragooda indho. Waxayna aad oogu mahad celiyeen xukuumada DDSI oo runtii dadaal dheer ugashay siday bulshada deegaanku uheli lahaayeen aragooda indhaha.

Dhambal(Cakaaranews) Axad 4ta June 2017.  Waxaa si rasmi ah ooga furmay Xarunta Caafimaadka Ee Dagmada Dhambal ee gobolka siti ololihii Daawayntii Iyo Qaliinkii Indhaha bilaashka ahaa Oo Ay Kafaa,iidaysanayaan shacabka Degmada Dhambal iyo nawaaxigeeda ee gobolka siti.

Hadaba mid kamida hawlwadeenada adeegani ayaa sheegay in uu adeegani Bilaashka ah ee qaliinka iyo daawaynta indhaha ee caafimaadka DDSI uu ka bilaabmay degmada dhambal  islamarkaana loo adeegay bulsha  240 qof oo isugu jira 200 oo qof oo ladaweeyay iyo 40 qof oo lagu sameeyay qalniin, Iyadoo sidii loogu talagalay ilaa wakhti xaadirkani ay hawshu u socota islamarkaana uu maalmahan kasii socondoono isla degmadaas dhambal ee gobolka siti, Waxayna kooxdan qaliinka iyo daawaynta indhaha bilaashka ah  oogasii gudbi doona qaar kamid ah degmooyinka gobolka siti ayna ka fulin doonaan adeegan qaliinka iyo daawaynta indhaha bilaashka ah.

Ugudanbayna waxaa dhankooda ka hadlay qaar kamid bulshada aragooda dib uhelay ee ku dhaqan degmada Dhambal iyo naawaaxigeeda oo u waramay warbaahinta deegaanka oo sheegay inay aad oogu faraxsanyihiin qalitaankan iyo daawaynta indhaha loo sameeyay islamarkaana bogaadiyay howshan caafimaad ee ay bulshadu dib oogu helayaan aragooda indho. Waxayna aad oogu mahad celiyeen xukuumada DDSI oo runtii dadaal dheer ugashay siday bulshada deegaanku uheli lahaayeen aragooda indhaha. Sikastaba ha ahaatee adeegan qaliinka iyo daawaynta indhaha bilaashka ah ayaa ah mid xukuumada deegaanku gaar u ah islamarkaana la rabo in dhamaan laga hirgaliyo degmooyinka deegaanka iyadoo inta badan laga fuliyay deegaanka inta dhiman laga fulin doono.

Jigjiga(Cakaaranews) Axad 4ta June 2017. Waxaa dhamaan dalkeena itoobiya  kusoo gabagaboobmay intixaankii heer qaran ee fasalada 10aad  oo sedexdii maalmood ee udanbaysay kasocdey guud ahaan dalka.

Hadaba wasiirka Xafiiska Waxabarashada DDSI mudane Ibraahim Aadan Mahad oo u waramay warbaahinta deegaanka ayaa sheegay in imtixaankii heer qaran ee fasalka 10aad  uu si quruxbadan kusoo gabagaboobmay guud ahaan dalka gaar ahaan deegaankeena . Wuxuuna wasiirku intaa kudaray in sanadan 2009TI ay imtixaanka fasalka 10aad ufadhiisteen in kabadan 15,000 oo ardayda deegaanka ah islamarkaana uu imtixaanka  fasalada 10aad ee deegaanku uu ka qabsoomay  151 goobood oo deegaanka ah si fiican ugusoo gabagaboobmay.

Sidoo kale wuxuu wasiirku xusay in imtixaankii heer qaran ee fasalka 8aad loo qaaday dhamaan goobihii uu ka qabsoomi lahaa ee deegaanka islamarkaana ay imtixaanka heer qaran ee fasalka  8aad ee deegaanka u fadhiisan doonaan in kabadan 27,000 oo aradayda deegaanka ah.

Jigjiga(Cakaaranews) Axad 4ta June 2017. Waxaa xarunta deegaanka ee magaalada jigjiga kaqabsoomay kulankii caadiga ahaa ee gudiga fulinta XDSHSI oo mudo sadex bari ah usocday.

Hadaba kulankan oo lagaga wada hadlayay sii adkaynta dhinacyada horumarka, Nabadgalyada iyo nidaamka maamulka suuban ee kahanaqaaday deegaanka ayaa waxaa sidoo kale diirada lagu saarayay qorshaha sanadka cusub ee 2010TI iyadoo xooga lasaarayo baahiyaha bulshada ee gaar ahaan dhanka biyaha oo qorshe ahaan loo qaatay in 1 ilaa 3 ay noqdaan biyo si baahida bulshada ee dhanka biyaha guud ahaanba loo daboolo iyo waliba dhinacyada Jidadka, Caafimaadka, Waxbarashada iyo Beeraha.

Waxaa kale oo uu gudigu kulankiisan caadiga ah kaga wada hadlay Sidii xoolo loogu gadi lahaa dadkii danyarta ahaa ee ay abaartu saamaysay xoolahooda iyo sidii looga gaashaaman lahaa hada kadib abaarta ay keentay isbadalka cimilada aduunka ee soo noq-noqonaysa iyo waliba sidii nolosha bulshada xoolo-dhaqatada ah looga dhigi lahaa mid dagan oo xoolo-dhaqato beeralay ah iyadoo ladoonayo in xoolaha loo dhaqdo nidaamka casriga ah ee cad iyo caanaba kordhinaya iyo sidii ay bulshada deegaanku unoqon lahayd mid kafaaiidaysata waxsoosaarka dhulka dihin ee deegaankeena.

Dhanka kale gudiga fulinta ee XDSHSI ayaa isku-badal kusameeyay qaar kamid ah mas'uuliyiinta xafiisyada heer deegaan iyadoo ay xafiisyada kale sidoodii yihiin. Waxaana loo dhigay sidan:

1. Marwo Maajida Maxamed Maxamuud oo ahayd wasiirka xafiiska adeega shacabka iyo horumarinta cududa shaqaalaha ee DDSI waxaa loo badalay  DDSI wasiirka xafiiska horumarinta xoolaha iyo reer guuraaga DDSI.

.2  Mudane Axmed Maxamed Koore oo ahaa wasiirka xafiiska shaqaalaha iyo arrimaha bulshada ee DDSI waxaa loo badalay wasiirka xafiiska adeega shacabka iyo horumarinta cududa shaqaalaha ee DDSI.

3. marwo Faadumo Cabdulaahi Takhal oo ahyad wasiirka Xafiiska horumarinta xoolaha iyo reer guuraaga DDSI, Waxaa loo badalay meel kale.

Normal 0 false false false EN-US X-NONE X-NONE MicrosoftInternetExplorer4

/* Style Definitions */ table.MsoNormalTable {mso-style-name:"Table Normal"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-priority:99; mso-style-qformat:yes; mso-style-parent:""; mso-padding-alt:0in 5.4pt 0in 5.4pt; mso-para-margin-top:0in; mso-para-margin-right:0in; mso-para-margin-bottom:10.0pt; mso-para-margin-left:0in; line-height:115%; mso-pagination:widow-orphan; font-size:11.0pt; font-family:"Calibri","sans-serif"; mso-ascii-font-family:Calibri; mso-ascii-theme-font:minor-latin; mso-fareast-font-family:"Times New Roman"; mso-fareast-theme-font:minor-fareast; mso-hansi-font-family:Calibri; mso-hansi-theme-font:minor-latin; mso-bidi-font-family:"Times New Roman"; mso-bidi-theme-font:minor-bidi;}

Ugudanbayna, kulankan ayaa kusoo gabagaboobey jawi wanaagsan iyo sidii loo sii xoojin lahaa shaqooyinka horumarineed, kuwa nabadgalyo iyo nidaamka maamulka suuban ee ku astaysan qorshayaasha sanadka cusub ee 2010TI uu XDSHSI dhigtay.

Qabridahar(Cakaaranews) Axad 4ta June 2017. Waxaa  guud ahaanba deegaanka gaar ahaan magaalooyinka qabridahar iyo dhagaxbuur ka bilowday ololihii talaalka cudurka jadeecada iyo daawaynta cudarada isku dhafka ah oo laga talaalayo caruurta da'doodu udhaxaysa 6 bilood ilaa 15 sano.

Hadaba agaasinka ka hortaga cudurada faafa iyo kor uqaadida hawlaha caafimaadka ee xafiiska caafimaadka DDSI mudane Caydaruus Axmed oo ka hadlay ololahan ka bilowday magaalada dhagaxbuur ayaa sheegay inuu ololahani yahay mid ka hortag ah islamarkaana hadii aan laga dawaynin caruurta ay da'doodu udhaxayso 6 bilood ilaa 15 sano uu keeni karo xanuunada sida nafaqa darada indhaxanuunka iyo xanuuno kale. Sidoo kale waxaa iyana ka hadlay qaarkamid ah mas'uuliyiinta gobolka jarar iyo mas'uuliyiinta mm dhagaxbuur oo sheegay faaiidada uu leeyahay talaalkan.

Dhanka kale waxa uu  ololihii talaalka cudurka jadeecada iyo daawaynta cudarada isku dhafka ah ka bilowday mm qabridahar. Waxaana daahfurka ololahan ka hadlay agaasinka ka hortaga cudurada faafa ee xafiiska caafimaadka DDSI mudane Axmed Cabdulaahi Sugule oo sheegay inuu ololahan talaalkan yahay uu yahay mid muhiim u ah inay qaataan caruurta da'dooda udhaxayso 6 bilood ilaa 15 sano islamarkaana uu talaalkan ka hortag uyahay cururo kala duwan oo kamid tahay cudurka jadeecada. Sidoo kale waxaa iyana ka hadlay qaarkamid ah mas'uuliyiinta gobolka qoraxey iyo mas'uuliyiinta mm qabridahar  oo sheegay faaiidada uu leeyahay talaalkan isalmarkaana waalidiinta ku booriyay inay caruurta keenaan goobaha talaalka.

Jigjiga(Cakaaranews) Isniin 5ta  June 2017. Waxaa guud ahaan dalkeena itoobiya ka bilowday imtixaankii heer qaran ee fasalka  12aad oo ah imtixaanka loogu gudbo heer jamacadeed..

Hadaba mas'uuliyiinta xafiiska waxbarashada DDSI oo kormeer ku marayay dugsiyada sare ee mmj ee uu ka socday imtixaanku ayaa waxaa kahadlay wasiirka xafiiska waxbarashada DDSI mudane Ibraahim Aadan Mahad oo kawarbixyay imtixaanaadka heer qaran ee fasalka 12aad ee ka bilowday guud ahaan dalkeena gaar ahaan deegaankeena  ayaa sheegay in imtixaanka heer qaran ee bilowday ee fasalka 12aad ee deegaanka ay ufadhiisteen in kabadan 9000 oo ardayda deegaanka ah islamarkaana ay sanadani tahay sanadii oogu badnayd ee ardayda faslka 12aad ufadhiisteen imtixaanka heer qaran ee fasalka 12aad islamarkaana . Wuxuuna wasiirku intaa kudaray in imtixaanku socon doono mudo 3 cisho ah.

Ugu danbayna wuxuu wasiirku sheegay in imtixaanka heer qaran ee fasalka 12aad ay ardaydu ka keeni doonaan natiijo wax ka ool ah maadaama uu xafiisku ku bixiyay juhdi iyo dadaal badan siday ardayda deegaanku kuwada helilahaayeen jaamacadaha dalka.  

Jigjiga(Cakaaranews) Talaado 6ta June 2017. Waxaa xarunta deegaanka ee magaalada jigjiga ka socda mashaariico horumarineed oo kor loogu qaadayo bilicda magaalada jigjiga maadaamo xarunta deegaanka lagu qaban doono sanada soosocota xuska magaalooyinka dalkeena.

Hadaba kusimaha maayarka maamulka jigjiga  ahna maareeyaha mmj mudane Fadxi Shugri Axmed oo kawarbixyay mashaariicaha laga wado mmj gaar ahaan mashaariicaha  kor loogu qaadayo bilicda magaalada jigjiga ayaa sheegay in 12 wado ookamid ah wadooyinka waawayn ee mmj lagaliyay laydhasha waawayn ee caasimadaha islamarkaana wax wayn kabadalaya bilicda mmj. Wuxuuna mas'uulku intaa kudaray in mashaariicahan ay bilicda magaalada soosaarayaan islamarkaana lasii xoojin doono maadaama magaalada jigjiga lagu qabanayo sandan soosocota xuska magaalooyinka dalka.

Dhanka kale waxaa isana dhankiisa ka hadlay madaxafiiseedka maaliyada iyo horumarinta dhaqaalaha mmj mudane Khaalid Cabdiraxmaan oo sheegay inuu mashruucan kor looguqaadayo bilicda magaalada ay ku baxday lacag dhan 8 milyan oo birr islamarkaana ay laydhashani wax wayn kabadali doonaan bilicda magaalada jigjiga.

Ugudanbayna waxaa dareenkooda ka hadlay qaar kamid ah bulshada ku dhaqan mmj oo sheegay inay aad oogu faraxsanyihiin laydhashan casriga ah islamarkaana ay laydhashan wax wayn utarayaan dhanka araga iyo bilicda magaalada.

Jigjiga,(cakaaranews)Arbaca,7da June, 2017. Waxaa ka furmay magaalada jigjiga gaar ahaan madasha shirarka ee kuliyada maaraynta iyo adeega shacabka DDSI  kulan lagu qiimaynayo waxqabadkii adeega caafimaadka ee 9kii bilood ee sanad miisaaniyeedka 2009TI ee gobolada, maamulada magaalooyinka iyo degmooyinka DDSI islamarkaana lagu diyaarinayo qorshaha caafimaadka ee 2010TI.

Waxaana ka soo qaybgalay kulankan masuuliyiinta ugu saraysa xafiiska caafimaadka DDSI oo uu ka mid yahay wasiirka caafimaadka DDSI mudane xasan ismaaciil cali, madax xafiiseedyada xafiisyada caafimaadka degmooyinka iyo maamulada magaalooyinka, masuuliyiinta xarumaha caafimaadka degmooyinka deegaanka iyo maamulada magaalooyinka.

Waxaana furitaankii kulankaasi ugu horayntii ka hadlay wasiirka caafimaadka DDSI mudane Xasan Ismaaciil Cali ka warbixiyay ahmiyada kulankan islamarkaana sheegay in uu yahay mid diirada  lagusaarayo fulinta qorshayaashii  waxqabadkii sanad miisaaniyeedka 2009TI sida ay u meelmariyeed maamulada caafimaadka ee degmooyinka, gobolada  iyo maamul magaalooyinka  DDSI sidoo kale waxa uu sheegay wasiirku in mudada uu kulankani socdo laysla meel dhigidoona fulinta qorshaha iyo jihooyinka adeegyada caafimaadka ee sanadka soo socda.

Kulankan ayaa mudada uu socdo waxay masuuliyiinta caafimaadka degmooyinka iyo xarumaha caafimaadka degmooyinka deegaanku ku soo bandhigayaan warbixinta waxqabadka 9kii bilood ee sanad miisaaniyeedkan 2009TI  sidoo kalena waxa laysla meel dhigidoonaa fulinta qorshaha ,jihooyinka iyo istaraatajiyadaha  caafimaadka ee sanadka soo socda. Kulankan ayaa  sii socondoonaa maalmaha soo socda

Jigjiga(Cakaaranews) Khamiis 8da June 2017. Tababar Kusaabsan dhisada gudida kobcinta awooda ee shaqaalah PSNP islamarkaana ay kasoo qaybgaleen xafiisyada bahwadaagta la ah iyo hay’adaha bahwadaagta la ah xafiiska horumarinta beeraha iyo khayraadka dabiicaga ah ee DDSI ayaa lagusoo gabagabeeyay hoolka shirarka ee isla xafiiska.

Hadaba gabagabdii tababarkan ayaa waxaa ka hadlay iskuxidhaha barnaamijka PSNP iyo xafiiska horumarinta beeraha iyo khayraadka dabiiciga ah mudane Axmednuur Cabdi oo sheegay inuu tababarkan yahay mid lasiinayay qaar kamid ah shaqaalaha barnaamijka PSNP iyo waliba shaqaalaha xafiisyada bahwadaagta iyo hay’adaha bahwadaagta islamarkaana fahan buuxa laga siinayay nidaamka diyaarinta qorshaha iskudhafan oo ka kooban nidaamka hay’adaha iyo dawlada. Wuxuuna iskuxidhuhu intaa kudaray inuu tababarkan ka caawiyeen hay’ada TASSC oo lagasoo gaabiyay (technical assistancw to strength then Capasaty Development) sidoo kale wuxuu tababar qaatayaasha kula dardaarmay inay ficil ahaan ku sameeyaan nidaamkii lagu baray tababarka mudadii uu socday islamarkaana oogasii faaiideeyaan qaybaha kale ee shaqaalaha barnaamijka.

Ugu danbayna waxaa dhankooda ka hadlay qaar kamid ah tababar qaatayaashii oo sheegay inuu mudada uu tababarku socday ay waxbadan ka faaiideen islamarkaana ay ficil ahaan usamayn doonaan oogan faaiidayn doonaan qaybaha kale ee shaqaalaha xafiisyada ay ka kala yimaadeen.

Jigjiga (cakaaranews)khamiis 8da june 2017. Waxaa manta oo khamiis ah si rasmi ah u gabagaboobay imtaxaankii heer qaran ee fasalka 12aad kaasoo socday mudo afar cisho ah islamarkaana ay imtaxaanka ufadhiisteen arday tiradoodu kor udhaafayso 9260 arday.

Hadaba, Wasiirka Xafiiska Waxbarashada DDSI mudane Ibraahim Aadan Mahad oo u waramay warbaahinta deegaanka ayaa sheegay in imtixaankii heer qaran ee fasalka 12aad uu si rasmi ah u gabagaboobay islamarkaana uu jawi wanaagsan oo nabadglayo ah ku dhamaaday iyadoo imtaxaankana ay ufadhiisteen in kabadan 9260 oo ardayda deegaanka ah Kaasoo kadhacay 88 goobood oo deegaanka ah islamarkaana uu sanadkani yahay sanadkii ugu badnaa ee ardayda fasalka 12aad ee imtaxaanka ufadhiistay. Wuxuuna wasiirku intaa kudaray in sanadkan ay rajo fiican kaqabaan islamarkaana ay ardayd aad u badan  heli doonaan natiijo wanaagsan taasoo suuragalinaysa inay helaan jaamacadaha dalka iyo culuumaha qaaliga ah ee sida dhakhtarnimo (MD) Engineering iyo culuumta kalae ee sayniska.

Si kastaba ha ahaatee  imtaxaankan heerqaran ee fasalka 12aad ayaa jawi wanaagsan oo farxadi kudheehantahay kusoo gabagaboobay iyadoo laga filayo natiijo wax ku ool ah.

Erer(Cakaaranews) Khamiis 8da June 2017.Waxaa si rasmi ah ooga furmay Xarunta Caafimaadka Ee  Degmada Erar  ee gobolka siti ololihii Daawayntii Iyo Qaliinkii Indhaha bilaashka ahaa Oo Ay Kafaa,iidaysanayaan shacabka Degmada Erar iyo nawaaxigeeda ee gobolka siti.

Hadaba mid kamida hawlwadeenada adeegani ayaa sheegay in uu adeegani Bilaashka ah ee qaliinka iyo daawaynta indhaha ee caafimaadka DDSI uu ka bilaabmay degmada Erar  islamarkaana loo adeegay bulsho dhan 543 qof oo isugu jira 108 qof oo lagu sameeyay qalniin halka 435 laga daweeyay indhaha, Iyadoo sidii loogu talagalay ilaa wakhti xaadirkani ay hawshu u socota islamarkaana uu maalmahan kasii socon doono isla degmadaas Erar ee gobolka siti, Waxayna kooxdan qaliinka iyo daawaynta indhaha bilaashka ah  ee wareega   ka fulin doonaan adeegan qaliinka iyo daawaynta indhaha bilaashka ah guud ahaanba degmooyinka dhiman ee aan wali laga fulinin adeegan xukuumada DDSI gaarka u ah islamarkaana ooga talagashay siday bulshada deegaanka ku nool ee ka lumay aragoodii indhaha oogusoo celin lahaayeen.

Sidoo kale waxaa isana dhankiisa ka hadlay kusimaha gudoomiyaha degmada erer ahna gudoomiye kuxigeenka degmada erer mudane Saacid Badal oo sheegay inuu adeegani yahay mid muhiim ah islamarkaan uu muhiim uyahay bulshada danyarta ah, Wuxuuna masuulku intaa kudaray inay wargeliyeen dhamaan bulshada ku dhaqan degmada erer iyo naawixgeedaba.

Ugu danbayna waxaa dhankooda ka hadlay qaar kamid bulshada aragooda dib uhelay ee ku dhaqan degmada Erar iyo naawaaxigeeda oo u waramay warbaahinta deegaanka ayaa sheegay inay aad oogu faraxsanyihiin qalitaankan iyo daawaynta indhaha loo sameeyay ee bilaashka ah islamarkaana bogaadiyay howshan caafimaad ee ay bulshadu dib oogu helayaan aragooda indho. Waxayna aad oogu mahad celiyeen xukuumada DDSI oo runtii dadaal dheer ugashay siday bulshada deegaanku uheli lahaayeen aragooda indhaha. Sikastaba ha ahaatee adeegan qaliinka iyo daawaynta indhaha bilaashka ah ayaa ah mid xukuumada deegaanku gaar u ah islamarkaana la rabo in dhamaan laga hirgaliyo degmooyinka deegaanka iyadoo inta badan laga fuliyay deegaanka inta dhiman laga fulin doono.

Jigjiga,(cakaaranews)jumce, 9ka June , 2017. Waxaa ka furmay hoolka shirarka ee xafiiska maaliyada iyo horumarinta dhaqaalaha DDSI kulan lagu qiimaynayay mashaariicaha laydhgalinta deegaanka.

Kulankaasi oo ay ujeedadiisu tahay  sidii loo qiimayn lahaa  tayada adeegyada mashaariicaha dhinaca  laydh galinta deegaanka islamarkaana lagu dar-dargalinayay  fulinta qorshayaasha adeega laydhka ee degmooyinka iyo tuulooyinka DDSI ayaa waxaa  ka soo qaybgal gudiga kaabayaasha dhaqaalaha deegaanka oo ay ka mid yihiin wasiirada xafiisyada horumarinta deegaanka sida xafiiska waxbarashada, xafiiska  maaliyada iyo horumarinta dhaqaalaha DDSI , xafiiska  caafimaadka DDSI, Xafiiska ganacsiga iyo gaadiidka DDSI, iyo xafiisyada kale ee horumarinta deegaanka, waxaa kale oo ka soo qaybgalay kulankan gudoomiyayaasha gobolada DDSI iyo masuuliyiinta ugu saraysa shirkada quwada korontada DDSI.

Wasiirka xafiiska maaliyada iyo horumarinta dhaqaalaha DDSI mudne Axmed Cabdi Maxamed ayaa warbaahinta deegaanka ugu warbixiyay ahmiyada iyo ujeedooyinka kulankan  wuxuuna sheegay in xukuumada DDSI dadaal xoogan ugu jirto  midho dhalinta istaraatajiyada iyo qorshayaasha horumarineed ee bulshada deegaanka lagaga saarayo saboolnimada laguna gaadhayo  wadamada uu dhaqaalahoodu meel dhexaadka yahay sidoo kalena wasaarada heer faderaal dhankooda looga baahan yahay  in ay dar-dargaliyaan mashaariicaha horumarineed ee deegaanka ay ka wadaan gaar ahaan mashaariicaha laydhgalinta oo qayb-wayn ka ah hirgalinta hawlaha horumarka, wasiirka ayaa intaasi ku daray in kulankan xooga lagu saarayo sidii loo gufayn lahaa gol-daloolada ka jirta dhinaca adeega laydhgalinta gaar ahaan mashaariicaha laydhgalinta ee jigjiga ilaa dhagaxbuur iyo dhamaanbta tuulooyinka iyo degmooyinka DDSI ee  laga wado adeega  laydhgalinta. 

Erer (cakaaranews)jumce  9ka June 2017.  Madaxa xafiiska waxbarashada Degmada Erer ee Gobolka Siti mudane Cabdi Muxumed Maxamed ayaa sheegay in si farxad leh uu ugu dhamaaday imtaxaanaadkii heer qaran ee fasalada 10aad iyo 12aad islamarkaana ay si nabad ah imtaxaanka u qaateen arday tiradoodu kor u dhaafayso 769 arday oo 419 kamid ahi ay yihiin ardayda qaadatay imtaxaanka 10aadka meesha 350 ardayna ay yhiin ardayda 12aadka qaadatay oo isugujirta arday regular ah iyo arday private ah oo 220 arday yihii lab 139 ka kalana ay yihiin dhadig.

Wuxuuna intaa kudaray masuulku  in imtaxaanka fasalka 10aad ay u fadhiisteen arday tiradoodu kor u dhaafayso 419 arday oo 137 kamid ahi ay yihiin Gabdho meesha 282 ay yihiin wiilal.

Dhankakale, madax xafiiseedka ayaa tilmaamay in imataaxaanaadkani ay kakala dhaceen 5 goobood oo degmada erer hoosyimaada islamarkaana ay hawsha si wada jir ah u fulinayeen wasaarada waxbarashada heerfederal, xafiiska waxbarashada DDSI, iyo waliba shaqaalaha xafiiska wabarashada Degmada Erer.

Sidookale, madax xafiiseedka ayaa tilmaamay in sidookale fulinta shqooyinkan imtaxaanadka ay taageero lodgistic kagaysatay hay’ada bahwadata la ah xafiiska ee save the children laanteeda diredhawa islamarkaana ay baabuur kucaaawisay xafiiska waxbarashada degmada erer.

Ugudanbayna madax xafiiseedka ayaa carabka kudhuftay in uu guul u rajaynayo guud ahaanba ardayda deegaanka gaar ahaan ardayda degmada erer islamarkaana uu rajo fiican kaqabo in sanadkan ay noqon doonaan kuwo guulo wax ku ool ah kakeena natiijada imtaxaanadkan heer qaran.

Jigjiga(cakaaranews),jumce, 9ka, June, 2017.Waxaa ka furmay magaalada jigjiga gaar ahaan hoolka shirarka ee Qaryaan dhoodaan kulan lagu qiimaynayo waxqabadkii  dhinaca dakhliga ee  degmooyinka  iyo maamulada magaalooyinka DDSI ee sanad miisaaniyeedka 2009TI iyada dhinaca kale kulankan lagu   diyaarinayo hirgalinta  qorshaha dakhliga degmooyinka iyo maamul magaalooyinka DDSI ee sanad miisaaniyeedka  2010TI.

Kulankan qiimaynta ah oo ay hogaaminayeen   masuuliyiinta sare ee wakhaalada dakhliga DDSI oo ay ka mid yihiin maareeye ku xigeenka wakaalada dakhliga DDSI mudane Cabdifataax Maxamed Cabdi  (Qabaase) maareeye ku xigeenka wakaalada dakhliga DDSI mudane Xasan Cali ayaa waxaa loo qaybtay  dhamaan maareeyayaasha wakaaladaha dakhliga  degmooyinka iyo maamulada magaalooyinka DDSI.

Waxaana furitaankii kulankaasi ugu horayntii ka hadlay maareeye ku xigeenka wakaalada dakhliga DDSI mudane Cabdifataax Maxamed Cabdi oo ka warbixiyay  in ka midha dhalinta qorshayaasha koboca iyo isbadalka dhaqaala deegaanka  ay laf-dhabar u tahay meel marinta awoodaha fulinta waajibaadka shuruucaha dakhliga  wuxuuna sheegay maareeye ku xigeenku in kulanka qiimaynta ah diirada lagu saarayo  waxqabadkii  iyo fulinta qorshayaashii u dajisnaa wakaalada dakhliga degmooyinka iyo maamul magaalooyinka DDSI ee sanad miisaaniyeedkan 2009TI  islamarkaana  laysla meel dhigayo fulinta qorshaha  dakhliga ee sanadka 2010TI isaga oo u sheegay masuuliyiinta wakaaladaha dakhliga ee degmooyinka iyo maamul magaalooyinku in ay si cad-cadaan iyo isla  xisaabtan leh u soo bandhigaan warbixinta waxqabadkooda.

Kulankan qiimaynta ah ayaa inta uu socto waxa ay masuuliyiinta dakhliyada degmooyinka iyo maamul magaalooyinka DDSI ku soo bandhigayaan warbixinta waxqabadkooda taasi oo laga waayo aragnimo qaadanayo sidii qorshaha sanadkan soo socda loo buuxin lahaa haddii ay jirtay wax gol-daloolo ah sanadkan hadda dhamaanaya.

Wardheer(Cakaaranews) Sabti 10ka June 2017. Wafti balaadhan oo ka socday deeq bixiyayaasha caalamka, Safiiro iyo  Suxifiyaal oo uu hogaaminayay komoshineerka komishinka maaraynta masiibooyinka JDFI mudane mitiku kassa ayaa si diiran loogu soo dhaweeyay magaalada wardheer ee xarunta gobolka doolo.

Waxaana si meeqaam sare ah u soo dhaweeyay masuuliyiin heer deegaan ah oo ay ka mid yihiin Wasiir Kuxigeenka Xafiiska Maamulka DDSI mudane Cabdiwali Xaaji Maxamed Dalmar, la taliyaha Madaxwaynaha DDSI ee dhinaca bini-aadanimada iyo xidhiidha hay’adaha caalamiga ahna wasiir kuxigeenka xafiiska kahortaga iyo u diyaar-garowga masiibooyinka DDSI mudane Anwar Cali, Maareeyaha wakaalada warbaahinta deegaanka mudane Farxaan Maxamuud Axmed, wasiirka dhaqanka iyo dalxiiska DDSI  mudane Baashe Cabdi Ismaaciil, Wasiir kuxigeenka xafiiska ka hortaga iyo u diyaar garowga masiibooyinka DDSI mudane Yaasiin cumar, masuuliyiinta gobolka doolo iyo masuuliyiin kale oo heer deegaan ah

Soo dhawayn kadibna waxay deeqbixiyayaashan, safiirada iyo suxufiyiinta heer caalami kulan la yeesheen masuuliyiinta heer deegaan, heer gobol iyo qaybaha kala duwan ee bulshada waxayna iska xogwaraysteen saamayntii xaaladaha abaarta. Waxaana kulankaasi ugu horayntii ka hadlay komishineerka komishinka maaraynta masiibooyinka JDFI oo ka warbixiyay dadaalka muga leh ee DDSI, dawlad heer faderal iyo hay’adaha caalamiga ah ka gaysteen ka jawaab celinta xaaladaha abaarta.

Waxaa kale oo kulankaas ka hadlay gudoomiyaha gobolka doolo mudane Maxamed Cabdi Bare iyo wasiir ku xigeenka xafiiska ka hortaga iyo udiyaargarawga masiibooyinka DDSI mudane Anwar Cali kuwaasi oo ka warbixiyay heerka saamaynta xaaladaha abaarta iyo sida ay xukuumada DDSI oo kaashanaysa heer federal iyo hay’adaha ay waxqabad muuqda ooga qabteen xaaladaha abaarta. Waxayna intaa kudareen  in ay muhiin tahay in ay hay’adaha heer caalami sii xoojiyaan deeqaha ay siinayaan bulshada abaaruhu saameeyeen.

Dhankooda deeq bixiyayaasha heer caalama ayaa sheegay in ay sii xoojinayaan taageerada ay soo gaadhsiinayaan bulshada abaaruhu saameeyeen ee DDSI waxayna u mahad celiyaan xukuumada DDSI iyo tan heer federal sida ay wax uga qabteen xaalada abaarta Intaasi ka dib waxay deeqbixiyayaashan iyo mas’uuliyiinta heer deegaan booqdeen qabahala qudhacle oo ah goobta ay ku nool yihiin bulshadii ay soo bara kiciyeen xaaladaha abaarta waxayna u kuurgaleen habnololeedka bulshada.waxayna xuseen inay sii xoojin doonaan dadaalka tageero ee ay u hayaan xukuumada deegaanka.

Erer(Cakaaranews) Axad 11ka June 2017. Waxaa degmada erer ee gobolka siti lagusoo gabagabeeyay adeegii qaliinka iyo daawaynta indhaha bilaashka ahaa oo maalmihii udanbeeyayba looga faaiidaynayay bulshada ku dhaqan degmada erer iyo nawaaxigeeda.

Hadaba iskuxidhaha Kahortaga Indho la,aanta Ee Xafiiska Caafimaadka DDSI Mudane Axmed bade Ducaale  ayaa sheegay in uu adeegani Bilaashka ah ee qaliinka iyo daawaynta indhaha ee xafiiska caafimaadka DDSI in maanta lasoo gabagabeeyay adeegii qaliinka iyo daawaynta indhaha bilaashka ahaa  islamarkaana loo adeegay bulsho dhan 943 qof oo isugu jira 171 qof oo lagu sameeyay qalniin indhaha ah halka 772 laga daweeyay indhaha, Iyadoo sidii loogu talagalay kusoo gabagaboobmay islamarkaana uu adeegani si hagar la aan ah oogasoo qabsoomay dhamaanba degmooyinkii gobolka siti ee uu maalmahnba ka shaqaynayay, Waxayna kooxdan qaliinka iyo daawaynta indhaha bilaashka ah  ee wareega   ka fulin doonaan adeegan qaliinka iyo daawaynta indhaha bilaashka ah guud ahaanba degmooyinka dhiman ee aan wali laga fulinin adeegan xukuumada DDSI gaarka u ah islamarkaana ooga talagashay siday bulshada deegaanka ku nool ee ka lumay aragoodii indhaha oogusoo celin lahaayeen aragoodii indho.

Ugu danbayna waxaa dhankooda ka hadlay qaar kamid bulshada aragooda dib uhelay ee ku dhaqan degmada Erar iyo naawaaxigeeda oo u waramay warbaahinta deegaanka ayaa sheegay inay aad oogu faraxsanyihiin qalitaankan iyo daawaynta indhaha loo sameeyay ee bilaashka ah islamarkaana bogaadiyay howshan caafimaad ee ay bulshadu dib oogu helayaan aragooda indho. Waxayna aad oogu mahad celiyeen xukuumada DDSI oo runtii dadaal dheer ugashay siday bulshada deegaanku uheli lahaayeen aragooda indhaha. Sikastaba ha ahaatee adeegan qaliinka iyo daawaynta indhaha bilaashka ah ayaa ah mid xukuumada deegaanku gaar u ah islamarkaana la rabo in dhamaan laga hirgaliyo degmooyinka deegaanka iyadoo inta badan laga fuliyay deegaanka inta dhiman laga fulin doono.

Jigjiga(Cakaaranews) Axad 11ka June 2017. Waxaa ka qabsoomay hoolka shirarka ee kuliyada maaraynta iyo adeega shacabka DDSI kulan lagu sii xoojinayay horumarka gaar ahaan dhinaca nabadgalyada.

Hadaba Kulankaas oo ay hogaaminayeen ku simaha hogaanka nabadgalayda DDSI ahna taliyaha guud ee ciidanka booliska gaarka ah general Cabdiraxmaan Cabdulaahi Buraale, iyo ku xigeenka hogaanka nabadgalayda DDSI mudan Ibraahin Mubaarig ayaa waxaa loo qaybtay dhamaan hogaanada nabadgalyada gobolada iyo degmooyinka DDSI.

Waxaana ugu horayntii ka hadlay kulankaasi ku simaha hogaanka nabadgalyada DDSI ahna taliyaha guud ee ciidanka booliska gaar ka ah ee DDSI mudane general Cabdiraxmaan Cabdulaahi Buraale oo ka warbixiyay xasiloonida taamka ah ee ka jirgashay DDSI islamarkaana loo baahan yahay in la sii joogteeyo lana sii xoojiyo. Generaalka ayaa kula dar-daarmay hogaamadan gobolada iyo degmooyinku in ay sii dar dargaliyaan fulinta qorshayaasha dhinaca dar-dargalinta iyo adkaynta arimaha nabadglayada.

Ugu danbayna waxaa dhankooda ka hadlay qaarkamid ah hogaanda gobolada iyo degmooyinka deegaanka oo sheegay inay sii xoojin doonaan nabadgalyada taamka ah ee ka hanaqaaday guud ahaanba deegaanka, Waxayna intaa kudareen inay sidii loogu talagalay oogasoo bixidoonaan shaqadooda nabadgalyo islamarkaana aysan kor usocod mooyee hoos udhac samayn doonin.

Addisababa(Cakaaranews)Isniin 12ka June 2017. Masuuliyiin heer faderal ah oo uu wehelinayay Madaxwaynaha DDSI mudane Cabdi Maxamuud Cumar ayaa garoonka diyaaradaha ee Bole international Airport si meeqaam sare ah ugu soo dhaweeyay wafti baladhan oo uu hogaaminayo raysil-wasaaraha dalka soomaliya mudane Xasan Cali Khayre.

Raysil wasaaraha dalka soomaliya mudane Xasan Cali Khayre ayaa qolka nasashada ee garoonka diyaaraha kulan kula yeeshay wasiirka wasaarada arimaha faderalka iyo xoolo dhaqatada JDFI mudane Kase Tekle Burhaan kulankaasi oo ay kaga wada hadleen arimaha socdaalka raysil wasaaraha iyo xidhiidhka wanaagsan ee ka dhexeeya labad dawladood ee dariska ah. waxayna waftigan uu hogaaminayo raysil wasaarahad dalka somaliya inta ay joogaan dalkeena itoobiya shirar la yeelan doonaan masuuliyiinta ugu saraysa JDFI shirarkaasi oo ah kuwa lagu soo xoojinayo xidhiidhka wanaagsan ee ka dhexeeya labada dale e daris wanaagu ka dhaxeeyo.