Jigjiga(Cakaaranews) Arbaco 24ka May 2017. Wasiirka Xafiiska waxabarashada DDSI Mudane Ibraahim Aadan Mahad oo si qota dheer ooga warbixiyay qaabka uu udhicidoono imtixaanaadka heer qaran  ayaa sheegay ina dhamaan dalkeena itoobiya looga diyaargaroobay imtixaanaadka heer qaran ee fasalada 10aad, 12aad iyo 8aadba islamarkaana maalin dhaw uu si habsimi leh ooga dhici donaan dhamaan dalkeena itoobiya.

Hadaba Wasiirka xafiiska waxabarashada DDSI Mudane Ibraahim Aadan Mahad oo faahfaahiyay nidaamka uu udhicidoono imtixaanaadka heer qaran ayaa sheegay in la sameeyay comond postiyo isugu xidhan heer federal, Heer Deegaan, Heer Gobol iyo heer degmo, Isagoo wasiirku xusay in ay xilal kala leeyihiin ilaaliyaasha, Kormeerayaasha, Tiriyayaasha islamarkaana ay hay’adaha amnigu ay door kuleeyihiin ilaalinta nidaamka imtixaanaadka iyo waliba ilaalinta waxyaabaha anshax xumida ah.

Wuxuuna wasiirku intaa ku daray in sanadan 2009TI ay imtixaanka fasalka 10aad ufadhiisan doonaan in kabadan 15,000 oo arday halka imtixaanaadka fasalka 12aad ay ufadhiisan doonaan 9000, oo ardayda deegaankeena ah, Fasalka 8aadna ay ufadhiisan doonaan in kabadan 27,000 oo ardayda deegaankeena ah, Sidoo kalena Wuxuu wasiirku xusay in imtixaanaadka heer qaran uu balaabmi doono maalmahan fooda inagusoo haya ee bishan 9aad ee ginbood kuna bilaabmi doono fasalada 10aad, Iyadoo imtixaanaadka fasalada 10 ee deegaanku uu ka dhici doono 151 goobood oo deegaanka ah, Halka uu imtixaanka fasalada 12aad uu bilaabmi doono dhamaadka isla bishan ginbood oo ku beegan 28ka bishan ginbood wuxuuna ka qabsoomi doonaa 88 goobood oo deegaanka ah.

Ugu danbayna wuxuu wasiirku tilmaamay in dadaalka uu xafiiska waxbarashada DDSI uu sameeyay sanadan gudaheeda uu kalsooni balaadhan ka qabo dhamaan ardayda deegaanka ee u faadhiisanaya imtixaanaadka heer qaran ay natiijo wax ku ool ah oo lagu farxo ka keeni doonaan, Maadaama uu xafiisku kulamo layeeshay dhamaan aradayda dugsiyada sare ee deegaanka, Waalidiinta Maamulayaasha iyo waliba macalimiinta oo loo qabtay tababaro kaladuwan. Isagoo wasiirku intaa kudaray in dhamaan ardayda la isugu xidhay 1 ilaa 5 islamarkaana laga joojiyay mobilada iyo waxyaabaha anshax xumida ah in lagu isticmaalo dugsiyada gudahooda , Iyadoo ardayda loo sameeyo nakhtiin ama make up class. Wuxuuna wasiirku hadalkiisii kusoo xidhay in ardayda qaadanasa imtixaanaadka heer qaran laga qaaday model examinationkii islamarkaana uu dadaalada badan ee xafiisku sameeyay sanadan 2009TI ay natiijo wax ku ool ah ka keeni doonaan dhamaan aradayda deegaanka ee qaadanaysa imtixanaadka heer qaran ee fasalada 10aad,12aad iyo 8aadba.   

Jigjiga(cakaaranews)Khamiis 25ka May 2017. Macalimiin kakooban 63 gabdhood oo laga soo kala xulay barayaasha dugsiyada deegaanka islamarkaana heerka aqoontoodu isugujirto diploma iyo degree ayaa kadib markii uu u soo dhamaaday tababar ay kuqaadanayeen jaamacad jigjiga mudo 3 bilood ah kuna qotomay nidaamka hogaaminta dugsiyada (school leadersip) ayaa maant si habsami leh xafladii qalinjabintoodu uga dhacday hoolka shirarka ee Nogob Hutel.

Hadaba, xafladan qalinjabinta ah ayaa waxaa furitaankeedi khudbad muhiim ah oo dhinacyo badan taabanaysa kasoojeediyay wasiirka xafiiska waxbarashada DDSI mudane Ibraahim Aadan Mahad oo ugu horayn uhanbalyeeyay dhamaan qalinjabiyayaasha kaqalinjabisay tababarka hogaaminta ee ay kuqaadanyeen jaamacada jigjiga. Wuxuuna intaa kudaray wasiirku in dhamaan qalinjabiyayaashu ay yihiin gabdho macalimiin ahaa islamarkaana laga soo kalxulay dugsiyada deegaanka. iyadoo xubanahan qalinjabiyayn ay baranayeen mudo 3 bilood ah school leadership. Si ay unoqdaan maamulayaasha dugsiyadii ay kakalayimaadeen. Wasiirka oo hadalkiisa siiwata ayaa xusay in qorshayaasha sectorka ee horumarinta waxbarshada ee (ESDP5) uu xooga saaray in dumarku waxbaratay ay hogaaminta dugsiyada deegaanka ay door muhiim ah kaqaataan maamulkiisa iyo hogaamintiisaba.

Wasiirka ayaa tilmaamay in dumarku ay yihiin lafdhabarta qoyska isamarkaana ay door laxaadleh ka galeen horumarka deegaanka.

Dhanka kale, wasiirka ayaa qalinjabiyayaasha kula dardaarmay in kadib marii ay qaataan waraaqaha maamulanimo ay noqdaan gabdho leh dareen wadaniyadeed iyo mid lahaansho islamarkaana noqda kuwa keena natiijooyin wax ku ool ah oo ay kusoohirtaan gabdhaha kale ee deegaanku.

Sidookale, Agaasinka horumarinta macalimiinta iyo hogaaminta waxbarashada mudane Farxaan Cabdi Makhtal oo dhankiisa kahadlay ayaa sheegay in si fiican oo wadaiyad leh ay usoo dhamaysteen tababarkii sadexda bilood ah ee ay kubaranayeen hogaaminta dugsiyada hoose iyo kuwa sare islamarkaana uu u rajaynayo in sidookale ay kasoobaxaan masuuliyadan loo dhiiibay. Heerka aqoonta waxbarashadoodana ay sii wadaan

Ugudanbayna, wasiirka xafiiska waxbarashada DDSI mudane Ibraahim Aadan Mahad ayaa qalinjabiyayaasha gudooniiyay shahaado sharaf cadaynaysa tababarkan iyo mudadii ay kujireen.

Jigjiga(Cakaaranews) Jumce 26ka May 2017. Madaxwaynaha DDSI mudane Cabdi Maxamuud Cumar ayaa maanta warbaahinta  deegaankaba uga waramay guusha iyo midhaha 20-ka Ginbood oo ah maalintii laga takhalusay mugdigii iyo cadaadiskii xukuumadii Dergiga, wuxuuna madaxwaynuhu hanbalyo u diray dhamaan shacab waynaha Itoobiya isbadalka maanta ay   ku naaloonayaan qoomiyadaha Itoobiya.

Madaxwayne Cabdi Maxamuud Cumar ayaa ugu horayntii uga mahadceliyay shacabka DDSI iyo guud ahaanba dalka iyo waliba dadaalka horumarineed ee uu  dalku doonayo inuu kagamid noqdo wadamada dhaqaalahoodu dhexdhexaadka yahay. Halkan laguma soo koobi karo isbadalka iyo guulaha ay 20-ka Ginbood u soo hoyisay qoomiyadaha iyo shacabwaynaha Itoobiya ayuu yidhi madaxwayne Cabdi Maxamuud Cumar.

Ginbood kahor (25 sano) Itoobiya waxay dhamaan kusugnayd mugdi wuxuuna madaxwaynuhu sheegay in Soomaalida Itoobiya ay Dergidu ula dhaqmi jirtay muwaadinka labaad ama (second citizen) iyadoo deegaanku aysan haba yaraatee wax horumar ah ka dhaxlin.

Madaxwayne Cabdi Maxamuud waxaa uu sheegay in deegaanka Soomalidu ahaan jiray wakhtigaasi Dergiga xeryo militari oo xitaa aan guri laga dhisin ama laga dhaxlin xeryahaasi iskadaa horumar kale oo lasheego. Waxay shacabku kala kulmeen dil, dhac, boob iyo dhibaatooyin badan oo dafiray xaquuqahoodii aas aasiga ahaa.

Midhaha Ginbood oo ay ugu horeeyaan xaquuqaha ay qoomiyaduhu lahaayeen iyo horumarka balaadhan ee maanta dalku kutalaabasaday ayaa waxaa hormuud u ahaa guusha 20-ka Ginbood, waxaana 25kii sano ee lasoo dhaafay dalku kagaadhay horumar dhan walbo ah, Deegaanka soomaalidana waxaa uu kafaaidaysatay horumarka iyo maamulka suuban ee wadanka ka curtay sida Biyaha,waxbarashada, jidadka, isgaadhsiinta, Caafimaadka, dib u dajinta mashaariicaha waawayn ee kaladuwan iyo qorshayaasha horumarineed ee uu hogaaminayo ururka talada dalka haya ee EPRDF iyo bahwadaagtiisa.

Jigjiga,(cakaaranews), jumce, 26ka May, 2017. Kulan lagu qiimaynayay wax qabadka mashruuca Dhimista dhimashada hooyada iyo dhamalaanka ee afka qalaad  loo soo gaabiyo (RIF) oo ah waxqabada mashruuca  bilihii la soo dhaafay  oo diirada lagu saarayay fulinta qorshihii mashruuc u dajisnaa  laguna qorfaynayay   sidii loo dar-dar galin lahaa  qorsha yaasha  mashruuca ayaa maanta lagu soo gabagabeeyay caasimada DDSI gaar ahaan madasha shirarka ee  huteelka City crown.

Kulankan qiimaynta ah oo u soo diyaariyay xafiiska caafimaadka DDSI ayaa waxaa soo xidhitaankiisii ka soo qaybgalay masuuliyiinta xafiiska caafimaadka DDSI oo uu ka mid yahay wasiirka xafiiska caafimaadka DDSI mudane Xasan Ismaaciil Cali, masuuliyiin ka socday ururka horumarinta somalida itoobiya oo uu ka mid yahay maareeyahay ururka horumarinta somalida itoobiya mudane Cabdifaax Siciid iyo masuuliyiinka socday hay’adaha ay baw-wadaagta yihiin xafiiska caafimaadka DDSI.

Kulankan qiimaynta ah oo socday muddo 2maalmood ah ayaa waxaa xidhitaankiisii ka hadlay wasiirka caafimaadka DDSI mudane xasan ismaaciil cali oo ka warbixiyay waxqabadka mashruucan iyo guulaha laga soo hooyay fulinta qorshayaashii u yaalay mashruuca bilihii ugu danbeeyay. wasiirka ayaa sheegay  in tan iyo intii la hirgaliyay mashruucani uu wax wayn ku soo biiriyay dadaalka uu xafiiska caafimaadka DDSI ugu jiro ka midho dhalinta adeegyada  caafimaadka gaar ahaan hoos u dhiga dhimashada hooyada iyo dhalaanka.

Dhankiisa maareeyaha mashruuca dhimista dhimashada hooyada iyo dhalaanka ee xafiiska caafimaadka DDSI mudaen Shaafici Daahir Muuse ayaa  ka warbixiyay kaalinta waxqabad ee uu mashruucani ku leeyahay hirgalinta adeegyada caafimaadka gaar ahaan adeega  caafimaadka hooyada iyo dhalaanka wuxuna sharax dheerka bixiyay in   mudadii koobnayd ee la hirgaliyay  mashruucan uu  guulo waawayn ka soo hooyay fidinta iyo wacyigalinta adeegyada caafimaadka iyo kaalintii uu mashruucani ka qaatay dadaalkii loogu jiray xakamaynta iyo tir-tirida  cudurka shubanbiyoodka  ka dhashay xaaladii  abaaraha saamaysay qaarka mid ah degmooyinka deegaanka.

Gabagabadii ayaa waxaa laga soosaaray  kulankan qiimaynta ah  qorshe ah in  muddo bil ah lagu  lagu soo gabagabeeyo  shaqooyin u  qorshaysan  oo uu fulinayo mashruucani oo ah  in 63 xurumo caafimaad solar light loo galiyo, 51 xurumo caafimaad haamaha  biyaha ah loo dhigo, 61 Mooto la gaadhsiiyo degmooyinka deegaanka ee uu ka hawlgalo mashruucani.

Geneva(cakaaranews),jumce, 26ka May, 2017. Jaaliyada DDSI ee wadanka Switzerland  ayaa si balaadhan  u taageeray guushii uu ka gaadhay Dr Tedros Adhanon  loolankii adkaa ee qabashada  xilka agaasimaha guud ee hay’ada caafimaadka aduunka  (WHO).

Haddaba, jaaliyada DDSI ee ku dhaqan wadanka Switzerland  gaar ahaan magaalada Geneva ayaa sameeyay isku soo bax balaadhan oo ay ku  muujinayaan taageerada ay  taageersan yihiin guusha muga leh ee  uu soo hooyay Dr Tedros Adhanom taasi oo ay sheegeen in ay tahay guul u soo hoyatay guud ahaan qaarada Africa gaar ahaana dalkeena itoobiya maadaamo oo uu yahay masuulkii ugu horeeyay ee ka soo jeeda qaarada Africa ee ku guulaysta xilkan agaasimaha guud ee hay’ada caafimaadka aduunka (WHO).

Jigjiga(Cakaaranews) Sabti 27ka May 2017. madaxwaynaha DDSI mudane Cabdi Maxamuud Cumar ayaa dhamaan muslimka caalamka gaar ahaan muslimiinta Itoobiya ugu bishaareeyay bisha barakaysan ee Ramadaanka oo dhamaan dalka Itoobiya iyo caalamkaba barito laga soomayo.

Madaxwaynaha ayaa faray dhamaan muslimiinta walaalaha in ay kafaaiidaystaan khayraadka iyo barkada bisha Ramadaanka isaga oo ugu dar daarmay in la iscaawiyo oo dariska iyo masaakiinta dhaqaalahoodu liito lacaawiyo, islamarkaana labadiyo Alle kacabsiga, isjeclaanshaha, iyo khayraadka badan ee bishu leedahay.

Madaxwaynaha ayaa Ilaahay uga baryay dhamaan muslimiinta in Ilaahay ka dhigo kuwa kafaaidaysata bishan barakaysan ee Ramadaanka khayrkeeda oo dhan. Sidoo kale waxaa uu Allaah uga baryay in bishan bisheeda ku gaadhsiiyo barwaaqo,  Alle kacabsi, iyo cimri suuban.

Jigjiga(cakaaranews)Sabti 27ka May 2017..Shaqaalaha wakaalada jibriga laanteeda jigjiga ayaa deeq lacageed oo dhan boqol sodon iyo sagaal kun, lix boqol iyo konton birr (139,650) birr ugu deeqay bulshadii abaartu saamaysay ee kunool qaarkamid ah gobolada deegaanka.

Hadaba, deeqdan lacageed ayaa waxaa warbaahinta deeganka uga waramay maareeye kuxigeenka wakaalada jibriyada laanteeda jigjiga mudane Dhamalaash toshome oo sheegay in deeqadan lacageed ay tahay mid ay uu talagaleen bulshadii abaartu saamaysay eek u dhaqan gobolada qaar islamarkaana ay shaqaalaha wakaaladu kazoo jareen mushaarkooda.

Dhankiisa gudoomiyaha gudiga abaaraha ee ganacsatada deegaanka mudane khadar macalin cali oo lagu wareejiyay lacagtan ayaa sheegay in lacag dhan 139650 birr ay kuwareejisay wakaalda jibriga laanteeda jigjiga islamarkaana ay ugu deeqeen bulshadii abaartu saamaysay ee deeegaanka. Wuxuna usoo jeediyay shaqaalaha iyo masuuliyiinta wakaalada mahad celin balaadhan sida wanaagsan ee wadinyada leh ee ay uga qaybqaateen taakulaynta buslhada deegaanka ee ay abaartu saamaysay.

Sikastaba ha ahaatee, deeqaha lagaadhsiinayo bulshada abaartu saamaysay ayaa ah kuwo isdaba joog ah iyadoo hada kahor deeqo farabadan oo kaladuwan ay dawalada iyo ganacsataduba gaadhsiiyeen bulshadaas. 

Jigjiga(cakaaranews)Axad 28ka May 2017.Shir usocday mudo 3 maalmood ah oo ay kasooqaybgaleen maareeyaha dakhliga DDSI, wasiir-kuxigeenka xafiiska horumarinta magaalooyinka Dhismaha iyo warshadaha DDSI, 6da maamul magaalo iyo magaalooyinka soo koraya ee deegaanka oo tiradoodu dhantahay 24 magaalo iyo waliba masuuliyiin iyo khabiiro kascoday deegaanka oromiya islamarkaana kusaabsanaa khibrad wadaag iyo tababar kuqotama dhanka horumarinta magaalooyinka ayaa lagu soo gabagabeeyay magaalada jigjiga.

Khibrad wadaagan oo ay si wada jir ah u soo agaasimeen Xafiiska horumarinta magaalooyinka iyo warshadaha DDSI iyo xafiiska dhigiisa ah ee deegaanka oromiya ayaa waxaa xidhitaankiisii kahadlay Maareeyaha Wakaalda Dakhliga DDSI mudane Cabdiraxmaan Maxamed Xasan oo sheegay in 4 tii sano ee udanbaysay ay kor ukaceen horumarka magaalooyinka DDSI. Wuxuuna intaa kudaray maareeyuhu in shirkani uu ahaa shir khibrad wadaag ah oo lagu sii xoojinayo horumarinta magaalooyinka hadaythay dhismaha iyo haday tahay shuruucda u taala horumarinta magaalooyinka.

Sidookale, wasiir-kuxigeenka xafiiska horumarinta magaalooyinka, dhismaha iyo warshadaha DDSI mudane Axmed Shugri ayaa sheegay in shirkani uu ahaa mid khibrad wadaag ah oo u dhaxeeyay deegaanka soomalida iyo deegaanka oromiya oo ku qotama dhismaha iyo kobcinta magaalooyinka. Wuxuuna xusay in khibarado muhiim ah lakala qaatay isagoo kuladardaarmay kaqaybgalayaasha in ay  dhaqangaliyaan casharadan lakala qaatay.

Ugudanbayna kasooqaybgalayaashii oo dareenkooda kahadlaya yaa sheegay in casharo aad faaiido ugu leh ay kaheleen tababarkan islamarkaana ay kadhaqan galinayaan magaalooyinkii ay kayimaadeen.

Jigjiga(Cakaaranews) Axad 28ka May 2017.waxaa Maanta Guud ahaanba JDFI gaar ahaana DDSI si wayn looga Xusay Xuska 26aad ee 20ka Ginbood oo ay Dhamaanba Degmooyinka iyo Gobolada DeegaankaSoomaalida Itoobiya si qurux badan uga qaybqaadanayeen Dhamaanba Qaybaha Bulshada oo Farxadooda iyo Xusuusta Taariikhda Dhaxalka ah ee ay Maalintani u leedahay ku muujinayay. Haddaba, munaasabada si qurux badan loo soo asaagimay ayaa ka qabsoontay caasimada DDSI gaar ahaan madasha shirarka kaali ee xarunta madaxtooyada DDSI,Ttaasi oo ay ka soo qayb-galeen masuuliyiinta ugu saraysa xukuumada DDSI oo uu ka mid yahay madaxwaynaha DDSI mudane Cabdi Maxamuud Cumar, madaxwayne ku xigeenka DDSI ahna wasiirka Xafiiska horumarinta beeraha iyo khayraadka dabiiciga ah marwo Sucaad Ahmed Faarax, golaha wasiirada DDSI, shaqaalaha dawlada deegaanka,odayaasha dhaqanka deegaanka, kooxaha fanka iyo suugaanta DDSI iyo marti shafar kale.

Waxaana ugu horayntii munaasabadan ka hadlay madaxwaynaha DDSI mudane Cabdi Maxamuud Cumar oo ugu horayn dhamaan shacabwaynaha JDFI gaar ahaan shacabwaynaha DDSI ugu hambalyeeyay munaasabadan qaaliga ah ee 20ka ginboot, madaxwaynaha ayaa si qoto dheer uga warbixiyay guulaha laga dhaxlay sanad guurada 20ka ginbood iyo halgankii adkaa ee loo soo maray sidii layskaga dulqaaday heeryadii guumaysiga madaxwaynaha ayaa si sharax dheer ah kabixiyay dhibaatooyinkii ka jirayay deegaanka gaar ahaan xaaladii nabadgalyada iyo maamul xumadii ragaadisay shacabka deegaanka balse markii ay xukuumada DDSI go’aansatay in aana sidan lagu soconkarayn ay dajisatay qorshayaal lagu tir tirayo nabad diidka iyo maamul xumadii ka jirasay deeganaka taasi oo guula waawayn oo lagu diirsatay laga soo hooyay madaxwaynaha DDSI ayaa sheegay in hadda ay xukuumada DDSI diyaar u tahay sii xoojinta qorshayaashaasi horumarka ee gashiga u noqonaya shacabwaynaha DDSI.

sidoo kale madaxwaynaha ayaa sheegay in caasimada DDSI ee jigjiga xooga la saarayo sidii kor loogu sii qaadilahaa bilicda iyo nadaafada caasimada jijiga maadaamo oo xuska todobaadka magaalooyinka dalkeena itoobiya lagu xusidoono 2 sano ka dib caasimada  jigjiga. Dhinaca kale suldaan khadar oo ku hadlay afka odayaasha dhaqanka deegaanka ayaa kawarbixiyay cadaadiskii iyo cabudhiskii ka jirayay deegaanka iyo dalka wixii ka horeeyay 26sanno ka hor gaar ahaan dhibaatooyinkii uu guumaysigii boqortooyada iyo kii kalidii talisku ku hayn jireen shacabka deegaanka suldaanka ayaa ka warbixiyay guulaha la gaadhay wixii ka danbeeyay 26kii sano. Waxaana munaasabadan halku dhig looga dhigay” itoobiya waa dal ku hawlan dhismaha nidaamka fadaraaliga ah oo xaqiijinaya sinaanshaha iyo ka faa’iidaysiga cadaalad ku dhisan shucuubaha.

Sidoo kale waxa uu suldaanku sharaxay dib u dhacii ka jiray deegaanka wixii ka horeeyay 9kii sano iyo guulaha ay xukuumada DDSI gaadhay 9kii sanno ee ugu danbeeyay Intii ay munaasabadani socoday waxaa la daawadadaawaday dukumantari filim ka turjumiyay dhibaatooyinkii ka jirayay deegaanka wixii ka horeeyay 9kii sanno ee ugu danbeeyay gaar ahaan dhibaatooyinkii ka jiray dhinacyada nabadgalayda iyo maamul xumadii dukumantarigan oo ahaa mid ay ku duugan tahay warbixin qiira leh ayaa sidoo kale waxa uu ka hadlayay guulaha laga soo hooyay dhinacyada nabadgalyada, horumarka iyo maamulka suuban gaar ahaan horumarinta magaalooyin DDSI

Jigjiga(Cakaaranews) Axad 28ka May 2017. Madaxwaynaha DDSI mudane Cabdi Maxamuud Cumar ayaa maamulada gobolada iyo degmooyinka deegaanka afur sharafeed si heer sare ah loo soo agaasimay ugu sameeyay xaafadiisa.

Afur kadib ayaa waxaa la islasoo qaaday in lasameeyo qormo larabo in afka soomaaliga laga saaro erayga ‘NAAYAA’ oo ah kalmad tilmaamaysa yasid si xun loogu adeegsado dumarka iyadoo qormadan oo laga dooday larabo in lasoo hordhigo hay’adaha sharciga.

Hadaba waxaa dhamaan dumarka sharafta leh ee soomaalida gaar ahaan dumarka DDSI  meel kasta oo ay joogaan  la ogaysiinayaa inaysan ogolaanin in lagu yidhaahdo erayga ‘NAAYAA’ maadaama uu eraygaasi yahay mid bahdil ah oo meel wayn kaga dhacaya sharaftii dumarkeenu lahaa. Sidaadarteed  Ninka xaaskiisa kuyidhaahda erayga naayaa waxaa xaqiiqa ah inuusan jeclayn oo uu yasayo, Hadii ay xaaskiisu kayeeshana ay noqonayso bacaac aan xushmad kamudnayn.

Sidoo kale, waxaa raga xaaslayda ah lagu boorinayaa inay dumarkooda u isticmaalaan erayada naxariista leh sida: Gacaliso, Xabiibti, Hani, Macaan, Indhahaygii, Nuurkaygii IWM. Ragga aan xaaska lahayna waxaa la ogaysiinayaa inay gabdhaha soomaalida ah ee sharafta leh ay u isticmaalaan erayada macaan ee ay kamidka yihiin sida: walaal, Huuno, IWM.

Iskusoo wada duuboo dumarka sharafta leh ee soomaalida ah ayaa waxaa lagu wargalinayaa inaysan marnaba aqbalin in lagu yidhaahdo kalmada ‘NAAYAA’ maadaama hadal qoraal qabyo ah oo ay xukuumadu kasoo saartay in kalmada Naayaa laga saaro afsoomaaliga laga wada hadlayo islamarkaana uu horyaalo hay’adaha sharciga.

Ayshica (Cakaaranews) Axad 28ka May 2017. Waxaa si rasmi ah ooga furmay Xarunta Caafimaadka Ee Dagmada Ayshica ee gobolka siti ololihii Daawayntii Iyo Qaliinkii Indhaha bilaashka ahaa Oo Ay Kafaa,iidaysanayaan shacabka Degmada ayshica iyo nawaaxigeeda ee gobolka siti.

Hadaba Waxaa Furitaankii adeegan qaliinka iyo daawaynta indhaha Kahadlay qaarkamid ah hawlwadeenada ololaha qaliinka indhaha iyo daawaynta oo sheegay in maanta uu degmada ayshica ka bilowday adeegii qaliinka iyo daawaynta indhaha kaas oo ay kaafaaiidaysanayaan shacabka Degmada ayshica iyo nawaaxigeeda islamarkaana uu adeegani yahay mid bulshada muhiim ah u ah, Waxayna intaa kudareen inay maanta bilaabeen jeegarayntii hore tasoo lagu ogaanayo sida uu qof walba wax uqabo. Sidoo kalena ay  umahad celiyeen xukuumada oo marwalba shacabkeeda la garabtaan siday ooga jawaabi lahaayeen baahidooda gaarka ah kana jawaabayaan baahida bulshada ee ka jirta dhanka indhaha.

Ugu danbayna waxaa iyana dhankooda kahadlay bulshadii Ka Faaiidaysanaysay Adeegani Bilaashka Ah Ayaa Bogaadisay Hawlahan Mutawacnimada ah ee uu Soo gaadhsiiyay XDSHSI Sidii Loogu talagalayna ay ooga faaiidaysanayaan Bulshadu. Waxayna intaa kudareen inay aad oogu faraxsanyihiin adeegaan ay xukuumadu bilaashka kusoo gaadhsiisay.

Jigjiga,(cakaaranews), Isniin, 29ka , May, 2017.Xaflad si meeqaam sare ah loo soo agaasimay oo ay ku qalinjabiyeen  dufcadii 12aad ee kuliyada caafimaadka jigjiga   xirfadlayaal caafimaadka  oo dhan 438 arday  oo ay dumar yihiin 251 oo bartay  culuumta caafimaadka   ayaa waxay xafadan qalin-jabintu  ka dhacday madasha shirarka  Sayid MCX.

Xafladan  oo ahayd mid si qurux badan loo agaasimay   ayaa waxaa ka soo qaybgalay masuuliyiinta ugu saraysa xukuumada DDSI oo uu ka mid madaxwaynaha DDSI mudane Cabdi Maxamuud Cumar, wasiirka madaxtooyada DDSI mudane Cabdimahad Maxamed Cabaase, maareeyaha kuliyada caafimaadka ee jigjiga mudane Kaamil Cabdilaahi Haybe,  odayaasha dhaqanka deegaanka, waalidiinta,asxaabta aradayda qalinjabinaysay iyo martisharaf kale.

waxaana ugu horayntii ka hadlay xafladan qalin-jabinta madaxwaynaha DDSI mudane Cabdi  Maxamuud Cumar oo u hambalyeeyay ardaydan qalijabisay ayaa si qoto dheer uga warbixiyay ahmiyada xirfadlayaashan ay leeyihiin   iyo baahida loo qabo taabo galinta yoolasha horumarinta siyaasada caafimaadka, madaxwaynaha ayaa ka hadlay doorkii ay ka qaateen xirfadlayaasha caafimaadka DDSI dadaalkii ay xukuumada DDSI ugu jirtay xakamaynta iyo tir-tiritaanka cudurkii shuban biyoodka ee ka dhashay xaaladii abaart ee saamaysay qaarka mid ah gobolada deegaanka. Madaxwaynaha DDSI ayaa sheegay in loo baahayn yahay in la buuxiyo baahiya dhinaca adeega caafimaadka bulshada sidaasi darteedna  xirfadalaayshan caafimaadkana ee maanta qalinjabiyay  looga baahan yahay  in ka  soo shaqeeyaan goobkasta  iyo meelkasta oo lagu meeleeyo  bulshadana  ay siiyaan adeeg caafimaad oo ay ku dheehan tahay ka go’naansho wadaniyadeed oo leh xushmad iyo soo dhawaynta bukaanka.  Madaxwaynaha ayaa intaa ku daray in xukuumada DDSI dadaal xoogan ugu jirto soo saarida cudud  xirfadlayaal caafimaad  taasi oo lasameeyay kuliyada caafimaadka ee soo saara xirfadlayaal  adeega caafimaadka ah oo ay ka mid yihiin kuliyada caafimaadka Goday iyo Qarbihadar

dhankiisa waxaa ka hadlay maareeyaha kuliyada  caafimaadka jigjiga mudane Kamaal Cabdilaahi haybe oo ugu horayntii u hambalyeeyay ardaydan qalin jabisay ayaa ka warbixiyay soonyaalka taariikheed ee kuliyada iyo ardayda ka qalin jabisay tan  iyo intii  kuliyada la aas aasay in ay ka qalin jabiyeen arday dhan 4,256.  Isaga oo  sheegay maareeyuhu  in ay  maanta ka qalin jabiyeen arday dhan 438, oo bartay noocyada kala duwan ee culuunta caafimaadka  ugu danbaytii ayaa waxa uu sheegay maareeyuhu in ay kuliyada dadaal dheeriya ku jirto soo saarida cudud waxbarsho oo siwayn uga qayb qaadan doonta xaqiihinta iyo hirgalinta qorshay GTP2 iyo SDG.

Garaad kulmiye garaad maxamuud garaad dool oo  ka hadlay xafladan qalin jabinta ah aoo  ugu horayntii u hambalyeeyay ardaydan qalinjabisay  ku booriyay in  ay ka midho dhaliyaan cilmigan caafimaadka ee ay barteen ugu adeegaan bulshada deegaanka.

Gabagabadii xafladan ayaa madaxwaynaha DDSI mudane Cabdi Caxamuud Cumar  waxa uu gudoonsiiy abaalmarino kala duwan ardaydii ugu dhibcaha saraysay.

Jigjiga(Cakaaranews) Isniin 29ka May 2017.  Madaxwaynaha DDSI mudane Cabdi Maxamuud Cumar oo ay wehelinayaan qaarka mid ah masuuliyiinta sare ee  xukuumada DDSI ayaa booqday qaarka mid ah mashaariicaha horumarineed ee laga hirgalinayo maamulka magaalada jigjiga.

Hadaba Madaxwaynaha DDSI mudane Cabdi Maxamuud Cumar iyo mas’uuliyiintan wehelinaysay ayaa ugu horayntii booqday dhismaha jidka wayn ee qoraxay street ee mmj taasi oo ay dhismaheedu meel gabagaba ah marayso islamarkaana ay  wadadan jidka wayn ee qoraxey street  ka qayb-qaadanayso bilicda iyo adeegyada isku socodka caasimada DDSI waxaana wadadan dhismaheeda gacanta kuhaya wakaalada dhismaha iibka iyo adeega gaarka ah ee booliska.

 Sidoo kale waxa uu madaxwaynuhu booqday xarumaha shirkadaha yar yar ee ku hawlan waxsoosaarka iyo kuliyada tababarda xirfadaha iyo farsamada DDSI oo ah goob lagu tababaro dhalinyarta deegaanka ee bilaa camalka ah iyo kuwa la rabo inay natiijo wax ku ool ah ka keenaan noocyada kaladuwan ee farsamada gacanta.

Ayshica(Cakaaranews) Isniin 29ka May 2017. Bulshada Kunool  Degmada ayshica iyo nawaaxigeeda Ee Gobolkani siti oo Kafaaiidaysanaya adeegani qalniinka ayaa Bogaadiyay Adeegani Kaasoo Juhdi Badan Ay Ku Bixisay Xukuumada Deegaanka sidii bulshada deegaanku u heli lahaayeen adeegan qaliinka iyo daawaynta indhaha ayaa Waxaa maalintii 2aad galay qalitaanka indhaha iyo daawaynta ee degmada ayshici iyo nawaaxigeeda ee  gobolka siti iyadoo maalintii shalay ahayd laga daah furay adeegan bulshada loogu soo celinayo aragooda indhaha.

Hadaba mid kamida hawlwadeenada adeegani ayaa sheegay in uu adeegani Bilaashka ah ee qaliinka iyo daawaynta indhaha uu galay maalintiisii labaad islamarkaana loo adeegay bulsha dhan 240 qof oo isugu jira 200 oo qof oo ladaaweeyay iyo 40 qof oo lagu sameeyay qalniin, Geesta kalena ay sidii loogu talagalay ilaa wakhti xaadirkani ay hawshu u socota iyadoo uu maalmahan kasii socondoono halkaas.

Ugudanbayna waxaa dhankooda ka hadlay qaar kamid bulshada aragooda dib uhelay ee ku dhaqan degmada ayshica iyo naawaaxigeeda oo u waramay warbaahinta deegaanka ayaa sheegay inay aad oogu faraxsanyihiin qalitaankan iyo daawaynta indhaha loo sameeyay islamarkaana bogaadiyay howshan caafimaad ee ay bulshadu dib oogu helayaan aragooda indho. Waxayna aad oogu mahad celiyeen xukuumada DDSI oo runtii dadaal dheer ugashay siday bulshada deegaanku uheli lahaayeen aragooda indhaha.

Jigjiga,(cakaaranews),talaado, 30ka May, 2017. Tababar uu soo diyaariyay xafiiska adeega shacabka iyo horumarinta cududa shaqaalaha DDSI  oo ay ujeedadiisu tahay sidii Gobolada,Degmooyinka iyo Maamul magaalooyinka DDSI  looga  hirgalin lahaa nidaamka qiimaynta iyo daraja siinta shaqada (job evaluation and grading)  wajigiisii 4aad   iyo sii xoojinta  maamulka suuban  ayaa ka furmay caasimada DDSI ee jigjiga gaar ahaan madasha  shirarka ee Qaryaan Dhoodaan.

Tababarkan oo loo qabtay hogaaminta gobolada, degmooyinka DDSI iyo maamulka magaalooyinka DDSI  ayaa waxaa furitaankiisii ka hadashay wasiirka xafiiska adeega shacabka iyo horumarinta cududa shaqaalaha DDSI Marwo Maajida Maxamed Maxamud  oo ka warbixisay ujeedooyinka tababarkan iyo istaraatajiyadaha laga leeyahay taasi oo ah in si cad loo qeexo cid kastaana garato kaalinta uu shaqaaluhu ku leeyahay hirgelinta waajibaadyada shaqada iyo natiijooyinka laga sugayo shaqaalaha heerar-kooda kala duwan . Wasiirka  ayaa sheegtay  in masuuliyiinta  maamulada gobolada iyo degmooyinka DDSI  looga baahan yahay in ay kaalin tooda ka qaataan hirgalinta nidaamkani qiimaynta iyo darajo siinta shaqada si loo dar dargaliyo shaqooyinka haay’adaha dawlada layskuguna dheeli tiro shaqada iyo darajasiinta shaqada iyo sii xoojinta hirgalinta iyo hoos I dhaadhicinta maamulka suuban ilaa heer tuulo.

Dhankiisa Wasiir ku xigeenka  xafiiska adeega shacabka iyo horumarinta cududa shaqaalaha DDSI mudane Xasan Aadan Xasan ayaa ka warbixiyay  in barnaamijyada lagu horumarinayo lagu hirgalinayo  qiimaynta iyo  daraja siinta shaqatu tahay mid kor u qaadaya tayada adeegyada  shaqada xafiisyada dawlada  isaga oo  sheegay  in  si loo xoojiyo awooda fulineed ee shaqooyinka lagu hirgalinayo qorshayaasha horumarineed ee dawlada  in ay muhiim tahay in si cad loo tuso Hanaanka shaqaalaynta, dalacsiinta, bedelka iyo darajasiinta shaqada iyo dhaqangalinta nidaamka maamulka suuban . wuxuuna kula   dar-daarmay hogaaminta gobolada iyo degmooyinka deegaanka ee  tababarku u furmay in ay si habsamiya u qaataan kana hirgaliyaan xafiisyadii ay ka socdeen.

Dhankooda  hogaaminta  maamulada gobolada, degmooyinka iyo maamul magaalooyinka DDSI ee loo  furay  tababarkan ayaa siwada jir ah u balan qaaday in ay nidaamka sidii loogu talagalay uga hirgalinayaan gobolada iyo degmooyinka deegaanka iyo maamulada magaalooyinka DDSI si looga midho dhaliyo ujeedooyinka nidaamka  laga leeyahay.  Tababarkan ayaa  socod doona muddo 7maalmood ah.

Jigjiga(Cakaaranews) Sabti 3da June 2017.Shir uu hogaaminayay madaxwaynaha DDSI mudane Cabdi Maxamuud Cumar Oo  mudo 5 maalmood ah socday islamarkaana si qoto dheer  loogu qiimaynayay dhamaan maaliyadaha heer degmo iyo heer maamul magaalo iyo waliba maaliyada heer deegaan diiradana lagu saarayay dhanka ku dhaqanka nidaamka iyo sharciyada udajisan maaliyadaha ayaa lasoo gabagabeeyay.

Hadaba qiimaynta maaliyadaha ayaa lagu ogaaday inay madaxafiiseedyadii maaliyadaha degmooyinka gaar ahaan gabdhihii lagu meeleeyay maaliyadaha degmooyinka ay isbadal laxaad leh ka keeneen gud ahaanba nidaamka shaqo ee maaliyadeed gaar ahaan ilaalinta hantida dawlada, ku dhaqanka shuruucda maaliyada iyo meel maarinta dhamaan shuruucda maaliyada ee dalka iyo deegaankba.

Madaxafiiska maaliyada iyo Horumarinta dhaqaalaha DDSI mudane Axmed Cabdi Maxamed ayaa faahfaahiyay isbadalka kajira maaliyadaha degmooyinka taniyo intii lagu meeleeyay gabdhaha isagoo gaar ahaan ku amaanay fulinta awaamiirta iyo ku dhaqanka nidaamka maaliyadeed oo ay ka madhantahay musuq, eex  iyo nin jeclaysi intaba. Iyadoo dhamaan hogaaminta heer gobol iyo kuwa degmooyinkuba ku amaaneen isbadalka iyo shaqo wanaaga ay ka keeneen nidaamka maaliyadeed.

Iskusoo wada duuboo madaxwaynaha DDSI mudane Cabdi Maxamuud Cumar ayaa hogaaminta iyo heerarka kaladuwan ee shaqaalaha maaliyada oo ay ugu horeeyaan Madaxafiiseedka maaliyada iyo Horumarinta dhaqaalaha DDSI mudane Axmed Cabdi Maxamed iyo kuxigeenka maaliyada mudane Jamaal Faarax Warmooge usoo jeediyay kuna amaanay inay siiwadaan shaqooyinka iyo natiijooyinka wanaagsan ee ku dayashada mudan ee  ay ilaa iyo dawlada federalka ah iyo shacabkuba mar walba ku amaanaan.

Ayshica(Cakaaranews) Sabti 3da June 2017. Waxaa lasoo gabagabeeyay ololihii qaliink iyo daawaynta indhaha oo ay Bulshada Kunool  Degmada ayshica iyo nawaaxigeeda Ee Gobolkani siti  Kafaaiidaysanayeen adeegani qalniinka oo ay Bogaadiyeen Adeegani Kaasoo Juhdi Badan Ay Ku Bixisay Xukuumada Deegaanka sidii bulshada deegaanku u heli lahaayeen adeegan qaliinka iyo daawaynta indhaha ayaa Waxaa lasoo gabagebeeyay ololihii qalitaanka indhaha iyo daawaynta ee degmada ayshici iyo nawaaxigeeda ee  gobolka siti iyadoo maalmihii udanbeeyayba kasocday  adeegan bulshada loogu soo celinayo aragooda indhaha.

Hadaba mid kamida hawlwadeenada adeegani ayaa sheegay in uu adeegani Bilaashka ah ee qaliinka iyo daawaynta indhaha lasoo gabagabeeyay  islamarkaana loo adeegay bulsha dhan  487 qof oo isugu jira 400 oo qof oo laga daaweeyay indhaha iyo 87 qof oo lagu sameeyay qaliin indhaha ah, Geesta kalena ay sidii loogu talagalay usoo gabagabeeyeen ololahan qaliinka iyo daawaynta indhaha. Uganasii gudbi doonaan degmada dhambal ee isla gobolka siti.

Ugudanbayna waxaa dhankooda ka hadlay qaar kamid bulshada aragooda dib uhelay ee ku dhaqan degmada ayshica iyo naawaaxigeeda oo u waramay warbaahinta deegaanka ayaa sheegay inay aad oogu faraxsanyihiin qalitaankan iyo daawaynta indhaha loo sameeyay islamarkaana bogaadiyay howshan caafimaad ee ay bulshadu dib oogu helayaan aragooda indho. Waxayna aad oogu mahad celiyeen xukuumada DDSI oo runtii dadaal dheer ugashay siday bulshada deegaanku uheli lahaayeen aragooda indhaha.

Dhambal(Cakaaranews) Axad 4ta June 2017.  Waxaa si rasmi ah ooga furmay Xarunta Caafimaadka Ee Dagmada Dhambal ee gobolka siti ololihii Daawayntii Iyo Qaliinkii Indhaha bilaashka ahaa Oo Ay Kafaa,iidaysanayaan shacabka Degmada Dhambal iyo nawaaxigeeda ee gobolka siti.

Hadaba mid kamida hawlwadeenada adeegani ayaa sheegay in uu adeegani Bilaashka ah ee qaliinka iyo daawaynta indhaha ee caafimaadka DDSI uu ka bilaabmay degmada dhambal  islamarkaana loo adeegay bulsha  240 qof oo isugu jira 200 oo qof oo ladaweeyay iyo 40 qof oo lagu sameeyay qalniin, Iyadoo sidii loogu talagalay ilaa wakhti xaadirkani ay hawshu u socota islamarkaana uu maalmahan kasii socondoono isla degmadaas dhambal ee gobolka siti, Waxayna kooxdan qaliinka iyo daawaynta indhaha bilaashka ah  oogasii gudbi doona qaar kamid ah degmooyinka gobolka siti ayna ka fulin doonaan adeegan qaliinka iyo daawaynta indhaha bilaashka ah.

Ugudanbayna waxaa dhankooda ka hadlay qaar kamid bulshada aragooda dib uhelay ee ku dhaqan degmada Dhambal iyo naawaaxigeeda oo u waramay warbaahinta deegaanka oo sheegay inay aad oogu faraxsanyihiin qalitaankan iyo daawaynta indhaha loo sameeyay islamarkaana bogaadiyay howshan caafimaad ee ay bulshadu dib oogu helayaan aragooda indho. Waxayna aad oogu mahad celiyeen xukuumada DDSI oo runtii dadaal dheer ugashay siday bulshada deegaanku uheli lahaayeen aragooda indhaha. Sikastaba ha ahaatee adeegan qaliinka iyo daawaynta indhaha bilaashka ah ayaa ah mid xukuumada deegaanku gaar u ah islamarkaana la rabo in dhamaan laga hirgaliyo degmooyinka deegaanka iyadoo inta badan laga fuliyay deegaanka inta dhiman laga fulin doono.

Jigjiga(Cakaaranews) Axad 4ta June 2017. Waxaa dhamaan dalkeena itoobiya  kusoo gabagaboobmay intixaankii heer qaran ee fasalada 10aad  oo sedexdii maalmood ee udanbaysay kasocdey guud ahaan dalka.

Hadaba wasiirka Xafiiska Waxabarashada DDSI mudane Ibraahim Aadan Mahad oo u waramay warbaahinta deegaanka ayaa sheegay in imtixaankii heer qaran ee fasalka 10aad  uu si quruxbadan kusoo gabagaboobmay guud ahaan dalka gaar ahaan deegaankeena . Wuxuuna wasiirku intaa kudaray in sanadan 2009TI ay imtixaanka fasalka 10aad ufadhiisteen in kabadan 15,000 oo ardayda deegaanka ah islamarkaana uu imtixaanka  fasalada 10aad ee deegaanku uu ka qabsoomay  151 goobood oo deegaanka ah si fiican ugusoo gabagaboobmay.

Sidoo kale wuxuu wasiirku xusay in imtixaankii heer qaran ee fasalka 8aad loo qaaday dhamaan goobihii uu ka qabsoomi lahaa ee deegaanka islamarkaana ay imtixaanka heer qaran ee fasalka  8aad ee deegaanka u fadhiisan doonaan in kabadan 27,000 oo aradayda deegaanka ah.

Jigjiga(Cakaaranews) Axad 4ta June 2017. Waxaa xarunta deegaanka ee magaalada jigjiga kaqabsoomay kulankii caadiga ahaa ee gudiga fulinta XDSHSI oo mudo sadex bari ah usocday.

Hadaba kulankan oo lagaga wada hadlayay sii adkaynta dhinacyada horumarka, Nabadgalyada iyo nidaamka maamulka suuban ee kahanaqaaday deegaanka ayaa waxaa sidoo kale diirada lagu saarayay qorshaha sanadka cusub ee 2010TI iyadoo xooga lasaarayo baahiyaha bulshada ee gaar ahaan dhanka biyaha oo qorshe ahaan loo qaatay in 1 ilaa 3 ay noqdaan biyo si baahida bulshada ee dhanka biyaha guud ahaanba loo daboolo iyo waliba dhinacyada Jidadka, Caafimaadka, Waxbarashada iyo Beeraha.

Waxaa kale oo uu gudigu kulankiisan caadiga ah kaga wada hadlay Sidii xoolo loogu gadi lahaa dadkii danyarta ahaa ee ay abaartu saamaysay xoolahooda iyo sidii looga gaashaaman lahaa hada kadib abaarta ay keentay isbadalka cimilada aduunka ee soo noq-noqonaysa iyo waliba sidii nolosha bulshada xoolo-dhaqatada ah looga dhigi lahaa mid dagan oo xoolo-dhaqato beeralay ah iyadoo ladoonayo in xoolaha loo dhaqdo nidaamka casriga ah ee cad iyo caanaba kordhinaya iyo sidii ay bulshada deegaanku unoqon lahayd mid kafaaiidaysata waxsoosaarka dhulka dihin ee deegaankeena.

Dhanka kale gudiga fulinta ee XDSHSI ayaa isku-badal kusameeyay qaar kamid ah mas'uuliyiinta xafiisyada heer deegaan iyadoo ay xafiisyada kale sidoodii yihiin. Waxaana loo dhigay sidan:

1. Marwo Maajida Maxamed Maxamuud oo ahayd wasiirka xafiiska adeega shacabka iyo horumarinta cududa shaqaalaha ee DDSI waxaa loo badalay  DDSI wasiirka xafiiska horumarinta xoolaha iyo reer guuraaga DDSI.

.2  Mudane Axmed Maxamed Koore oo ahaa wasiirka xafiiska shaqaalaha iyo arrimaha bulshada ee DDSI waxaa loo badalay wasiirka xafiiska adeega shacabka iyo horumarinta cududa shaqaalaha ee DDSI.

3. marwo Faadumo Cabdulaahi Takhal oo ahyad wasiirka Xafiiska horumarinta xoolaha iyo reer guuraaga DDSI, Waxaa loo badalay meel kale.

Normal 0 false false false EN-US X-NONE X-NONE MicrosoftInternetExplorer4

/* Style Definitions */ table.MsoNormalTable {mso-style-name:"Table Normal"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-priority:99; mso-style-qformat:yes; mso-style-parent:""; mso-padding-alt:0in 5.4pt 0in 5.4pt; mso-para-margin-top:0in; mso-para-margin-right:0in; mso-para-margin-bottom:10.0pt; mso-para-margin-left:0in; line-height:115%; mso-pagination:widow-orphan; font-size:11.0pt; font-family:"Calibri","sans-serif"; mso-ascii-font-family:Calibri; mso-ascii-theme-font:minor-latin; mso-fareast-font-family:"Times New Roman"; mso-fareast-theme-font:minor-fareast; mso-hansi-font-family:Calibri; mso-hansi-theme-font:minor-latin; mso-bidi-font-family:"Times New Roman"; mso-bidi-theme-font:minor-bidi;}

Ugudanbayna, kulankan ayaa kusoo gabagaboobey jawi wanaagsan iyo sidii loo sii xoojin lahaa shaqooyinka horumarineed, kuwa nabadgalyo iyo nidaamka maamulka suuban ee ku astaysan qorshayaasha sanadka cusub ee 2010TI uu XDSHSI dhigtay.