Jigjiga(cakaaranews), jumce, 30ka, June , 2017 Madaxwaynaha DDSI mudane Cabdi Maxamuud Cumar oo uu wehelinayo wasiirka xafiiska madaxtooyada DDSI mdane Cabdimahad Maxamed Cabaase ayaa kulan wadatashiya oo ay ka soo  qaybgaleen  masuuliyiinta xafiiska horumarinta khayraadka biyaha DDSI, masuuliyiinta wakaalada biyaha ee mm jigjiga iyo qaybaha kala duwan ee bulshada ku dhaqan xaafadaha caasimada jigjiga kula yeeshay hoolka shirarka ee qaryaan dhoodaan.

Kulankaasi oo ay ujeedadiisu ahayd sidii xalwaara looga gaadhilahaa biyo galinta maamulka magaalada jigjiga ayaa waxaa ugu horayntii ka hadlay madaxwaynaha DDSI mduane Cabdi Maxamuud Cumar oo sheegay in xukuumada DDSI dadaal xoogan ugu jirto sidii kor loogu sii qaadilahaa bilicda iyo tayada adeeg bixinta  caasimada DDSI ee jigjiga madaxwaynaha ayaa sheegay qorshe xalwaara lagaga gaadhayo  dhinaca biyo galinta magaalada jigjiga islamarkaana guri ilaa guri loogu galinayo qasabadaha biyaha kaasi oo mudo kooban lagu oo gabagabaynayo. Madaxwaynaha DDSI ayaa  qaybaha kala duwan ee bulshada  ku booriyay in ay soo bandhigaan  meelaha ay golda-looladu ka jirto ee dhinaca biyo galinta maamulka magaalada jigjiga kana qaataan fikirkooda qorshahan  si loo buuxiyo meelaha ay gol-dalooladu ka jirto.

Dhankooda qaybaha kala duwan ee bulshada ku dhaqan xaafadaha maamulka magaalada jigjga ayaa soo soo dhaweeyay dadaalka xukuumada DDSI ee ku salaysan kor u qaaditaanka bilicda iyo tayada  adeegyada magaalada jigjiga waxayna talooyin iyo fikiro muhiim ah ka dhiibteen qorshaha xal waara lagaga gaadhayo biyo galinta caasimada DDSI.

Gabagabadii kulankan waxaa laysla qaatay meelmarinta qorshaha biyo galinta maamulka magaalada jigjiga iyada oo gudi ka kooban xafiiska horumarinta khayraadka biyaha DDSI iyo wakaalada biyaha maamulka magaalada jigjiga loo xil saaray fulinta iyo hirgalinta qorshahan xal waara lagaga gaadhayo biyo galinta maamulka magaalada jigjiga.

Garbo(cakaaranews)Sabti 1da July 2017. Waxaa si rasmi ah uga furmay degmada Garbo  Ciyaarihii kubada cagta ee dhamaan degmooyinka Gobolka nogob taaso ay furitaankeedii kasooqaybgaleen masuuliyiinta ugu saraysa gobolka nogob oo uu ugu horeeyo Gudoomiyaha Gobolka Nogob mudane  Axmed Aadan Axmed iyo mas'uuliyiin kale.

Hadaba, Gudoomiyaha Gobolka Nogob mudane Axmed Aadan Axmed oo u waramay shabakada wararka ee cakaaranews ayaa sheegay in si rasmi ah ay u bilawdeen ciyaarihii kubada cagta ee dhamaan kooxaha kubada cagta ee degmooyinka gobolka Nogob islamarkaana  ay maanta wada ciyaareen kooxda kubada cagta ee degmada Garbo iyo degmada Sagag iyadoo ciyaartana ay guushu  ku raacday degmada Garbo oo kubadisay 1-0. wuxuuna gudoomiyuhu xusay in maalinkii shalay ahayd lagu furay ciyaarta kooxda kubada cagta ee kasocotay degmada ceelwayne ee xarunta gobolka Nogob iyo Degmada xaraareey. Halkaasoo guushu kuraacday degmada ceelwayne oo kubadisay 4-0. Sidookale  galinkii hore ee maanta ayaa waxaa iyana wada ciyaaray degmada Dhuxun iyo  Degmada cayuun halakaas oo ay guushu kuraacday degmada Dhuxun, kunabadisay 2-0.

dhanka kale, Gudoomiyaha ayaa xusay in ciyaaruhu ay u socdaan si quruxbadan oo nabad iyo isjacayli kudheehantahay.

Sikastaba ha ahaatee, ciyaarahan oo ah mid koob lagu kalaqaado, sanadwalbana looqabto kooxaha kubada cagta ee degmooyinka gobolka ayaa lafilayaa inay bari wada ciyaaraan 2da kooxood ee kala ah degmada cayuun iyo xaraarey.

Jigjiga,(cakaaranews),sabti,  1da, July, 2017. Munaasabad  si meeqaam sare ah loo soo agaasimay oo ay ku qalinjabiyeen dufcadii 9aad ee ka qalinjabisa jaamacada jigjiga  ayaa  maanta si heer sare ah uga qabsoomtay hoolka wayn ee jaamacada Jigjiga.

Munaasibadan qalinjabinta dufcadii 9aad ee ardayda jaamacada Jigjiga ayaa waxaa ka soo qayb galay masuuliyiinta ugu saraysa xukuumada DDSI oo uu ugu horeeyo  madaxwaynaha DDSI mudane mudane Cabdi Maxamuud Cumar, masuuliyiinta ugu saraysa jaamacada Jigjiga  oo uu  ugu horeeyo madaxwaynaha jaamacada jigjiga mudane Dr cabdicasiis ibraahin,  hogaaminta odayaal dhaqameedka DDSI waalidiinta ardayda qalinjabinaysa, kooxaha fanka iyo sugaanta ee deegaanka iyo dalka iyo marti sharaf kale.

Waxaana munaasabadan ugu horayntii ka hadlay madaxwaynaha DDSI mudane Cabdi Maxamuud Cumar oo ugu horayn u hambalyeeyay ardaydan qalinjabisay maanta islamarkaana u mahad celiyay dadaalka ay wado jaamacada jigjiga madaxwaynaha ayaa sheegay in isbadalka horumarineed ee ka jira dalkeena itoobiya ay suurta galiyeen aqoon yahanada kala duwan ee ka soo qalinjabiyay jaamacadaha kala duwan ee dalka madaxwaynaha DDSI ayaa ku booriyay in ka midho dhaliyaan aqoonta ay sanadaha baray baranayeen. Wuxuuna madaxwaynaha DDSI sigaar ah ugu mahad naqay shaqalaha dawlada ee iyaga oo waajibaadkoodii shaqo gudanaya   maanta qalinjabinay

Dhankiisa madaxwaynaha jaamacada jigjiga Dr cabdicasiis ibraahin oo ka hadlay munaasabadan ayaa bogaadinta iyo hambalyada uu u jeedayay ardaydan ka dib ka warbixiyay dadaalada iskaashi ee ay dawlada jfdi iyo dawlada deegaanku ugu jiraan kor u qaaditaanka tayada waxbarashada dalka gaar ahaan deegaanka somalida itoobiya  si loo soo saaro cudud aqoon yahan oo ku gaashaaman aqoon iyo xirfado ay ugu adeeegaan shacabkooda isaga oo tilmaamay in ay maalinba maalinta ka danbaysa kor u sii kacayso heerka aqooneed ee ay jaamacada jigjiga bixiso  madaxwaynaha jaamacada ayaa sidoo kale sheegay in ay jaamacadu dadaal balaadhan ugu jirto sidii ay kaalin wayn uga qaatan lahayd wax ka qabashada dadaalada lagu horumarinayo bulshada dawlada deegaanka somalida itoobiya.

Ardaydan maanta qalinjabisay oo ay tiradoodu dhan tahay 4,738 arday isugu ,heerka  koowaad  degree iyo heerka 1aad masterta  ayaa, isugu jira ah ardayda  joogtada ah iyo ardayda aan ku xeraysnay jaamacada . waxaana xusid mudan in dufcadan maanta qalijnabisay tahay dufcadii ugu badnayd ee tan iyo intii la aas aasay  jaamacada jigjiga

Gabagabadii munaasabadan qalinjabinta waxaa abaalmarino la gudoonsiiyay ardaydii gashay kaalmaha hore dhinaca dhibcaha.

Jigjiga(Cakaaranews) Sabti 1da July 2017. Mas’uuliyiinta ugu saraysa Xukuumada DDSI oo ugu horeeyo madaxwaynaha DDSI mudane Cabdi Maxamuud Cumar iyo golaha kaabineega DDSI ayaa hadhima sharafeed usameeyay waftigii balaadhnaa ee uu hogaaminayay madaxwaynaha dawlad goboleedka jubaland mudane Axmed Maxamed Islaan .

Hadaba waftigan balaadhan ee uu hogaaminayo madaxwaynaha dawlad goboleedka jubaland mudane Axmed Maxamed Islaan ayaa bogaadin iyo mahadnaq usoo jeediyay sida quruxda badan ee ay mas’uuliyiinta xukuumada ugu saraysa oo uu ugu horeeyo madaxwaynaha DDSI mudane Cabdi Maxamuud Cumar iyo golaha kaabineega usoo dhaweeyeen laga bilaabo soo dhawayntii garoonka ee shalay ilaa hadhima sharafeeda maanta.

Jigjiga(cakaaranews)Axad, 2da, July 2017. Tababar uu soo agaasimay xafiiska waxbarashada DDSI islamarkaana ay kasooqaybgaleen xubno kasocday 33 degmo oo isugujira macalimiin iyo arday kuwaasoo lagu barayay casharo laxidhiidha kahortagida cudurka HIV-AIDS, ilaalinta nadaafada, iyo barnaamijka caafimaadka iyo nafaqaynta dugsiyada ayaa lagu soo gabagabeeyay hoolka shirarka ee isla xafiiska waxbarashada DDSI.

Hadaba, tababarkan ayaa waxaa xidhitaankiisii ugu horayn kahadalay Wasiir Kuxigeenka Xafiiska Waxbarashada DDSI mudane Maxamuud Axmed Nuur (Heeryo) oo sheegay in tababarkani uu kakoobanayahay 2 tababar oo kaqaybgalayaasha lagu barayay casharo kaladuwan oo ay kamid yihiin barnaamijka caafimaadka iyo nafaqyanta dugsiyada,  ilaalinta nadaafada, kahortaga cudurka HIV-AIDS iyo waliba kohortagida guurka degdega ah islamarakaana ay kasooqaybgaleen 33 degmo kuwaasoo isugujira maaamulayaasha dugsiyada, xubno kamid ah ardayda dugsiyada iyo xubnaha  HIV-CLUBS ka.

Wuxuuna intaa kudaray in 25 dugsi oo ah dugsiyada quudinta leh oo kasooqaybgashay tababarkan loo qaybiyay qalab loogu talagalay wacyigalinta ardayda iyo waalidiinta kaasoo lagu magacaabo (Mini-Media) oo ah qalab muhiim ah oo wata microphonadii iyo sameecadihii codka, islamarkaana lagaga wacyigaliyo ardayda caadooyinka iyo dhaqamada xunxun.

Wasiir-kuxigeenka oo hadalkiisa sii wata ayaa kuladaradaamay dhamaan kaqaybgalayaasha 33 degmo in casharadii ay barteen sii gaadhsiiyaan bulshadii iyo goobihii ay kayimaadeen kana dhaqangaliyaan casharada ay barteen.

Dhanka kale, madax kooxeedka Horumarinta Dugsiyada ee Xafiiska Waxbarashada DDSI mudane Maxamed Yuusuf oo isna kahadalay tababarkan ayaa sheegay in tababarkani yahay mid iskudhaf ah islamarkaana kaqaybgalayaasha lagu barayay casharo muhiim ah oo laxidhiidha barnaamijka caafimaadka iyo nafaqaynta dugsiyada iyo waliba kahortagida caadooyinka/dhaqamada xunxun sida guurka degdega ah. Wuxuuna timaamay in qalabkan looqaybiyay dugsiyada quudinta leh ay ilaashadaan qalabkan sifiicana loogu qabto adeegii loogu talagalay.

Ugudanbayna, dhankooda kaqaybgalayaashii kasooqaybgalay tababarkan oo dareenkooda kahadalay ayaa sheegay in ay aad ugu faraxsanayihiin tababarkan islamarkaana cilmigii ay barteen ay kadhaqangalinayaan goobihii ay kayimaadeen qalabkan lasiiyayna ay ilaashanayaan.

Jigjiga(cakaaranews)Axad 2da, July 2017. Xuska sanadguurada 11aad ee 7aadka adeeg-bixinta ayaa maanta si meeqaam sare leh looga xusay xarunta deegaanka ee magaalada jigjiga iyadoo munsaasabadana uu soo agaasimay xafiiska adeega shacabka iyo horumarinta cududa shaqaalaha DDSI islamarkaana ay kasooqaybgaleen masuuliyiinta golaha kabinetka deegaanka, agaasimayasha xafiisyada deegaanka iyo marti sharafkale.

Hadaba, munaasabadan ayaa waxaa khudbad muhiim ah kasoojeediyay Wasiirka Xafiiska Adeega Shacabka iyo Horumarinta Cududa Shaqaalaha DDSI mudane Axmed Maxamed Koore oo uguhorayn kahadlay marxaladihii kaladuwanaa ee uu soomaray deegaanku gaar ahaan dhanka cududa shaqaalaha deegaanka. wuxuun xusay wasiirku in cududa shaqaalaha ee deegaanku ay door muhiim ah kulee yihiin horumarka balaadhan ee deegaanka kahirgalaiy iyadoo sidookale ay doormuhiim ah kaqateen hirgalinta siyaasadaha shaqada iyo shaqalaha intaba. Wasiirka ayaa tilmaamay in laga bilaabo maanta ay lagama maarmaan tahay in cududa shaqaalaha deegaanku ay sii adkeeyaan adeegbixinta loohayo bulshada si loo xaqiijiyo kamidho dhalinta qorshayaasha u yaala deegaanka ee uu ugu horeeyo qorshaha kobaca iyo isbadalka dhaqaalaha wajigiisa 2aad si deegaanku uga mid noqdo wadamada dhaqaalahoodu dhexdhexaadka yahay.

Sidookale,Wasiir-kuxigeenka Xafiiska Maamulka DDSI mudane Cabdiwali Xaaji Maxamed Dalmar oo isna kahadlay munaasabadan ayaa sheegay in  cududa shaqaalaha deegaanku ay manta taagantahay meeshii ugu fiicnid islamarkaana fursad wayn ay u tahay shaqaalaha deeganka maadaama uu deegaanku hada kahor laha shaqaale noocan ah laakiin aan adeg hufan bulshada siinin islamarkaana ay hortaagnaayeen nabadgalyo xumo sida ururadii gabalkoodu dhacay ee UBB iyo Al-Itaxaad.

Sikastaba ha ahaatee, munaasabadan xuska 7aadka adeeg-bixinta oo ah mid heer qaran ah dhamaana laga xusay deegaanada dalka ayaa waxa halkudhag looga dhigay ''adeega shacabka oo anshax leh ayaan kuxaqiijinaynaa dib-ucurashadeena''.

Qabridahar (Cakaaranews)Axad 2da July 2017. Wasiirka xafiiska waxbarashada DDSI mudane Ibraahim Aadan Mahad oo uu wehelinayo gudoomiyaha gobolka qoraxey mudane Yuusuf Aadan Yuusuf iyo madaxwynaha Jaamacada Qabridahar mudane Dr Yuusuf ayaa kormeer shaqo ku tagay jaamacada qabridahar  oo dhismaheedii gabagabo marayo.

Hadaba Wasiirka xafiiska waxbarashada DDSI mudane Ibraahim Aadan Mahad ayaa sheegay inuu dhismihii jaamacada qaridahar uu gabagabo marayo islamarkaana ay sanadan kusoo xaroonayaan ardaydii dalka ee hashay jaamacadaha dalka kuwaasoo ka kala iman doona dhamaan deegaanada dalka, Wuxuuna wasiirku intaa ku daray inay diyaar yihiin goobihii waxbarasho ee loogu talagalay inay wax ku bartaan dhamaan ardayda ay qaabisho jaamacadu.  

Jigjiga,(cakaaranews),Axad, 2da July, 2017. Waxaa maanta xadhiga laga jaray dhismaha cusub ee madbacada daabacaada soomali print press oo uu dhismaheeda  hirgaliyay muwaadin u dhashay DDSI.

Waxaana xafladii xadhig ka jarka ka soo qaybgalay masuuliyiin sare oo ay ka mid yihiin madaxwayne ku xigeenka DDSI ahna wasiirka horumarinta magaalooyinka dhismaha iyo warshadaha DDSI mudane Cabdixakiin Cigaal Cumar, ku simaha maayirka maamulka magaalada jigjiga ahna maareeyaha maamulka magaalada jigjiga mudane Fadxi Shugri iyo marta sharaf kale.

Waxaana madbacadan siwada jir ah xadhiga uga jaray  madaxwayne ku xigeenka DDSI ahna wasiirka horumarinta magaalooyinka dhismaha iyo warshadaha DDSI mudane cabdixakiin cigaal cumar iyo ku simaha maayirka MM jigjiga  ahna maareeyaha MM jigjiga mudane fadxi shugri . kuwaasi oo xadhig ka jarkii ka dib soo kormeen  qaybaha kala duwan ee dhismaha madbacadan cusub  iyo noocyada ay daabacayso.

Waxaana intaasi ka dib la hadlay warbaahinta deegaanka ku simaha maayirka maamulka magaalada jigjiga ahna maareeyaha magaalada jigjiga mudane fadxi  shugri oo sheegay in caasimada DDSI ee jigjiga ay maalinba maalinta ka danbaysa si xawliya u koraysa bilicda iyo maalgashiga muga leh ee ay ka hirgalinayaa magaalada muwaadiniinta u dhashay DDSI ka dib markii ay xukuumada DDSI dajisay istaraatajiyada iyo qorshayaal cilmiyaysan oo muwaadiniinta u fududaynaya in ay ku dhibyar ku maalgashadaan deegaanka gaar ahaan caasimada Jigjiga , masuulka ayaa intaasi ku daray ahmiyada ay leedahay u leedahay adeegyada jijiga madbacadan maanta xadhiga laga jaray islamarkaana u mahad naqay mulkiilaha hirgaliyay dhismahan madbacadan cusub.

dhankiisa maareeyaha guud ee madbacada Somali print press mudane Tewodros Addisu ayaa ka warbixiyay jaran jarooyinkii uu soo maray hirgalinta dhismahan cusub iyo  qalabka lagu furay madbacadan isaga oo sheegay in ay dhismaha ku baxday 8 millyan oo bir halka ay qalabka madbacada daabacaadana ku baxday 7 millyan oo bir taasi oo ay isku gayntaynteeda ku baxday aduun lacageed oo dhan 15 millyan oo bir islamarkaana shaqo abuur u samaysay muwaadiniin dhan 70 qof  wuxuuna sheegay maareeyuhu in ay madbacadan leedahay daabacaad casriya oo ay ka mid yihiin noocyad kala duwan ee buugaagta, funaanadaha, soo saarida warqadaha noocyadooda kala duwan iyo dhamaan waxa looga baahan yahay oo dhan daabacadaha taasi oo siwayn u daboolaysa baahidii dhinaca daabacaada ee wakhtiyada qaar loo tagijiray meelka baxsan caasimada DDSI ee jigjiga wuxuuna ugu danbayntii u mahad celiyay maareeyuhu xukuumada DDSI oo uu sheegay in ay tahay ta u suurta galisay hirgalinta dhismaha madbacada daabacaada somali print press.

Jinacsani(Cakaaranews) Axad, 7da May 2017. Madaxwaynaha DDSI mudane Cabdi Maxamuud Cumar iyo wafti balaadhan oo uu hogaaminayo ayaa gaadhay magaalada jinacsani ee deegaanka oromiya. Ujeedada socdaalka waftigan uu hogaaminayo madaxwaynaha DDSI ayaa qayb ka ahayd sidii loo dhaadhicinlahaa hirgalinta heshiiska hore looga gaadhay khilaafkii xuduuda u dhaxaysa labada shacab ee dawlada deegaanka somaalida iyo dawlad deegaanka oromiya

Hadaba  waftigan uu hogaaminayo madaxwaynaha DDSI ayaa kulan balaadhan la qaateen mas’uuliyiin ka socotay deegaanka oromiya oo uu hogaaminayo hogaanka nabadgalyada deegaanka oromiya mudane Dambalash iyo qaybaha kala duwan ee bulshada ku dhaqan magaalada jinacsani iyo nawaaxigeeda. Waxaana ugu horayntii kulankaasi ka hadlay madaxwaynaha DDSI mudane Cabdi Maxamuud Cumar oo sheegay in ujeedada kulankani yahay sidii looga hirgalinlahaa qaybaha kala duwan ee bulshada fahan buuxana looga siinlahaa adkaynta heshiiskii ay dhawaan gaadheen labada dawlad deegaan. Wuxuuna madaxwaynaha DDSI  tilmaamay in labada shacab ay yihiin kuwo walaalo ah oo aan marnaba kala maarmikarin sidaasi darteena tahay in la sii xoojiyo nabad kuwada nool laanshaha labada shacab 

Dhankiisa waxaa ka hadlay kulankaasi hogaanka nabadgalyada ee deegaanka oromiya oo wakiil ka ah madaxwaynaha deegaanka oromiya kaas oo sheegay in ay maanta tahay maalin taariikhiya oo la hirgaliyay dhaadhicinta heshiiskii ay gaadheen labada deegaan shacabka labada deegaana yahay kuwo walaalo ah islamarkaana loo baahanyahay in si walaaltinmo ah loo wada noo laado lana xoojiyo heshiiskii nabadeed ee dhexmaray labada deegaan.

Sidoo kale  Qaybaha kala duwan ee bulshada ku dhaqan magaalada jinacsani iyo nawaaxigeeda ayaa iyana si diiran u soo dhaweeyay masuuliyiintan maanta soo gaadhay iyo heshiiska ay gaadheen labada deegaan waxayna balan qaadeen in ay sidii loogu talagalay u hirgalinayaan heshiiska dhaxalgalka ah.

Jigjiga(cakaaranews)Isniin 8da May 2017. Tababar ay si wada jir ah usoo agaasimeen Wasaarada waxbarashada JDFI iyo xafiiska waxbarashada DDSI geedisocodkiisa shati-bixinta iyo dib u cusboonaysiinta xirfada barayaasha islamarkaana ujeedadiisu tahay fahanka habraacyada nidaamka shatibixinta, nidaamka loomiisaamo natiijada imtaxaanka, loona qabtay dhamaan shaqaalaha xafiiska waxbarashada DDSI ayaa kaqabsoomay hoolka shirarka ee isla xafiiska.

Hadaba, tababarkan ayaa waxaa ugu horayn furay Wasiirka Xafiiska Waxbarashada DDSI mudane Ibraahim Aadan Mahad oo sheegay in tababarkani yahay mid larabo in fahan buuxa laga siiyo dhamaan shaqaalaha nidaamyada iyo habraacyada shati bixinta kadib marka lamiisaamayo natijada imtaxaanka ee laga qaado macalimiinta, maamulayaasha, iyo waliba kormeerayasha ka hawlgala dugsiyada deegaanka. Wuxuuna intaa kudaray in casharada ay bixinayaan khabiiro ka socda wasaarada waxbarashada JDFI. Wasiirka oo hadalkiisa sii wata ayaa dhamaan shaqaalaha kula dadaarmay in tababarkan gaaban ay shaqaalauhu si fiican uga faaiidaystaan casharada.

Dhanka kale, Gadhwadeenka Geedisocodka Shatibixinta iyo Dib U cusboonaysiinta  Xirfada Barayaasha iyo Hogaaminta Waxbarashada mudane Mukhtaar Ibraahim Muxumed oo isna tababarkan kahadlay aya sheegay in tababarkan lagu qaadanayo casharo muhiim u ah dhamaan shaqaalaha. Wuxuna xusay in larabo in fahan buuxa aan kawada qaadano heerarka darajooyinka laga qiimeeyo barayaasha, maamulayaasha, iyo kormeerayaasha iyo waliba nidaamka kaydinta galka waxqabadka shaqsi ee looyaqaano (Portfolio)

Iskusoowada duuboo tababakan oo ahaa mid ay udhanaayeen shaqaalaha xafiiska waxbrashadu ayaa lafilayaa in soogabagaboobo bari hadu Allah yidhaahdo..

Baabili(Cakaaranews) Isniin, 8da May 2017. Madaxwaynaha DDSI mudane Cabdi Maxamuud Cumar iyo wafti balaadhan oo uu hogaaminayo ayaa gaadhay magaalada baabili ee deegaanka oromiya. Ujeedada socdaalka waftigan uu hogaaminayo madaxwaynaha DDSI ayaa qayb ka ahayd sidii loo dhaadhicinlahaa hirgalinta heshiiska hore looga gaadhay khilaafkii xuduuda u dhaxaysa labada shacab ee dawlada deegaanka somaalida iyo dawlad deegaanka oromiya

Hadaba wwaftigan uu hogaaminayo madaxwaynaha DDSI ayaa kulan balaadhan la qaateen mas’uuliyiin ka socotay deegaanka oromiya oo uu hogaaminayo hogaanka nabadgalyada deegaanka oromiya Dambalaash iyo qaybaha kala duwan ee bulshada ku dhaqan magaalada baabili iyo nawaaxigeeda. Waxaana ugu horayntii kulankaasi ka hadlay madaxwaynaha DDSI mudane Cabdi Maxamuud Cumar oo sheegay in ujeedada kulankani yahay sidii looga hirgalinlahaa qaybaha kala duwan ee bulshadana fahan buuxa looga siinlahaa adkaynta heshiiskii ay dhawaan gaadheen labada dawlad deegaan. Wuxuuna madaxwaynaha DDSI  tilmaamay in labada shacab ay yihiin kuwo walaalo ah oo aan marnaba kala maarmikarin sidaasi darteedna tahay in la sii xoojiyo nabad kuwada nool laanshaha labada shacab 

Dhankiisa waxaa ka hadlay kulankaasi hogaanka nabadgalyada ee deegaanka oromiya oo wakiil ka ah madaxwaynaha deegaanka oromiya mudane Dambalash kaas oo sheegay in ay maanta tahay maalin taariikhiya oo la hirgaliyay dhaadhicinta heshiiskii ay gaadheen labada deegaan shacabka labada deegaana yahay kuwo walaalo ah islamarkaana loo baahanyahay in si walaaltinmo ah loo wada noolaado lana xoojiyo heshiiskii nabadeed ee dhexmaray labada deegaan.

Sidoo kale  Qaybaha kala duwan ee bulshada ku dhaqan magaalada baabili iyo nawaaxigeeda ayaa iyana si diiran u soo dhaweeyay masuuliyiintan maanta soo gaadhay iyo heshiiska ay gaadheen labada deegaan waxayna balan qaadeen in ay sidii loogu talagalay u hirgalinayaan heshiiska dhaxalgalka ah ee dhexmaray labada deegaan.

Jigjiga(Cakaaranews) Talaado 9ka May 2017. Waxaa maanta si qurux badan uga furmay madasha shirarka kaali ee xarunta madaxtooyada DDSI shirwaynihii 8aad ee wadatashiga iyo xog-iswaydaarsiga shacabwaynaha iyo xukuumada DDSI kaasi oo ah shir sanadii labajeer ka qabsooma deegaanka.

Hadaba Shirkan oo ay kasoo qaybgaleen mas'uuliyiinta ugu saraysa xukuumada DDSI oo uu ka mid yahay madaxwaynaha DDSI mudane Cabdi Maxamuud Cumar, golaha wasiirada DDSI , hagoomintii hore ee deegaanka soo maray oo ay ugu horeeyay madaxwaynayaashii hore ee deegaanka, odayaal dhaqameedka deegaanka, ergooyink ka badan 2,500 oo qof oo ka kala socda dhamaan gobolada DDSI, Maamul magaalooyinka iyo degmooyinka kuwaasi oo isugu jira odayaasha , haweenka, dhalinyarada iyo marti sharaf kale .

Waxaana Shirwaynahan wadatashiga iyo xog-iswaydaarsiga xukuumada iyo shacabka DDSI ugu horayn si rasmiya saaka u furay  madaxwaynaha DDSI mudane Cabdi Maxamuud Cumar oo ugu horayntii ugu mahad naqay ergooyinkan ka soo qaybgalay shirkan, Wuxuuna madaxwaynhu soo bandhigay ujeedooyinka iyo qodobada lagaga tashanayo shirkan oo uu sheegay in tahay sidii looga samata bixilahaa loogana gaashaaman lahaa xaaladaha abaarta iyo saboolnimada, sidii loo gaadhilahaa isku filnaansho qof ahaan qoys ahaan iyo deegaan ahaanba iyda oo laga waayo aragnimo qaadanayo xaaladaha abaarta ee saamaynta xooga leh u gaystay qaarka mid ah degmooyinka DDSI.

Sidoo kale madaxwaynaha DDSI mudane Cabdi Maxamuud Cumar ayaa xusay inuu kulankan  yahay sidii siwada jir ah loo gorfayn lahaa jihooyinka, istaraatajiyadaha iyo qorshayaasha horumarineed ee DDSI ee 7dii sanadood ee ugu danbaysay islamarkaana  la tashiga iyo ka qaybgalinta bulshada hawlaha horumarka, nabadgalyada iyo maamulka suuban, ay yihiin kuwo si toos ah u la halmaala xuquuqaha dimuqoraadiyadeed ee sida cad loogu qeexay dastuurka dalka, ta deegaanka iyo waliba barnaamijyada siyaasadeed ee XDSHSI iyo in shacabka la tuso in ay yihiin mulkiilayaasha, hirgaliyayaasha, ka faa’iidaystayaasha hawlaha horumarka nabadgalyada iyo maamulka suuban. Isagoo cadeeyay  in xooga la saaro wax soo saarka beeraha.

Wuxuuna Madaxwaynahu  si qoto dheer uga warbixiyay soonyaalkii taariikheed ee uu soo maray deegaanku gaar ahaan dhinacyada nabadgalyada oo uu ka warbixiyay heerka ay gaadhsiinayd, dhibaatooyinkii iyo hagardaamooyinkii lagu hayn jiray shacabka deegaanka iyo jihooyinkii, istaraatajiyadihii ay sanadihii ugu danbeeyay dajisatay xukuumada DDSI ee lagaga soo gudbay dhibaatooyinkii ka jiray deegaanka sidoo kale waxa uu sheegay madaxwaynuhu in shirkani mudda socdo lagaga tashan doono sidii loo sii xoojin lahaa qorshayaasha horumarka, nabadgalayda maamulka suuban, la dagaalanka aragtiyada xun xun sida xagjirnimada, argagixisad iyo dulsaarnimada.

Dhinaca kale waxaa furitaankii shirkan qayb ka ahaa kooxaha fanka iyo suugaanta DDSI oo ku soo bandhiyay dhaantooyin,heeso geeraaro iyo mujaajulooyin ku qotoma ujeedooyinka shirkan . shirkan oo sii socondoona maalmaha soo socda waxaad kala socondoontaan cakaaranews.

Jigjiga,(cakaaranews), Arbaca, 10ka May, 2017. Waxaa maanta si diiran loogu soo dhaweeyay garoonka caalamiga ah ee garaad wiil-waal ee magaalada jigjiga masuuliyiin sare oo uu hogaaminayo ku xigeenka guud ee hay’ada UNICEF mudane Dr Cumar Cabdi  oo ay wehelinayaan masuuliyiinta ugu saraysa hay’ada UNICEF dalkeena itoobiya.

Waxaana ku soo dhaweeyay garoonka diyaaradaha masuuliyiin sare oo ay ka mid yihiin la taliyaha madaxwayne DDSI ee dhinaca bini-aadanimada iyo xidhiidhka hay’adaha ahna wasiir ku xigeenka xafiiska ka hortaga iyo u diyaar-garowga masiibooyinka DDSI mudane Anwar Cali, wasiirka xafiiska caafimaadka DDSI mudane Xasan ismaaciil cali, wasiirka waxbarashada DDSI mudane Ibraahin Aadan Mahad, wasiir ku xigeenka maaliyada iyo horumarinta dhaqaalaha DDSI mudane jamaal faarax warmooge, wasiir ku xigeenka ka hortaga iyo u diyaargarowga masiibooyinka DDSI mudane Yaasiin Cumar  iyo masuuliyiin kale.

Masuuliyiintan sare ee ka socda hay’ada UNICEF ayaa waxa ay ujeedada socdaalkoodu tahay in ay u kuurgalaan xaaladaha abaarta ee saameeyay qaarka mid ah degmooyinka deegaanka iyo in ay sii xoojiyaan taageerada ay gaadhsiinayaan bulshada abaaruhu saameeyeen. Waxayna inta ay joogaan kulamo la yeelandoonaan masuuliyiinta ugu saraysa xukuumada DDSI.

Jigjiga(Cakaaranews) Arbaco 10ka May 2017. Waxaa maalintii labaad galay Shirwaynihii 8aad ee xog iswaydaarsiga xukuumada iyo shacabka DDSI oo maalintii shalay ahayd si rasmi ah ooga furmay hoolka shirarka ee kaali islamarkaana uu madaxwaynaha DDSI mudane Cabdi Maxamuud Cumar uu si kooban usoo jeediyay waxqabadkii iyo sooyaalkii xukuumada ee 7dii sano ee danbaysay.

Dhanka kale waxaa iyana dhankooda ka hadlay ms’uuliyiintii soo maray xukuumada deegaanka oo ay ugu horeeyaan madaxwayneyaashii hore ee deegaanka iyagoo si waaqici ah ucadeeyay xaaladii adkayd ee soo wajahday xiligoodii islamarkaana ay bogaadiyeen xaalada uu maanta deegaanku taagan yahay.

Sidoo kale waxaa galinkii hore maanta si wadajir loo booqday 200 ee booyadood ee ay dhawaan xukuumadu usoo iibisay inay ka jawaabaan xaalada bulshada deegaanka, Iyadoo madaxwaynaha DDSI iyo ergaduba aad oogu riyaaqeen islamarkaana uu madaxwaynuhu tijaabo kusameeyay tayada booyadahan oo mid aad usaraysa.

Ugu danbayna waxaa galinkii danbe maanta bilaabmay in laga dodo qodobadii uu madaxaynuhu shalay soo dhigay guriga islamarkaana uu gurigu kooxkoox ooga  doodi doono  qodobadaas lasoo dhigay.

Jigjiga(cakaaranews),khamiis, 11ka May , 2017. Waxaa ka furmay magaalada jigjiga gaar ahaan hoolka shirarka ee machadka cilmibaadhista DDSI kulan balaadhan oo lagu daah-furayay dhaqangalinta mashruuca iskaashiga cilmibaadhista DDSI oo ay hirgalintiisa iska kaashadeen machadka cilmibaadhista DDSI iyo jaamacada jigjiga.

Waxaana furitaankii kulankaasi  ka soo qayb-galay masuuliyiin  ka kala socday jaamacada jigjiga iyo machadka cilmibaadhista DDSI oo ay ka mid yihiin madaxwaynaha jaamacada jigjiga mudane Cabdicasiis Ibaahin iyo maareeyaha guud ee machadka cilmibaadhista DDSI mudane Guuleed Aw Cali Kaahin iyo khabiirada dhinaca cilmibaadhista ee jaamacad jigjiga iyo machadka cilmibaadhista DDSI oo ah kuwa  samaynaya daraasaadka  mashruucan.

Waxaana ugu horayntii furitaankii kulankaasi ka hadlay maareeyaha guud ee machadka cilmibaadhista DDSI mudane Guuleed aw Cali Kaahin oo ka warbixiyay ahmiyada iyo faa'iidooyinka uu leeyahay mashruucan maanta  la  daah-furayo.  wuxuna sheegay in uu yahay mashruuca ay hirgalintiisa  iska kaashadeen machadka cilimaadhista DDSI iyo jaamacada jigjiga, maareeyaha ayaa sharax dheerka bixiyay sida loo hirgalinayo mashruucan iskaashiga cilmibaadhista ee daraasaadka lagu samaynayo nidaamka  looga gaashaamanayo abaarta soo noq-noqta ee ay keento  isbadalka cimilada islamarkaana lagu hirgalinayo sida ay bulshadu uga faa'iidaysan lahaayeen khayraadka xooladooda sida:- naaxinta xoolaha  iyo tayada hilibkooda. maareeyaha ayaa  intaasi ku daray in uu mashruucani kaalin wayn ka qaadanayo hirgalinta qorshayaasha horumarka deegaanka.

madaxwaynaha jaamacada jigjiga mudane Cabdicasiis Ibraahin oo furitaankii kulankaasi ka hadlay ayaa sheegay in ay jaamacada jigjiga dadaal xoogan ugu  jirta ka qayb-qaadashada kor u qaaditaanka koboca dhaqaalaha deegaanka iyo hirgalinta adeegyada horumarineed ee la gaadhsiinayo bulshada deegaanka wuxuuna sheegay  in mashruucan  maanta la daah-furayaa ka mid yahay qorshyaasha kor loogu qaadayo nolosha bulshada xoolo dhaqatada ah.  madaxwaynaha jaamacada jijiga  ayaa intaasi ku daray in khabiiradan ka socda jaamacada jigjiga iyo machadka cilmibaadhsita DDSI ay daraasaadka soo samaynayaan 8 gobol oo ka mid ah gobolada deegaanka  kuna soo samayndoonaa xoolaha iyo dhirta deegaanka, wuxuuna kula dar-daarmay khabiiradan in ay sidii loogu talagalay u soo hirgaliyaan mashruucan si looga midho dhaliyo ujeedadiisa.

Jigjiga(Cakaaranews) Khamiis 11ka May 2017.Waxaa maalintii 3aad galay shirwaynihii 8aad ee xog-iswaydaarsiga xukuumada iyo shacabka DDSI oo maalimihii udanbeeyayba kasocday hoolka shirarka madaxtooyada ee kaali.

Hadaba shirwaynahan oo uu hogaaminayay Madaxwaynaha DDSI mudane Cabdi Maxamuud Cumar ayay maanta ergada oo isugu xidhnaa koox koox soo jeediyeen jawaabihii suaalahii loosoo dhigay inay kadoodaan oo kala ahaa. 1 sideen ooga hortagi karnaa saamaynta isbadalka cimilada. 2 sideen kujabin karnaa fikirka mashaqaystanimadka. 3 sideen ooga hortagi karnaa xagjirnimada. 4 sidee loosii xoojinkaraa nidaamka dawladnimo. 5 sideen ooga hortagi karnaa cadawga koobaad aynu leenahay ee saboolnimadka.

Waxayna ergada oo dhamaan ka jaawabay su'aalahaas soo jeediyeen in saamynata isbadalka cimiladu ooga gaashaaman karno inaan samaysano waxsoosaar beero iyo waliba kayd inoo yaala, Waxayna ergadu xuseen in fikirka mashaqaystanimadku yahay mid aad uxun islamarkaana loo baahan yahay in bulshada la baraarujiyo shaqa abuurna loo sameeyo, Sidoo kale waxay ergadu sheegeen in fikirka xagjinimadka uu yahay mid xayawaanimo ah islamarkaana loo baahan yahay in ay shacabka iyo xukuumada oo gacmaha ishaysta si wadajir ah oola halgamaan fikirka xagjirnimadka. Iyagoo intaa kudaray in nidaamka dawladnimo lagusii xoojin karo tageerida XDSHSI oo ah xisbi kajawaaba baahida bulshada. Sidoo kale  waxay ergadu soo jeediyeen in cadawgeena koobaad ee saboolnimada ooga hortagi karno in lasameeyo waxsoosaar heer caalam ah islamarkaana bulshada deegaanka lagu baraarujiyo waxsoosaarka beeraha iyo ku foorarsiga dhulka.

Ugudanbayna Madaxwaynaha DDSI mudane Cabdi Maxamuud Cumar ayaa hadalkooban  kabixiyay soojeedintii ergadu ay soo jeediyeen isagoo madaxwaynuhu sheegay in dhamaan kooxaha kaladuwan ee ergadu sidii loogu talagalay ooga jawaabeen 5tii su aalood ee ay maalmihii ugu danbeeyay kadoodayeen, Wuxuuna madaxwaynuhu intaa kudaray in kooxaha ergada oo si kaladuwan usoojeediyay jawaabaha su aalaha loosoo dhigay balse ay dhamaantood iskumid kayihiin ujeedada guud ee  loobaahnaa in looga jawaabo su aalahaas.

Sikastaba ha ahaatee shirwaynaha 8aad ee xog-iswaydaarsiga xukuumada iyo shacabka DDSI ayaa halkaa kasii socondoona.

Gorabaqaqsa(cakaaranews)Jumce 12ka May 2017. Waxaa Xarunta caafimaadka ee dagmada Goorabaqasa ee Gobolka Liibaan lagu soo gabagabeeyay daawayntii iyo qalintaankii indhaha ee baryahanba kasocotay degmadaas islamarkaana looga faaiidaynayay bulshada kudhaqan degmooyinka guradhaamoole, goorobaqasa iyo nawaaxigeeda iyadoo 915 xubnood loo fidiyay daawooyin, qalitaan iyo waliba muraayadaha indhaha islamarkaana xubno kabadan 200 oo xubnood oo indhola’aan ahaa aragoodi u soonoqday

Hadaba, agaasinka kahortaga indho la’aanta ee xafiiska caafimaadka DDSI mudane Axmed Bade Ducaale oo kahadlay xidhitaankii daawayntan iyo qalitaanka indhaha ayaa sheegay in sifiican oo heer sare ah ay oo gabagabooday islamarkaana looga faaiideeyay xubno kor udhaafaya 915 xubnood kuwaasoo loo sameeyay daawayn, qalitaan iyo waliba qaar lasiiyay muraayadaha indhaha.

Dhankooda maamulka degmada oo kahadlay daawayntan iyo qalitaankan indhaha ee loosameeyay bulshada ayaa sheegay in sifiican oo hagar la’aan ah loo fuliyay nidaamkii daawaynta iyo qalitaanka indhaha. Waxayna xuseen in dad farabadan oo indo la’aan ahaa ay manta indhahooda wax ku arayaan. Waxayna mahad celin u soo jeediyeen xukuumada DDSI  ee samaysay kooxdan daawaynta indhaha ee wareegta.

Ugudanbayna, qaar kamid ah bulshadii la daaweeyay ama qalitaanka indhaha loo sameeyay oo dareenkooda kahadlay ayaa sheegay in aysan maraba soo koobi karain farxadooda maanta maadaama oo ay dib u heleen aragoodii indhaha oo aysan sanado badan haysanin.  

Jigjiga,(cakaaranews),jumce, 12ka May, 2017. Maareeyaha guud ee machadka cilmibaadhista DDSI mudane Guuleed Aw Cali Kaahin oo xafiiskiisa ugu waramayay warbaahinta  deegaanka ayaa ka warbixiyay taaba galinta istaraatajiyadaha iyo qorshayaasha horumarineed  kuwa  wakhtiga dhaw, dhexe iyo dheer u dajisan machadka cilmibaadhista DDSI taasi oo hadda lagu hawlan yahay ayuu yidhi maareeyuhu hirgalinta soo bandhiga  cilmibaadhis iyo daraasaadyo  ku salaysan horumarinta khayraadka xoolaha iyo beeraha deegaanka.

Maareeyaha ayaa ka warbixiyay qorshe uu hirgalintiisa fulinayo machadka cilmibaadhista DDSI oo ah   hagaha farsamooyinka naaxinta ee nidaamka quudinta dheeriga ah ee xoolaha deegaanka, si ay xoolaha deegaanku u noqdaan kuwa   si fiican  ay uga faa’iidaystaan  bulshada xoolo dhaqatadu  khayraadkood gaar ahaan dhinaca suuqgaynta caalamka iyo dalkaba islamarkaana  ay xooluhu u noqdaan kuwa u adkaysta xaaladaha abaarta. Maareeyaha oo sii wata hadalkiisa ayaa sheegay habka  xoolo dhaqatada looga dhigo kuwo soo saari kara xoolo tayadooda iyo miisaankoodu  yahay kuwa ugu fiican suuqyada caalamka  si bulshada deegaanka looga faa’iideeyo nidaamyada casriga ah ee naaxinta quudinta dheeriga ah ee  xoolaha  ayaa  machadka cilmibaadhista DDSI uu dadaal xoogan ugu jiraa hirgalinta gaadhsiinta bulshada xoolo dhaqatada  farsamooyinkaasi casriga ah kaasi  oo mudda yar  xoolaha lagaga dhigayo kuwa tayadooda iyo miisaankooduba  aad u sareeyaan.

Ugu danbayntii  maareeyaha ayaa tilmaan dheerka bixiyay in machadka cilmibaadhista DDSI  xooga saarayo soo saarida, fulinta qorshyaal iyo daraasaadyo  cusub  ku salaysan horumarinta ka faa'iidaysiga  khayraadka xoolaha iyo beeraha  kuna salaysan  istaraatajiyadaha u dajisan xukuumada DDSI ee lagaga gaashaamanayo abaaraha korna loogu qaadayo koboca dhaqaalaha deegaanka.

Jigjiga(cakaaranews)Sabti 13ka May 2017. Sida lawada ogyahay Bisha sagaalaad 20keeda tirsiga dalkeena ayaa ah maalin kuwayn dhamaan shacabwaynaha dalka itoobiya islamarkaana qiimo iyo qaayo gaar ah uleh dhamaan qoomiyadaha dalkeena iyadoo guud ahaana deegaanada dalku iyo 2 ismaamulba ay diyaargarawyo kaladuwan ugu jiraan. Waxaana maanta kadhacay hoolka shirarka  video conferencega ee xafiiska adeega shacabka iyo horumarinta cududa shaqaalaha DDSI shir muuqaal arag ah oo kusaabsan diyaargarawga maalinka fooda inagu soohaysa ee 20ka ginboot kaasoo ay kasooqayb galeen masuuliyiinta heer deegaan, gudoomiyayaasha gobolada iyo waliba dhigooda deegaanada dalka iyo masuuliyiin heer federal ah.

Hadaba, shirkan oo ahaa mid lagu wada shirayay aalada muuqaal araga fog ee video conference ayaa ah mid heer dal iyo deegaanaduba ay kaga wada arrinsanayeen xuska munaasabada 20ka Ginboot. Oo ah maalinkii afka dhulka loodaray kaligii taliskii dhiig miiradka ahaa ee Dhergiga. Islamarkaana ay tahay maalikii lahelay systemka dawladnimo ee ay u dhanyihiin dhamaan shucuubaha iyo qoomiyadaha dalku.

Sikastaba ha ahaatee, shirkan ayaa ahaa  khibrad wadaag ku qotoma xuska 20ka ginboot iyo waliba dood cilmiyeedyo ka hadlaya Horumarka, Nabadgalyada, iyo Maamulka suuban ee ay haystaan dhamaan shacabwaynaha dalka ioobiya ee ku kala nool 9ka dawlad deegaan iyo 2 ismaamul magaalo.

Jigjiga(Cakaaranews) Sabti, 13ka May 2017. Waxaa maalintii 5aad galay shirwaynihii 8aad ee xog-iswaydaarsiga xukuumada iyo shacabka DDSI oo maalimihii udanbeeyayba kasocday hoolka shirarka madaxtooyada ee kaali.

Hadaba shirwaynahan oo uu hogaaminayo Madaxwaynaha DDSI mudane Cabdi Maxamuud Cumar ayaa wuxuu madaxwaynuhu si kooban usoo jeediyay qorshaha waxqabadka xukuumada ee ku aadan sanada 2010TI oo ku salaysan sidii loosii xoojin lahaa kaabayaasha horumarineed ee baahida aasaasiga ah oo ay ugu horeeyaan Biyaha, Beeraha Caafimaadka, Waxbarashada, Jidadka iyo qaybaha kale ee horumarineed. Wuxuuna madaxwaynuhu intaa kudaray in qorshahaas aan kor kusoo sheegnay sidii loogu talagalay loo fulin doono sanada 2010TI.

Soojeedin kadibana waxaa guriga lasoo dhigay filimaan daaawasho ah oo ka turjumayay xaalada soo yaalkii taariikheed ee 9kii sano ee udanbaysay, Iyadoo la isbarbar dhigayay xaaladii nabadeed iyo midii horumarineed ee kajirtay deegaanka islmarkaana tusaale lagusoo qaatay muuqaalo daawasho ah siday ahaan jireen 9 sano kahor iyo siday maanta yihiin magaalooyinka waawayn ee Jigjiga, Dhagaxbuur, Qabridahar iyo Godey, Iyadoo muuqaaladaasi kala turjumayeen horumar iyo horumar la aan. Sidoo kale waxaa muuqaalada daawashada ah kujiray mashaariicaha horumarineed ee ay xukuumadu sanadadii ugu danbaysay ka fulisay guud ahaan deegaanka.

Dhanka kale waxaa iyana fikirkooda ka hadlay qaar kamid ah odayaasha iyo dhalinyarta oo soo dhigay hadalo kamarakacaya xaaladii adkayd ee uu deegaanku ku suganaa 9 sano kahor iyo xaalada horumarineed ee uu maanta ku sugan yahay oo run ahaantii kaaf iyo kala dheeri ah. Waxayna intaa kudareen fikiro ay ku kordhinayeen qorshaha waxqabadka xukuumada 2010TI ee uu madaxwaynuhu soo jeediyay.

Ugu danbayna waxaa abaalmarino lasiiyay xubno kamid ah ciidanka gaarka ah ee liyuu policeka DDSI iyo xubno kamid ah odayaasha deegaanka, Kuwaasoo kaalin libaax ka qaatay aasaaskii ciidanka gaarka ah ee deegaanka.