Iimeeybari( cakaaranews ) Arbaco 23ka March 2016, Degmada iimay bari oo caan ku ah waxsoosaarka beeraha kana mid ah degmooyinka uu maro wabiga shabeelle islamarkaana  ah degmo kamida degmooyinka Gobolka Shabeele ayaa waxaa meel fiican maraya dhismaha mashaariicaha ay fulinayso dagmadu.

Hadaba Kusimaha Gudoomiyaha Degmada Imeey-bari mudane Ibraahim Axmed Saalax oo u waramay shabakada cakaaranews ayaa sheegay in mashaariicihii degmadu ay meel fiican marayaan meesha qaarkamida mashaariicaha ay dhamaystirmeen.

Sidookale wuxuu xusay gudoomiyuhu in ay socdaan labo dhismo oo Biyo xidheeno ah islamarkaana ay ka kala socdaan qabalaha Gudhis  iyo qabalaha kuusgeel. Wuxuuna tilmaamay gudoomiyuhu in labadan biyo xidheen ay gabo gabo yihiin.

Ugudanbayna waxuu sheegay in degmadu ay aad ugu faa iidaysato dhanka  waxsoosaarka beeraha wakhtikastana  kormeero indho indhayn ah ay kusoomaraan beeraha iyo tuulooyinka dajinta.

Dhanka kale, Kusimha madaxa Xafiiska Beeraha iyo Horumarinta khayraadka dabiiciga ah mudane cabdiraxmaan baaruud sahal ayaa isna dhinaciisa kawarbixiyay waxsoosaarka beeraha yo dajinta bulshada xoolodhaqatada ah si ay u noqdaan xoolo dhaqato beeralay isagoo sheegay in bulshada ladajiyay degmada ilaa iyo intii la bilabay dib u dajinta 2003 -2008 T.i ay kabadanyihiin 18,000  oo qoys kuwaasoo kafaa iidaysta dhul ku haboon beerashada islamarkaana ay u socdaan kanaaladii biyaha. Waxuuna tilmaamay masuulku in  ay dalagyada ugu faraha badan ee ay beertaan ay yihiin galayda,  masagada, sinsinta iyo waliba khudaarta qaybaheeda kaladuwan. Sida basasha, yaanyada, canbaha, muuska iwm.

Qabridahar (cakaaranews) Arbaca, 23, March , 2016, Madaxwaynaha DDSI mudane Cabdi Maxamuud Cumar oo ay wehelinayaan gudoomiyaha XDSHSI ahna afhayeenka golaha xildhibaanada DDSI mudane Maxamedrashiid Isaaq Ibraahin, madaxwayne ku xigeenka ahna wasiirka horumarinta magaalooyinka dhismaha iyo warshadaha DDSI mudane Cabdixakiin Cigaal Cumar, wasiirka waraabka iyo horumarinta dooxooyinka DDSI mudane Suldaan Khayr, masuuliyiin sare oo heer deegaan ah iyo gudoomiyayaasha gobolada Jarar iyo Qoraxay ayaa maanta socdaal dheer ku maray mashaariicaha horumarka waara ee laga hirgalinayo gobolada jarar iyo qoraxay.

Haddaba  Ujeedada socdaalka waftigan ayaa ahayd in ay  dabagal lagu sameeyaan  geedi socodyada shaqo  ee mashaariicaha waawayn oo iskugu jirra kuwa ay degmooyinku fulinayaan iyo mashaariicaha horumarka waara ee SDG.

Waftigan oo habeenkii xalay ahaa u hoyday  magaalada dhagaxbuur ayaa waxay maanta booqdeen mashruuca biyo xidheenka laga hirgaliyay tuulada hoodaale ee degmada dhagaxbuur , Mashruuca biyo xidheenka degmada birqod  kuwaasi oo ah mashaariicaha biyo xidheenada ay fulinayaan degmooyinku

sidoo kale waftigani waxay  booqdeen mashaariicaha horumarka waare oo kala ah mashruuca  Baka, Goomaar, Wijiwaaji iyo Maraacaato kuwaasi oo ku kala yaala gobolada Jarar iyo Qoraxay waana mashaariicaha  biyo xidheenada waawayn ee looga faa’iidaynayo bulshada gaar ahaan dhinaca wax soo saarka beeraha.

Madaxwaynaha iyo waftigan ku wehelinayay socdaalka ayaa waxay mashruuc kasta oo ay booqdaan kaga dhagaysanayeen warbixinta shaqo ee mashruuca enjineerada iyo hawlwadaanada gacanta ku haya fulinta mashaariicahaasi

Dhanka kale madaxwaynaha DDSI iyo waftigan ayaa magaalooyinka iyo  tuulooyin ay mareen si  sidiiran shacabku  ugu soo dhawaynayeen. waxaana xusid mudan in  madaxwaynaha DDSI munada Cabdi Maxamuud Cumar uu goobkasta oo uu shacabka kula kulmo ku boorinayay in ay illahay baryaan oo ay  roobtoon akhristaan maadaamo oo lagu jiro xili ay roob la aani ka jirto deegaanka gaar ahaan goobaha ay waftigani marayeen.

Ugu danbayntii waftigan ayaa galabnimadii maanta ku soo dheelmaday magaalada qabrihadar ee xarunta gobolka qoraxay halkaasi oo ay caawo u hoyanayaan. 

Mustaxiil( cakaaranews )Arbaco 23ka March 2016, Maamulka Degmada Mustaxiil oo shir layeeshay shacabka ku dhaqan degmada kaasoo lagaga wada arinsanayay dhinaca horumarka, nabadgalyada iyo maamulka suuban islamarkaana ay kaga warbixinayeen waxqabadkooda ayaa kadhacay xarunta degmada mustaxiil ee magaalada mustaxiil.

Hadaba shirkan oo uu ugu horayn ka hadlay kusimaha Gudoomiyaha Degmada Mustaxiil ahna Madaxa Xafiiska Caafimaadka mudane Cabdiraxmaan Muxumed Daahir ayaa sheegay in shirkan ujeedadiisu tahay in bulshada looga warbixiyo dhinacyada horumarka guud ahaan deegaanka gaar ahaana degmada iyo waliba in ay muhiimtahay in nabadgalyada lagu ilaalin karo oo kaliya shacabka iyo dawlada oo iskaashanaya.

Dhanka kale waxaa isna kahadlay kusimaha Madaxa Xafiiska Arimaha Xisbiga  ahna madaxa Maaliyada iyo Horumarinta Dhaqaalaha Degmada Mustaxiil mudane  Cabdixakiin Cabdulaahi Xaaji oo kawarbixiyay mashaariicaha u qabsoomay sanad miisaaniyadeedkan 2008 T.i  isagoo sheegay inay u qabsoomeen dhismaha mashruuca Iskuul lagadhisay qabalaha dudumoqaris oo uu fulinayay mashruuca horumarinta bulshada xoolodhaqatada ah ee (PCDP) iyo sidookale  mashruuca dhismaha biyo xidheenka laga fulinayo qabalaha xabaala -cadaw oo gabogabo ah.

Ugu danbayna waxay masuuliyiinta iyo shacabkuba carabka ku celceliyeen in ay aad u soo dhawaynayaan horumarkan balaadhan ee deegaanka guud ahaan, gaar ahaana 25ka degmo, 2bada MM iyo 2bada Gobol ee cusub islamarkaana ay aad ugu faraxsanyihiin xafladaha dabaaldaga iyo dhagaxdhiga uu dhagax dhigayo Madaxwayne Cabdi Maxamuud Cumar.

Jigjiga( cakaaranews ) Arbaco 23ka March 2016, Fadlan adigoo kaashanaya, korodhsanayana aqoonta aad u leedahay guud ahaan dalkeena itoobiya gaar ahaana deegaankeena ISKUDAY inaad kajawaabto su’aalahan hoos kuqoran. Kadibna kuguulayso abaal marin.

Hadaba, wakhtiga loo cayimay kajawaabida su’aalahan waa 3maalmood oo ka bilaabanaysa caawa oo Ay taariikhdu tahay 23ka March. Kuna eg 26ka March 2016 Waxaadna  kadib cidii kuguulaysatay iyo jawaabihiiba aad kalasocotaan www.cakaaranews.com habeenka Arbacada ah ee 30ka March 2016.

NB. Abaal-marinta waxaa kuguulaysan:

•  Qofka kajawaaba dhamaan su’aalaha.
•  Cidii kajawaabta wakhtiga lacayimay kahor ayaa mudnaanta leh

Su’aaluhuna waa sidan:

 1.      Imisa boodhan (dugsiyada-agoonta) ayaa deegaanka ku yaala,xagayse ku kala yaalaan?

 2.      Sheeg taariikhdii iyo maalinkii la ansixiyay 25ka degmo, 2da MM iyo 2da Gobol?

 3.      Sheeg  Gobalkii ku guulaystay ciyaarta kubada laliska tartankii ugu danbeeyay ee 9ka Gobol iyo 4ta MM  ?

 4.      Sheeg magaca nabi-ibraahim (CS) aabihii iyo waliba magacii saxda ahaa ee Nabi-Nuux ?

 5.      Waxaad sheegtaa nabigii uu nabiyulaahi muuse adhiga u raaci jiray iyo waliba inta sano ee uu uraacayay?

 6.     Sheeg deeganada dalka ee uu maro wabiga Abaay iyo waliba   awooda enerji/quwada-koronto ee uu soo saaridoono marka uu shaqada bilaabo?

F.G. fadlan akhristayaashu maskaxada ha kuhayaan in ay jawaabahooda kusoodiraan  message ahaan barta aan facebook kuleenahay ee www.facebook.com/cakaaranewsface ama E-mailkan cakaarainfo@gmail.comHadaba fadlan yaysan jawaabuhu idin kanoqonin  mid lawada arkayo kadib marka barnaamijka iskuday aad ku aragtaan pageka facebooga ee Halagu soodiro ciwaanada korkaku xusan. Aad ayaan ugu- mahadcelinaynaa macaamiisha tirada badan ee kuxidhan Barnaamijkan ISKUDY.

Qabridahar(cakaaranews) khamiis, 23,march, 2016, Waftigii uu hogaaminayay madaxwaynaha DDSI mudane Cabdi Maxamuud Cumar oo  ku guda jiray socdaalka loo bixiyay Roob-doon ayaa saaka aroortii hore ka bilaabay booqasho indho-indhayn ah  mashaariicaha waawayne ee ka socda maamulka magaalada qabridahar. Gaar ahaan garoonka wayn ee diyaaradaha M.M  qabridahar oo gabagabo maraya iyo cusbitaalka mm qabridahar oo dhismayaashiisa dib u habayn lagu sameeyay .

Markii ay waftigani ka anbabaxeen mm qabridahar ayaa waxay booqdeen mashruuca biyo xidheenka laga hirgaliyay tuulada dalaad ee degmada qabridahar kaasi oo la soo gabagabeeyay dhismihiisa. Sidoo kale waftigan ayaa maanta galinkii hore ka qaybgalay xaflada daahfurka iyo dhagaxdhiga mashaariicaha degmada cusub ee laas-dhankayre oo ka mid ah degmooyinka cusub ee  ku soo beeray degmooyinka deegaanka gaar ahaan  Gobolka qoraxay. Halkaasi oo uu madaxwaynaha DDSI mudane Cabdi Maxamuud Cumar khudbadii daah-furka degmadan cusub ka soo jeediyay ka dibna dhagax dhigay mashaariicaha kala duwan ee degmada laas-dhankayre

Waftigan ayaa maanta duhurnimadii u anbabaxay dhanka iyo degmada cusub ee Eleela oo ka mid ah  25kii degmo ee uu dhawaan ansaxiyay golaha baarlamaanka DDSI kana mid ah degmooyinka ku soo biiray gobolka shabeele.

Waxaana waftigan siwayn loogu soo dhaweeyay masaafo dheerna ay dadwaynuhu kaga horyimaadaan degmada cusub ee eleela, xafladii loogu dabaal dagayey degmadan cusub  oo ay iskugu yimaadeen dadwayne aad u tiro badan islamarkaana goobta ay xafladani ka dhacaysay ahayd mid aad loo sii qurxiyay.

Waxaana furitaankii xafladaasi ka soo jeediyay khudbad dheeli tiran madaxwaynaha DDSI mudane Cabdi Maxamuud Cumar wuxuuna ugu horayntii madaxwaynuhu ugu banbalyeeyay dadwaynaha ku dhaqan degmada cusub ee eleela xafladan lagu daah-furayo degmadan cusub iyo dhagaxdhigan mashaariicaha kala duwan ee degmadan.wuxuuna tilmaamay madaxwaynuhu in ay degmadani ahaan jirtay meelaha ka qalalsanyad helitaanka adeegyada aas aasiga ah ee horumarka islamarkaana ahayd meelaha uu naafeeyay nabad diidkii wakhtiyo hore ka dhaq dhaqaaqi jiray deegaanka. Wuxuuna sheegay madaxwaynuhu in ay tahay meel ku haboon in degmo laga dhigo taasi oo ay hadda u bilaabmidoonto helitaanka helitaanka adeegyada aas aasiga ah ee  horumarka

Wuxuuna madaxwaynuhu ku booriyay bulshada ku dhaqan degmadan cusub ee elleela in ay ka qayb-qaataan hirgalinta hawlaha horumarineed ee hadda ka bilowday degmadan islamarkaana ay xooga saaraan dhinaca wax soo saarka beeraha. Waxaa kale oo uu madaxwaynuhu carabka ku adkeeyay dhibaatooyinka iyo aafooyinka argagixisanimada iyo in dareen dheer ay bulshadu ka lahaato, si gaar ahna isha loogu qabto meelaha bacarimin karta aragtida argagixisanimada. Wuxuuna madaxwaynuhu u sheegay bulshada in ay roob-doon akhritaan.

Ugu danbayntiina waxa uu madaxwaynuhu dhagaxdhigay dhismayaasha kala duwan ee mashaariicaha degmada cusub ee elleela.

Dhankooda qaybaha kala duwan ee bulshada degmada elleela oo ka hadlay xafladaasi ayaa ka warbixiyay sida ay ugu faraxsan yihiin dhamaanba 25kii degmo 2dii maamul magaalo iyo 2dii gobol ee dhawaan uu ansaxiyay golaha baarlamaanku kuwaasi oo tilmaamay in ay siwayn uga qayb-qaadanayaan dhismaha hawlaha horumarka ee degmadan cusub.

Waftigan ayaa caawo xili habeenimo ah ku soo noqday xarunta gobolka qoraxay ee magaalada qabridahar halkaasi oo ay caawa u hoyden.  

Ceel-Ogaadeen( Cakaaranews )Jumce 25ka March 2016, Gudoomiyaha Gobalka Qoraxay mudane Yuusuf Aadan Yuusuf oo ay wahelinayaan masuuliyiin heer-gobola iyo kuwo heer maamul magaalo ah ayaa ka qaybgalay xaflad loogu dabaaldagayo islamarkaana xadhiga lagagajarayo degmada cusub ee ceel-Ogaadeen taasoo kamid ah 25 kii degmo, 2dii MM iyo 2dii Gobol ee dhawaan baarlamaanka DDSI uu ku  ansixiyay kalafadhigiisii ugu danbeeyay.

Xafladan ayaa sidookale  waxaa kasoo qaybgalay dhamaan bulshada qaybaheeda kaladuwan sida dhalinyarada, odayaasha, cuqaasha, waxgaradka, culimo-awdiinka iyo hooyooyinka.

Hadaba Gudoomiyaha Gobolka Qoraxay mudane Yuusuf Aadan Yuusuf oo si diiran loogu soo dhaweeyay xaflada dabaaldaga degmada cusub ayaa khudbad muhiim ah kajeediyay goobtaas isagoo ugu horayn shacabka deegaanka guud ahaan ugu hanbalyeey qaar ahaana uhabalyeey shacabka reer qoraxay iyo waliba shacabka degmada cusub ee ceel-ogaadeen isagoo sheegay masuulku in kalafadhigii ugudanbeeyay ee baarlamaanka DDSI ay ansixiyeen 25 degmo,2 maamul magaalo iyo 2bo gobol ee cusub islamarkaana 25kii dego ee la ansixiayay ay kamid tahay degmadan ceel-ogaadeen ee ay manta xafladeeda joogaan.

Dhinaca kale wuxuu xusay gudoomiyuhu in degmadan ceel-ogaadeen ay tahay degmo ku fiican dhanka wax soosaarka beeraha islamarkaana ku booriyay dhamaan shacabka degmada ceel-ogaadeen inay maalgashadan degmadooda cusub hadii aytahay waxsoosaar beero iyo hadii aytahay magaalaynta degmada labadaba inay guntiga niisha iskaga dhigaan.

Ugudanabayna qaarkamida bulshadii ka qaybgashay oo ay ugu horeeyaan suldaamo, ugaasyo, Hooyooyin  iyo cuqaal ayaa aad usoo dhaweeyay xaflada degmada cusub ee ceel-ogaadeen iyagoo sheegay inay aad ugu faraxsanyihiin degmada cusub ee loo ansixiayay islamrkaana ay u mahadcelinayaan dhamaan masuuliyiinta DDSI ee uu ugu horeeyo Madaxwaynaha DDSI Mudane  Cabdi Maxamuud Cumar, Baarlamaanka DDSI iyo waliba  XDSHSI.

.

Donod( cakaaranews )Jumce 25ka March 2016, Tababar ay soo agaasimeen Xafiiska Caafimaadka iyo Xafiiska Waxbarashada Degmada Donod islamarkaana ujeedadiisu ahayd in fahanbuuxa laga siiyo bulshada ku dhaqan Degmada Donod  Mashruuca (WASH Progrom)

Tababarkan ayaa waxaa kasoo qaybgalay xubno tiradoodu kabadan tahay 400 oo kakala yimid dhamaan tuulooyinka iyo qabaleeyada degmada danod. Waxaana lagu barayay casharada ay kamidka yihiin ilaalinta nadaafada, faayodhawrka iyo waliba cabida biyo nadiif ah

Hadaba tababarkan ayaa furitaankiisii waxaa ugu horayn kahadlay Gudoomiyaha Degmada Marwo Cadeeya Cabdulaahi Xirsi oo sheegtay in tababrkani uu yahay mid la rabo in looga faaiideeyo bulshada ku nool degmada donod.waxayna kuladardaarantay kaqaybgalayaasha in inta uu tababarku socdo ay casharada sifiican uga faa iidaystaan islamarkaana cilmigii ay barteen ay gaadhsiiyaan bulshadii ay ka kala yimaadeen.

Ugudanabayna waxaa dhankooda kawaramay kaqaybgalayaashii tababarka oo sheegay in casharo aad faa’iido uleh ay baranayaan iyagoo balan qaaday in ay gaadhsiinayaan bulshadii ay kakalyimaadeen.

Kudun-buur(Cakaaranews) jimce,25ka march, 2016, Waftigii uu hogaaminayay madaxwaynaha DDSI mudane Cabdi Maxamuud Cumar oo ay ku wehelinayeen masuuliyiin sare oo uu ka mid yahay  madaxwayne ku xigeenka DDSI ahna wasiirka  horumarinta magaalooyinka dhismaha iyo warshadaha DDSI mudane Cabdixakiin Cigaal Cumar ayaa ka qaybgalay xaflada loogu dabaaldagayo daahfurka degmada cusub ee kudun-buur iyo dhagax dhiga mashaariicaha kala duwan ee degmadan cusub.

Waftigan ayaa markii uu gaadhay   xarunta degmadan kudunbuur waxa ay  qaybaha kala duwan ee bulshada ku dhaqan degmadan si balaadhan ay  ugu soo dhaweeyeen waftigan  caleemo qoyan iyo    calamaan ay kulayeen  taasi oo ay ku muujinayeen dareenkooda  farxadeed ee dabaal daga degmadan cusub iyo soo dhawaynta waftigan.  

Waxaana furitaankii xafladan ka hadlay madaxwaynaha DDSI mudane Cabdi Maxamuud Cumar oo ugu horayntii ugu mahad celiyay bulshadan sida diiran ee loo soo dhaweeyay waftigan iyo sida quruxda badan ee loo diyaariyay goobta ay xafladu ka dhacaysay.

Madaxwaynaha  ayaa ka warbixiyay dadaalada ay xukuumada DDSI ugu jirto sidii shacabka deegaanka looga saarilahaa saboolnimada loona gaadhsiinlahaa wadamada uu dhaqaalahoodu meel dhexeedka yahay. Sidoo kale waxa uu madaxwaynuhu sharax dheerka bixiyay soonyaalkii taariikheed ee uu deegaanku soo maray  gaar ahaan dhinacyada siyaasada, nabadgalyada,horumarka iyo maamulka suuban. Madaxwaynaha ayaa si qoto dheer uga waramay aas aaskii iyo isbadalkii  XDHSI iyo sifooyinka uu kaga duwan yahay XDSHSI xisbiyadii hore u soo maray deegaanka

Gabagabadii xafladan ayaa waxa uu madaxwaynaha DDSI mudane cabdi maxamuud cumar dhagax dhigay dhismayaasha mashaariicaha kala duwan ee degmadan cusub ee kudun-buur oo ka mid ah 25tii degmo,2dii maamul magaalo iyo labadii gobol ee uu dhawaan ansaxiyay golaha baarlamaanka DDSI waxayna ku taalaa gobolka qoraxay.

Jigjiga (cakaaranews) sabti, 26, march, 2016, Waftigii uu hogaaminayay madaxwaynaha DDSI mudane Cabdi Maxamuud Cumar oo ay  ku  wehelinayeen masuuliyiin sare oo ay ka mid yihiin  gudoomiyaha XDSHSI mudane ahna afhayeenka golaha xildhibaanada DDSI madane Maxamedrashiid Isaaq Ibraahin iyo madaxwayne ku xigeenka ahna wasiirka xafiiska horumarinta magaalooyinka dhismaha iyo warshadaha DDSI mudane Cabdixakiin Cigaal Cumar ayaa dib ugu soo noqday xarunta deegaanka ee jigjiga.

Waftigan  ayaa maalmihii ugu danbeeyay socdaalo shaqo ku marayay gobolada jarar qoraxay iyo shabeele socdaalkaasi oo loo bixiyay socdaalka roob-doon ayaa waxay ujeedadiisu ahayd in dabagal lagu sameeyo geedi socodyada shaqo ee mashaariicaha waawayne ee ka socda goboladaasi iyo in ay waftigani soo dhagaxdhigaan Dhismayaasha mashaariicaha horumarka aas aasiga ah ee degmooyinka cusub.

Boqolmaayo( cakaaranews )sabti 26ka March 2016, Wafti Heer deegaan ah oo kaqayb Galay xaflada dabaaldaga degmada cusub ee Boqolmaayo ee Gobalka liibaan ayaa dhagax dhigay mashaariic Hormarineed.

Hadaba, Waftigan ayaa waxaa Hogaaminayey Wasiirka Xafiiska Kahortaga iyo Udiyaargarowga Masiibooyinka DDSI  mudane Maxamed Daahir, ayaa waxaana socdaalka kuwahelinayey xubno sar sare oo ay kamid ahaayeen wasiirka xafiiska xidhiidhka arrimaha Dawlada Dhaqanka iyo Dalxiiska ee DDSI  Eng.idiris ismaaciil cabdi, wasiirka xuduudaha DDSI,Gudoomiyaha Gobalka liibaan iyo Hogaamin kale.

Sidaasdarteed degmadan cusub ee boqolmaayo oo loosamayay xafald heersare ah ayaa waxaa ugu horayn lagufuray aayadaha quraanka kariimka ah kadibna waxaa qudbad dhinacyo badan taabanaysa kasoojeediyay  Wasiirka Xafiiska Kahortaga iyo U diyaargarow Masiibooyinka DDSI  mudane Maxamed Daahir, oo sheegay in kasooqaybgalka degmadan cusub ee boqolmaayo uu aad ugu faraxsanayahay isagoo aadna ugu mahadceliyay sida quruxda badan ee farxadu ku dheehantahay ee ay bulshada ree boqolmaayo u soo dhawaysay. Sidookale wasiirka ayaa tilmaamay hormarka balaadhan ee deegaanka ka hanaqaaday shantii sano ee udanabaysay iyo waliba sida uu xawliga ugu socdo horumarka DDSI.

Wasiirka oo hadalkiisii siiwata ayaa xusay in degmadani ay kutaalo meel aad u fiican oo dalsan ah islamarkaana ku haboon wax soosaarka. Ugudanabayna wuxuu masuulku ku booriyay bulshda  boqolmaayo inay degmada cusub ay maalgashadaan.

Dhanka kale, wasiirka xafiiska kahortaga iyo u diyaargarow masiibooyinka DDSI mudane Maxamed Daahir  iyo Wasiirka Xafiiska Xidhiidhka Arrimaha Dawlada Dhaqanka iyo Dalxiiska ee DDSI  Eng.idiris ismaaciil cabdi ayaa dhagax dhigay dhismaha Mashaariic  Horumarineed oo ay kamid yhiin iskuulo iyo caafimaad.

Ugudanabayntii waxaa iyaguna dhinacooda kahadlay Gudoomiyaha Gobalka liibaan, cuqaasha , waxgaradka, haweenka iyo dhalinyada  oo ka hadlay dareenkooda ku aadan xaflada degmada cusub iyo waliba dhagax dhiga mashaariicaha cusub ee lasamaynayo.

Feerfeer( Cakaaranews )Sabti 26ka March 2016, Geedka Garanwaaga looyaqano oo ah geed aan anfac iyo faa’iido midna u lahayn dadka iyo duunyada labadaba islamarkaana dhibaato ba’an ku haya daaqa iyo dhirta kale ee kasoobaxda dhulka, kuna faafay wadooyinkii iyo jidadkii ay bulshadu maraysay. Si loo dabargooyo geedkan cadawga ah ayaa maamulka degmada feerfeer, shaqaalaha iyo waliba shacabka ku dhaqan degmada ay siwada jir ah saaka u bilaabeen gurida geedkan iyagoo  ka bilaabay wadada wayn ee isku xidha qabalaha abaaleey iyo degmada Feerfeer.

Hadaba Gudoomiyaha Degmada Feerfeer mudane Maxamed Khadar Faarax  oo u waramay shabakada wararka ee cakaaranews ayaa sheegay in saaka subaxii ay bilaabeen shaqo balaadhan oo lagu qardaynayo ama lagu gurayo  geedka Garanwaaga oo qaatay wadooyinkii iyo meelihii dooga iyo dhirtuba kasoobaxaysay. Waxa uuna gudoomiyuhu xusay in ay gacmo wada jir wax ku gooyaan isalamarkaana ay saaka gureen geedkii garanwaaga ahaa ee qariyay wadada isku xidha magaalada feerfeer iyo centerka abaaleey taasoo lagu qabtay kaqaybgalka bulshada.

Sidookale waxa uu gudoomiyuhu xusay in shaqadan lagu dabar jarayo geedka garanwaagu aysan ahayn tii ugu horaysay  ee ay si wada jir ah  u qabtaan bulshada iyo maamulka dagmadu islamarkaana ay hada ka hor siwada jir ah uga gureen magaalada iyo waliba qayba kamida qabaleeyada.

Ugudanabayna wuxuu u mahadceliyay sida wanaagsan ee muwaadinimada leh ee ay uga qayb qaateen bulshada qaybaheeda kaladuwan ee degan degmada feerfeer, shaqaalaha, maamulka degmada feerfeer iyo waliba qaar kamida ciidanka degmada jooga.

Galxamur(cakaaranews) Sabti, 26ka March,  2016, Wafti uu hogaaminayay wasiirka   xeer ilaalinta guud iyo cadaalada  DDSI mudane Cabdijamaal Axmed Qolonbi oo ay wehelinayaan masuuliyiin uu ka mid yahay gudoomiyaha gobolka Doolo mudane Maxamuud Cali  ayaa ka qaybgalay xaflada loogu dabaal-dagayo daah-furka degmada cusub ee galxamur ee gobolka Doolo.

Waftigan oo  si meeqaam sare ah loogu soo dhaweeyay degmada cusub ee galxamur ayaa xafladaasi kula hadlay qaybaha kala duwan ee bulshada ka soo qaybgashay dabaaldaga xafladan lagu daah furayo degmadan cusub.

Waxaana ugu horayntii ka hadlay xafladaasi wasiirka  xeer ilaalinta guud iyo cadaalada DDSI mudane Cabdijamaal Axmed Qolonbi oo ugu hanbalyeeyay xaflada dabaaldaga degmadan qaybaha kala duwan ee bulshada ku dhaqan degmadan cusub ee galxamur. Wuxuuna sheegay in ay xukuumada DDSI dadaal xoogan ugu jirto sidii ay shacabka deegaanka uga saarilahayd saboolnimada. Wuxuuna tilmaamay masuulku in degmooyinkan cusubna yihiin kuwo qayb wayn ka qaadanaya hirgalinta hawlaha horumarka. Isaga oo ku booriyay bulshada in ay ka qay-qaataan hirgalinta hawlaha horumarka degmadan cusub ee garxamur.  

Waxaa kale oo ka hadlay xafladaas  qaarkamida bulshadii ka qaybgashay oo ay ugu horeeyaan suldaamada, ugaasyada,  cuqaal iyo haweenka kuwaasi oo aad  usoo dhaweeyay xaflada degmada cusub ee galxamur  iyagoo sheegay inay aad ugu faraxsanyihiin degmada cusub ee loo ansixiayay islamrkaana ay u mahad celinayaan dhamaan masuuliyiinta DDSI ee uu ugu horeeyo Madaxwaynaha DDSI Mudane Cabdi Maxamuud Cumar, XDSHSI, iyo hogala  Baarlamaanka DDSI  

Feerfeer( cakaaranews )Axad 27ka March 2016, Shir ay ujeedadiisu tahay dardargalinta iyo sii xoojinta nabadgalyada iyo horumarka islamarkaana ay kasoo qaybgaleen dhalinyarada degmada feerfeer ayaa saaka ka qabsoomay xarunta degmada feerfeer ee magaalada feerfeer.

Hadaba shirkan ayaa waxaa ugu horayn ka hadlay Madaxa Arimaha Xisbiga Degmada Feerfeer mudane Maxamuud Maxamed Cabdi oo sheegay in dhalinyaradu ay doorka ugu muhiimsan ku leeyihiin taabagalka horumarka iyo nabadgalyada ka hanaqaaday guud ahaan deegaanka gaar ahaana degmada feerfeer. Waxa uuna xusay masuulku in dhalinyartu ay sii xoojiyaan nabadgalyada iyo waliba kaqaybgalka horumarka kasocda degmada islamarkaana hal abuur iyo waxsoosaar ay la yimaadaan.

Dhanka kale waxaa isna kahadalay shirkan Madaxa Xafiiska Dhalinyarada iyo Ciyaaraha Degmada Feerfeer Cabdikhadar Shaafici oo sheegay in dhalinyardu ay yihiin jiilkii badali lahaa hogaaminta islamarkaana ay ku dadaalaan dhanka waxbarashada iyo waliba sportiga qaybihiisa kaladuwan si ay guulo uga soo hooyiyaan tartamada degaanka iyo dalkaba kadhacaya ee dhanka sportiga islamarkaana xafiisku uu lagarab taaganyahay taageero buuxa.

Ugudanabayna waxaa iyaguna dhinacooda kahadlay dhalinyaradii kasoo qaybgashay oo sheegay inay aad ugu faraxsanyiin shirkan uu maamulka iyo xafiiska dhalinyaradu u qabtay waxayna sheegeen in ay u soo jeediyeen codsiyo iyo waliba mahadcelin sida ay ula garab taaganyihiin waxyaabihii ay u baahnaayeen sida haday tahay goobihii mada daalada iyo waliba dhisida iskaashatooyinkii waxsoosaarka. ugudanabayna waxay balan qaadeen inay kashaqaynayaan nabadagalayada iyo horumarka labadaba.

Goday( cakaaranews ) Axad 27ka March 2016, Mudo laga joogo 5sano oo kaliya ayaa ahayd wakhtigii ay xukuumada DDSI ee uu majaraha u hayo XDSHSI ay qaadatay nidaamkii lagu horumarinayay xoolodhaqatada deegaanka ee ahaa in xoolodhaqatada loo badalo xoolo dhaqato beeraleey (pastoralist to Agro-Pastoralists).Tuulada Badiilacad ee hoostagta maamulka Degmada Goday ayaa kamid ah goobihii ugu horeeyay ee dajinta Xoolo dhaqato-beeraleeyda islamarkaana bulshadii ladajiyay ay waxsoosaar balaadhan samaeeyeen.

Hadaba Gudoomiyaha Degmada Goday Mudane Xasan Cali Cabdi oo uwaramay shabakada wararka ee cakaaranews ayaa sheegay in bulshada dajinta loo sameeyay ee dagan qabalaha Badiilacad ay isku filaansho gaadheen una gudbeen (cash crop production) islamarana wax-soosaarka beera-hooda ay u suuq-geeyaan magalada Goday, dhanaan iyo goobakale.

Sidokale wuxuu gudoomiyuhu xusay in taageero aan kala go’o lahayn ay lagarab taaganyihiin hadii aytahay dhanka matorada, shidaalka iyo hadii ay tahay adeeg-bixinta adeedyada aasaasiga ah ee waxabarashada, caafimaadaka, biyaha  iyo waliaba nidaamka maamulka suuban

ugudanbayna waxa uu tilmaamay in bulshadu ay aad ugu diirsadeen dajinta loo sameeyay islamarkaana ay aad ugu mahadcelinayaan illaahay iyo XDSHSI.

Ceelwayne(Cakaaranews) isniin 28 march 2016 Xalfad si heer sare loosoo agaasimay oo lagu daah furayay gobolka cusub ee xaruntiisu tahay ceelwayne ayaa manta ka qabsoomtay xarunta gobolka nogob ee degamada ceelwayne.

Xalfadan oy kasoo qayb galeen  masuuliyiin ka socday heer degaan oo uu harkacayay wasiirka maaliyada horumarinta dhaqaalaha iyo maareeyaha wakaalada jidadka marwo faadumo cabdulaahi dakhal qaybaha kaladuwan ee bulshada sida odayaasha dhaliyarada haweenka iyo marti sharaf kale oo kaladuwan.

Hadaba xalfadan ayaa waxaa ugu horayn ka hadlay Wasiirka Maaliyada iyo Horumarinta Dhaqaalaha mudane Axmed Cabdi Maxamed isagoo sheegay in gobolkan ee cusub ee nogob uu yahay guul usoo hoyatay dhamaan shacabwaynaha DDSI khasaatan dhamaan degmooyika hoosyimaada gobolka nogob ee xarantiisu tahay ceelwayne,isagoo wasiirku hadalkiisi kusiidaray in shacabka ku dhaqan ceelwayne ay ka qayb qaataan horumarka kasocda degaanka waxa uuna masuulku u hambalyeeya shacabka ku dhaqan degmada ceelwayne ee xarunta gobolka nogob.

Sidoo kale waxa iyana dhankooda ka hadlay qaar kamid ah odayaasha iyagoo sheegay inay soo dhaweeyeen gobolkan cusub ee xaruntiisu tahay degmada ceelwayne ee dhawaan lagu ansixiyay kala fadhigii ugu danbeeyay ee barlamaanka waxayna odayaashu intaa ku dareen inay aad ugu faraxsanyihiin axsixinta 2da gobol 2da mm iyo 25ka degmo iyagoo sheegay inay tani tahay mid aan waligeed horay u dhicin balse ay ku timaaday dadaalka XDSHSI uu oogu jiro shacabka DDSI siduu uu ku gaadhi lahaa horumar waara.

Jigjiga( cakaaranews )Isniin 28ka March 2016, Tababar uu soo agaasimay Xafiiska Xoolaha iyo Horumarinta Reer-guuraaga DDSI Geedi Socodkiisa Suuqgaynta Xoolaha islamarkaana ujeedadiisu ahayd sii xoojinta iyo sharciyaynta nidaamka suuqgaynta xoolaha iyo sidii looga wada tashan lahaa ladagaalanka ganacsiga xoolaha sharcidarada ah ayaa kadhacay hoolka shirarka ee Xafiiska Beeraha iyo Horumarinta Khayraadka Dabiiciga ah.

Tababarkan ayaa waxaa kasooqayb galay 84 xubnood oo ka kalayimid 20 degmo oo xuduudaha deegaanka kuyaala iyagoo ku baranayay casharo laxidhiidha shuruucda ganacsiga xoolaha iyo waliba sidii loola dagaalami lahaa hal dhinacna looga soo wada jeedsanlahaa.

Hadaba tababarkan ayaa waxaa ugu horayn  furitaankiisii kahadlay wasiir kuxigeenka  Xafiiska Xoolaha iyo Horumarinta Reermiyiga Mudane Cali Cumar Axmed oo sheegay in tababarkani uu yahay mid lagu baranayo casharo muhiim ah islamarkaana hirgalintiisa faa iido balaadhan u leh deegaanka. Sidookale wuxuu xusay masuulku in kaqayb galayaashu ay sifiican uga faa iidaystaan islamarkaana ay ilaaliyaan saacadaha waxbarashada casharada ay barteen ay ka dhaqan galiyaan goobihii ay ka kala yimaadeen.

Sidookale waxaa isna dhinaciisa kahadlay Gadhwadeenka Geedi Socodka Suuq-gaynta Xoolaha mudane Mustafe Maxamed Xuseen oo sheegay in tababarkan uusan ku koobnayn tababar oo kaliya balse ay  garab socoto wada tashi iyo fikir iswaydaarsi. Waxuuna masuulku intaa kudaray in tababarkani uu qayb ka yahay qorshayaasha u yaala geedi socodka ee ku qotoma ladagaalanka ganacsiga xoolaha ee sharci darada ah iyo waliba in dhamaan deegaanka ganacsatada xoolaha ka ganacsata ay fahan buuxa ka qaataan gaar ahaana degmooyinka xuduudaha ku yaaala ay sifiican uga hirgasho ladagaalanka sharcidarada ganacsiga xoolaha.

Ugudanabayna kaqaybgalayaashii tabaabrkan ayaa iyaguna xusay in ay aad ugu faraxsanyihiin islamarkaana ay qaadanayaan casharo muhiima oo ku aadan shuruucda suuqgaynta xoolaha iyo waliba sidii loola dagaalami lahaa sharcidarada ganacsiga xoolaha waxayna tilmaameen dhinacooda inay hirgalinayaan ladagaalanka sharcidarada ganacsiga xoolaha.

Goteborg, (cakaaranews) isniin, 28da, March, 2016 Waxaa Munaasabad Siwayn Loo Soo Maamuusay Loo Qurxiyay Ka Dhacday Magaalada Göteborg Dalka Sweden. Waxaana  Munaasabadan Oo Loogu  Dabaal Dagayay  sanad guuradii 18aad ee ka soo wareegtay aas aaskii  XDSHSI

Munaasabadan oo  Maalmihii Ugu Danbeeyay Si Balaadhan   Loogu Sii Diyaar Garoobayay taasi oo ay Jahliyadda DDSI Magaalada Göteborg Ay Ku Muujinayeen Jacaylka Maalintan Ay U Qabaan Ayaa Jawi Aad U Qurux Badan Uga Qabsoontay Hoolka Shirarka Jaaliyadda Göteborg

Munaasabadaasi Ayaa Waxaa Ka Soo Qaybgalay Masuuliyiin Sare Ka Tirsan Safaarada Dalka Sweden Uu Ka Mid Yahay Qunsulka Mudane Dr. Hussein Ahmed Omer Iyo Mas’uuliyiin Kale Jaaliyadda Magaalada Göteborg Uu Kamid Yahay Gudoomiyaha Jaaliyadda DDSi Ee Magaalada Göteborg Mudane Abdiaziz Serar Hashi Iyo Marti Sharif Kala Jaaliyadda DDSI Ee Norway Ka Socotay

Ugu Horayntii Waxaa Munaasabadan Lagu Furay Heesta Calanka DDSI Waxaana Khubadii Furitaanka Ka Soo Jeediyay Qunsulka Mudane Dr. Hussein Ahmed Omer Wuxuuna Ugu Horayntii Ugu Hanbalyeeyay Shacabka Deegaanku Meel Kasta Oo Ay Joogaan Dalka Iyo Dibadaba Xuska Mudaanabadan Qaaliga Ah.Wuxuuna Qunsulka Ka Warbixiyay Dadaalada Xoogan Loogu Jiro Guul Ka Gaadhista Ka Midho Dhalinta Qorshihii Growth And Transformation Plan  (GTP2)  Isbadalka Koboca  Dhaqaalaha Ee 5 Sano Ee Uu Dalka Iyo Deegaankuba Kaga Mid  Noqonayaan Wadamada Uu Dhaqaalahoodu Dhex Dhexaadka Yahay.

Waxaa Kaloo Halkaasi Kahadlay Gudoomiyaha Jaaliyadda DDSI Ee Magaalada
Göteborg Sweden Mudane cabdicasiis  Seeraar Xaashi Wuxuuna Ugu Horayntii Ugu Hambalyeeyay Shacabka Deegaanku Meel Kasta Oo Ay Joogaan Dalka Iyo Dibadaba Xuska Mudaanabadan Qaaliga Ah. 18 Guuradii Ka Soo Wareegtay Aas Aaska XDSHSI

Wuxuuna Gudoomiyuhu   Si Qoto Dheer Uga Warbixiyay Guud Ahaanba Guulaha Uu Xisbigu Sanadihii Ugu Danbeeyay Ka Soo Hooyay Dhinacyada Nabadgalyada Horumarka Iyo Maamulka Suuba Iyada Oo Si Dhabka Looga Guul Gaadhay Adeegyada Aas Aasiga Ah Ee Baahiyaha Shacabkeena Sida Helitaanka Biyaha Nadiifta Ah, Adeega Caafimaadka, Waxbarashada Beeraha Dib U Dajinta Jidadka Iyo Kor U Qaadida Guud Ahaanba Koboca Dhaqaalaha DDSI  Iyo Waliba Hiigsiga Gaadhsiinta Shacabka Deegaanka Horumar Waaro Oo Aan Soo Noqod Lahayn.

 Waxaa Kaloo Halkaasi Ka Hadlay Khadka Telefoonka Kaga Qeybgalay madaxwayne ku xigeenka ahna  Madaxa Xarunta Dhexe Ee XDSHSI Mudane Cabdicasiis  Maxamed cabdi  Oo Uu Mahad Celiyay Dhamaan Jaaliyadda DDSI Ee Magaalada Göteborg Sweden Sida Sharafta Leh Ay U Soo Agaasimeen Xaflada Qiimaha Badan Ee Lagu Xusayo Sanadguuradii Ka Soo Wareegtay Aas Aaska XDSHSI 18aad Mudane Cabdicasiis Ayaa Ka Warbixiyay Taariikhdii Uu Xisbigu Soo Maray Iyo Guulaha Uu Gaaray XDSHSI

madaxwayne ku xigeenka  Ayaa Uga Mahad Celiyay Ka Soo Qeybgalayaasha Shirka Wuxuu Hambalyo U Diray Dhamaan Xubnaha XDSHSi Iyo Taageerayaasha Xisbiga Dalka Iyo Dibada Shirkaasi Ayaa Wuxuu Ku Dhamaaday Farxad Iyo Guul

Mustaxiil( Cakaaranews )Talaado 29ka March 2016, Walaw oo ay degmada mustaxiil kamid tahay degmooyinka uu maro wabiga shabeele islamarkaana ay ka hirgashay dajinta xoolo dhaqato beeralaydu ayaa hadana waxaa si habsami leh uga socota dajinta qoysakii,  diyaarinta dhul beeraadkii iyo waliba kanaaladii biyaha ahaa ee waraabka beeraha cusub.

Gudoomiyaha Degmada Mustaxiil Mudane Daahir Cismaan Sagal oo u waramay shabakada wararka ee cakaaranews ayaa sheegay in dhanka dajinta bulshada ay degmado qaaday talaabooyin muhiima oo ku dayasho mudan maadaama oo uu qorshihii dajinta degmadu ahaa 280 qoys in ladajiyo sanadkan 2008 islamarkaana ay ku guulaysteen in sanadkan ay dajiyaan qoysas tiradoodu kor u dhaafayso 709 qoys iyad oo qoysaskaasna lakaladajiyay 11ka  qabalee eek ala ah Godcaro, Faguug, Sadexbaar, Kobane, Mirdhis, Qaboobe, Eyoole, iyo waliba qabalaha Faruq.

Dhanka kale waxa uu masuulku xusay in iyana ay jiraan mashaariico sanadkan dhamaaday kuwaasoo kala ah Ceel-gacmeedyo laga kala fuliyay centerada dudumo qaris iyo sadexbaar

Ugudanabayna waxuu tilmaamay Gudoomiyuhu in ay bulshadu aad u fahantahay faa’iidooyinka xoolo dhaqato beeralayda kadib markii kuwii ugu horeeyay ee ladajiyay ay aragtay bulshadu sida ay uga faa iideen wax-soosaarkoodii, ayay bulshada inteedii kalana ay kudayanaysaa.

Gota biki (Cakaaranews) Talaado 29ka March 2016 Xaflad si heer sare ah loo soo agaasimay oo ay kasoo qayb galeen masuuliyiin heer deegaan ah oo uu hor kacayay madaxa arimaha siyaasada XDSHSI mudane cumar maxamuud cabdi,  mayarka maamulka Magaalada dire dawa mudane ibraahim cismaan faarax, wasiirka xafiiska dhalinyarta iyo ciyaaraha ddsi mudane maxamed bile, maamulka gobolka siti, ayaa si heer sare ah uga qabsoomtay  degmada cusub ee goota biki ee gobolka siti.

Hadaba xafladan oo ay kasoo qayb galeen bulshada qaybaheeda kala duwan sida odayaasha, haweenka, Dhalinyarta, iyo marti sharaf kale ayaa waxaa ugu horayn ka hadlay madaxa xarunta dhexe xdshsi    Mudane cumar oo sheegay in degmadani ay kamid tahay 25kii degmo 2dii gobol iyo 2dii mm ee Dhawaan lagu ansixiyay kalafadhigii ugu danbeeyay barlaamanka waxa uuna masuulku u hambal yeeyay Shacabka ku dhaqan degmada cusub ee gota biki isagoo ku dhiiriyay inay horumariyaan degmada garab Joogsadaana xukuumada ddsi .

Ugu danbayna waxa uu masuulka iyo masuuliyiinta kale ee wehelinayayba ay si wada jir ah u dhagax dhigeen mashaariico horumarineed oo kala duwan

Sidoo kale waxa iyana dareenkooda ka hadlay qaar ka mid ah bulshada degamada iyagoo sheegay inay Aad ugu faraxsanyihiin degmada cusub ee gota biki soona dhaweyeen dhamaan 25kii degmo 2dii gobol Iyo 2dii mm ee dhawaan lagu ansixiyay kalafadhigii ugu danbeeyay barlaamanka waxayna balan qaadeen inay xdshsi ay horay u garabjogeen hadana garabtaagnaan doonaan.

Ceelkari(Cakaaranews) talaado, 29ka March, 2016 waxaa lagu soo gabagabeeyay  magaalada Ceelkari ee xarunta degmada ceelkari  gobolka afdheer tababar ay ujeedadiisu ahayd  la dagaalanka iyo dabar goynta  caadooyinka  xun-xun.

Tababarkaa oo uu soo agaasimay xafiiska arimaha haweenka iyo caruurta ee degmada ceelkari ayaa waxa loo  qabtay  323 qof oo ka socday 15 qabalee oo ka mid ah degmada ceelkari kuwaasi oo iskugu jiray   dhalinyaro, haween culimo awdiin iyo waxgarad iyada oo ay  soo xidhitaankii tababarkaasi ay ka  soo qayb-galay masuuliinka socday maamulka gobolka, iyo masuuliyiinta degmada ceelkari.

Tababarkaasi oo socday mudo todobaad ah,  ayaa waxa  xidhitaankiisii  ka hadashay    Madaxa xafiiska  arimaha haweenka iyo caruurta ee degmada ceelkari  marwo Suufiya Xaaji oo sharax dheerka bixisay dhibaatooyinka ay leeyihiin caadooyinka xun-xun ee soo jiraanka ah gaar ahaan dhibaatooyinka ay ku hayaan haweenka  sida gudniinka fircooniga ah iyo guurka deg deg ah. Waxayna ka warbixisay jihooyinka iyo  qorshayaasha u dajisan xukuumada DDSI ee  lagu cidhibtirayo caadooyinka xun xun iyada oo ku boorisay ka qaybqaatayaashii tababarkan in ay sidii loogu talagalay u fuliyaan  cilmigii ay ku barteen mudadii uu tababarku socday.