Jigjiga ( Cakaaranews ) Arbaco, 9ka march 2016. degmada harawo, galxamur, boqolmaayo, goglo, shabeelay, ceel-ogaadeen, m.m.qabribayax iyo waliba m.m.wajaale, gobolka dhaawa, iyo gobolka sitti ayaa kamid ah degmooyinka, maamul-magaalooyinka iyo gobolada  accountgoodu daawaha kusocdo.

Qurbajoogta kasoo jeeda degmada harawo ayaa marka ay xukuumadu ubaxdo wadamada qurbaha ah waxay kamid yihiin dadka ugu daf-dafta badan ee lamaqlo iyagoo dhahaya ‘‘harawo ama dharwanaaje ayaan kasoo jeednaa’’ balse maanta accountkii degmada harawo ee health centerka iyo dugsiga daawaha ayuu kusocdaa. Shacabka reer harawo ee qaran joogta ah ayaana kaxanaaqsan foodhida accountka.

Waxaaba kasii daran, accountka degmooyinka qurajoogta kasoo jeeda gobolka Sitti oo horay udhihi jirtay ‘real estate baan dhisaynaa’ ayaa markii layidhi health center iyo dugsi usoo dhisa degmooyinka cusub ee gobolka oo ay running costga dawladu bixinayso ayaa shir ay yeesheen mudo 3 bari ah kadib waxay accountka kusoo shubeen 50 dollar.

Sdioo kale, qurajoogta gobolka dhaawa oo sheegayay inay kufaraxsan yihiin gobolka cusub iyo degmada qadhaadhumo ayaa kadib markay lacag noqotay lagu dhiso health centerka iyo dugsiga yidhi ‘‘anagu magaranayno’’oo dafiraad keenay. Taas oo kaxanaajisay shacabka qaran joogta ah ee kasoo jeeda gobolka iyo degmadaba oo leh anagaa dhisayna balse dawladu way kadiiday maadaama oo qurbajoogta lagu kala saarayo.

Gobolka Liibaan iyo degmada boqolmaayo iyaga xisaabtaba hakudarin. Xataa soo hadal qaad malaha. In loo maqan yahayna mafilayno. Balse, war aan xaqiiqadiisa lahubin ayaa tibaaxaya in nin England jooga uu accountka kuriday 6 doolar oo udhiganta in kayar 200 oo birr.

Oohinta, ilmada iyo baroorta kadhacaysa accountka degmada Galxamur ayaa waxay indhuhu lacasaadeen shacabka reer bookh. Arintan ayaana ah sheekada ugu hadal hayska badan ee taala magaalada jigjiga.

Degmada kudunbuur ayaa iyada wuxuu shaki kujiraa inay kamid tahay gobolka qoraxey iyo in kale. Degmada kudunbuur iyo degmada Shabeelay ayaana noqonaya degmooyinka ugu taageero hooseeya. In kasta oo degmada Shabeelay ay kahorayso degmada kudunbuur.

Degmada Ceel-ogaadeen iyada wax sheegta oo qurbajoog ah waa lala’yahay ilaa hada. Xataa wax teleefan soo diray oo kahadlaya degmada majiro.

Waxaase layaab iyo yax-yax mudan oo ilaa hada meel ay jaan iyo cidhib-dhigeen lala’yahay qurbajoogta kasoo jeeday degmooyinka gobolka afdheer ee God-god iyo Qooxle. Habayaraatee, wali wax accountkooda kusoo dhacay iyo cid shirkada kala soo xidhiidhay toona majiraan. Waa sida uu xisaabiyaha shirkadu usheegay shabakada Cakaaranews. Waxaaba la is waydiinayaa wax qurbajoog ah oo kasoo jeeda malaha miyaa.

Dhanka kale,  accountka maamulka magaalada qabribayax madhnidiisa ayay qaxootigu kafadhi la’yihiin iyadoo qayladiisuna buuraha gurayska gaadhay. hal shaqsi ah oo qurbajoog ah oo wali kahadlayna majiro.

Maamulka magaalada wajaale isaga haba-sheegin. Wuxuuna noqday maamulka magaalda ugu taageeraha yar. Accountkeeduna wuu qiiqayaa. Daawaha ayuuna kusocdaa.

Jjgjiga (Cakaaranews ) Arbaco, 9ka march 2016, Xafiiska beeraha iyo horumarinta khayraadka dabiiciga ah geedisocodkiisa Damaanad-qaadka cuntada ayaa 3 kooxood u kala diray 28 degmo oo uu kashaqeeyo mashruuca  shabakada wax-soosaarka  cuntada (PSNP)

Hadaba  kooxahan u baxaya degmooyinka ayaa waxaa shabakada cakaaranews uga waramay Gadhwadeenka Geedi-socodka Damaanad-qaadka Cuntada mudane Lubi Axmed Kaariye isagoo sheegay in kooxahan loo dirayo 28 degmo oo uu kahawl-galo mashruucu si ay uga soo bixiyaan tababar ay ujeedadiisu tahay  sahlida isticmaalka qaadashada lacagaha iyo raashinka bulshada kafaaiidaysata mashruuca (Beneficiaries).

Waxa uu agaasinku intaa kudaray in kooxahan shaqadoodu ay tahay inay ka soo hirgaliyaan 28 degmo softewerka loo yaqaano Payrol Attendence Sheet (PAS) kaasoo sahlaya bixinta raashinka, islamarkaana tababarkan lasiinayo xirfadlayaasha hawl-wadeenada ah ee mashruuca (PSNP)

Ugu danbayna waxa uu agaasinku kula dardaarmay kooxaha inay tababarkan si fiican oo wadaninimo leh usoo bixiyaan si fiicana u fahansiiyaan xirfadlayaasha hawl-wadeenada ah ee qaadanaya cashirka, waxa uuna agaasinku hadalkiisa ku gabagabeeyay in tababarkan uu aad mihiim u yahay maadaama mashruucu uu marayo wajigii 4aad.

Adhisababa ( Cakaaranews ) Arbaco, 9ka march 2016. Waxay xukuumada DDSI iyo XDSHSI soo dhawaynayaan uguna mahadcelinayaan go’aanka uu gaadhay maamulka sare ee xawaalada KAAH ee lacagta khidmada ah lagaga dhaafayo lacagaha ay qurbajoogta deegaanka kasoo jeeda kusoo dirayaan accountyada iskuulka iyo health centerka degmooyinka cusub looga furay xawaalada.

Hadaba, maamulka sare ee xaawalada KAAH ayaa dhankooda sheegay inaysan marnaba kahadhaynin kaalinta kaga aadan horumarinta deegaanka iyagoo lacagaha taageerada ah ee lagu soo dirayo accountyada health centerka iyo dugsiyada degmooyinka cusub kadhigay zero commision’’  

Jigjiga( cakaaranews ) Arbaco 9ka March 2016, Fadlan adigoo kaashanaya, korodhsanayana aqoonta aad u leedahay guud ahaan dalkeena itoobiya gaar ahaana deegaankeena ISKUDAY inaad kajawaabto su’aalahan hoos kuqoran. Kadibna kuguulayso abaal marin.

Hadaba, wakhtiga loo cayimay kajawaabida su’aalahan waa 7maalmood oo kabilaabanaysa maanta oo Ay taariikhdu tahay 9ka March. Kuna eg 16ka March2016 Waxaadna  kadib cidii kuguulaysatay iyo jawaabihiiba aad kalasocotaan www.cakaaranews.com habeenka Axada ah ee 19ka March 2016

NB. Abaal-marinta waxaa kuguulaysan:

·          Qofka kajawaaba dhamaan su’aalaha.

·          Cidii kajawaabta wakhtiga lacayimay kahor ayaa mudnaanta leh

Su’aaluhuna waa sidan:

1.  Sheeg tirada iyo magacyada Wabiyada Deegaanka mara ?
2.  Sheeg demagada deegaanka ugu iskuulaadka badan  iyo degmada deegaanka ugu dugsi sare badan ?
3.  Doorashadii 1994 tii T.I. dhamaadkeedi ee ka dhacday deegaanka imisa dagmo ayay ka dhacday? Imisa xildhibaan ayaana laga soo doortay?
4.  Socdaalkii UBBO-Quusis ee Mw CMC kusoo maray deegaanka imisa gobal ayuu ku soo maray? Kuwayse kala ahaayeen?
5.  Dagaalkii xunayn imisa ayay ahaayeen tirade asxaabta iyo tirada gaaladu labadaba?
6.  Sheeg dagaalkii ugu horeeyay ee uu galay asxaabigii loogu magacdaray seeftii ilaahay ee Khaalid Binu –Waliid?
7.  Sheeg ninkii gaalka ahaa ee wakhtigii Nabiga N.N.K.H ilaahhay quraanka ku sheegay inuu diradiraa waliba Garac ah yahay?
8.  Sheeg tirada qoomiyadaha ee wada-dagan deegaanka Dhabuub ama deegaanka koonfureed (SNNPR)?
9.  Sheeg ciyaaryahankkii ugu goolasha badnaa tartankii ugu danbeeay ee kubada cagta ee looqabtay sagaalka gobal iyo Afarta Maamul Magaalo?
10.  Sheeg magaca buurta ugu dheer itoobiya, deegaanka ay ku taalo iyo waliba inta ay kasarayso sinaanta bada  (Above the Sea Level)

F.G. fadlan akhristayaashu maskaxada ha kuhayaan in ay jawaabahooda kusoodiraan  message ahaan barta aan facebook kuleenahay ee www.facebook.com/cakaaranewsface ama E-mailkan cakaarainfo@gmail.com . Hadaba fadlan yaysan jawaabuhu idin kanoqonin  mid lawada arkayo kadib marka barnaamijka iskuday aad ku aragtaan pageka facebooga ee Halagu soodiro ciwaanada korkaku xusan. Aad ayaan ugu- mahadcelinaynaa macaamiisha tirada badan ee kuxidhan Barnaamijkan ISKUDY.

Jigjiga( Cakaaranews ) Arbaco 9,ka March 2016, Tabaabar u socday mudo 2 maalmood shaqaale kabadan 260, xubnood oo ka kalayimid Hay’adaha Dawliga ah ee heer Deegaan islamarkaana ujeedadiisu ahayd kobcinta aqoonta shaqaalaha ee dhanka Barnaamijyada Dib-uhabaynta Shaqo (Public Service Reform Progrms) ayaa maanta lagu soo gabagabeeyay kuliyada maaraynta iyo adeega shacabka DDSI.

Hadaba xidhitaankii Tababarkan ayaa waxaa hadalo muhiima kasoojeediyay Wasiirka Adeega Shacabka iyo Kobcinta Maamulka DDSI marwo Maajida Maxamed Maxamud oo si faahfaasan uga hadashay faa'iidooyinkii tababarka iyo casharadii ay kubaranayeen ee ay kamid ka ahaayeen barnaamijyada dib uhabaynta shaqo iyo maamulka suuban. Sidookale waxa ay wasiiradu kula dardaarantahay shaqalihii tababarka qaatay inay xafiisyadii ay kayimaadeen ka saxaan kuwa dhaliisha kaleh dhanka barnaamijyada sida barnaamijka Axdiga-Muwaadimiinta oo ah mid larabo in xafiiskasta ay kamuuqato ku shaqayntiisa, waxaakale oo ay tilmaantay in xafiisyada uu kawada hirgalay barnaamijku ay siiwadaan dadaalkooda.

Sikataba ha’ahaatee waxaa iyana dhankooda kawaramay shaqaalihii tababarka qaatay oo sheegay in ay casharo muhiima barteen  oo kusaabsan  hirgalinta barnaamijyada dib uhabaynta shaqo islamrkaana u mahad celiyay macalimiintii bixinaysay casharada, sidookale waxay sheegeen in ay waxyaabaha ka dhiman xafiisyadooda ee dhanka barnaamijyada Dib-uhabaynta shaqo sida axdiga muwaadimiinta ay ka hirgalinayan hay’adihii ay ka kala yimaaden.

Samara ( Cakaaranews ) Khamiis, 10ka march 2016, wafti balaadhan oo uu horkacayo raisal wasaare kuxigeenka JDFI mudane Dhamaqe Mokenin oo ay weheliyaan wasiirka arimaha Federalka iyo Horumarinta xoola dhaqatada mudane Kassa Tekleberhan, madaxwaynaha DDSI mudane Cabdi Maxamuud Cumar iyo hogaaminta dawlada deegaanka binishangul, gambella iyo marti sharaf kale ayaa saaka kasoo ambabaxay xarunta dalka ee adhisababa iyagoo kadagay gagida diyaaradaha ee xarunta deegaanka canfarta ee samara.

Kadib waxaa toos loogu dhaqaaqay kormeer indha-indhayn ah oo lagu soo maray biyo-xidheenka wayn ee kuyaala magaalada Loogiya, goobaha dib udajinta lagu sameeyay, warshada ugu wayn waxsoosaarka sonkorta ee Tandhaaho oo ah heer caalami, dhulka masnada beeraha ee wabiga awash kugarab yaala oo ay kabaxeen waxsoosaarka quwaax qasabka warshada loo beeray, cawska calafka xoolaha iyadoo kadibna lagu soo laabtay xarunta deegaanka canfarta ee samara.

Nasasho qado yar ah kadibna, waxaa lagalay shirkii qiimaynta waxqabadka 6dii bilood ee lasoo dhaafay ee kililada taageerada gaarka ah lasiiyo oo kala ah: deegaankeena, canfarta, gambella iyo binishangul.

Samara ( Cakaaranews ) jamce, 11ka march 2016. Waxaa saaka si rasmi ah uga furmay xarunta deegaanka canfarta ee samara gaar ahaan hoolka shirarka Agdha and Resort Huteel shirkii qiimaynta waxqabadka kililada taageerada gaarka ah lasiiyo 6dii bilood ee lasoo dhaafay.

Hadaba shirkan oo uu hogaaminayay raisal wasaare kuxigeenka JDFI mudane Dhamaqe Mokenin, wasiirka wasaarada arimaha federalka iyo horumarinta xoolo-dhaqatada mudane Kassa Tekleberhan oo saaka si rasmi ah u furmay ayaa galinkii hore ee maanta dhagaystay warbixinada 3 dawlad deegaan oo kala ah: deegaanka canfarta, deegaanka soomaalida iyo deegaanka Gambella iyadoo galinka danbe ee maanta ladhagaysan doono warbixinta deegaanka Binishangul. waxaana ilaa iyo haatan dhanka waxqabadka ugu horeeya deegaanka soomaalida itoobiya.

Ugudanbayna, shirkan qiimaynta waxqabadkii 6da bilood ee kililada taageerada gaarka ah ay dawlada dhexe siiso ayaa lafilayaa inay kasoo bixi doonaan guulo wax ku ool ah oo taabagala.

Jigjiga(Cakaaranews) jimce 11ka, March,  2016 Kulan lagu  qiimayay  waxqabadka  lixdii bilood ee  dhinaca adeega caafimaadka oo uu soo diyaariyay xafiiska caafimaadka loona hayay   hay'adaha bah-wadaagta ay  yihiin xafiiska caafimaadka DDSI  ayaa lagu soo gabagabeeyay caasimada deegaanka ee Jigjiga.

Kulankan oo muddo laba maalmood ah socday  ayaa waxa ay ujeedadiisu  ahayd in la qiimeeyo wax qabadka hay'adaha bah-wadaagta la ah xafiiska caafimaadka DDSI ee 6dii bilood ee la soodhaafay, gaar ahaan wax ka qabadka xaaladaha caafimaadka deg-dega ah (Health and nutrition emergency response projects) iyo in la isla meel dhigo fahan midaysana laga qaado hirgalinta jihooyinka  qorshaha caafimaadka 5ta sano  (Health Sector Transformation Plan).

Kulankaa oo ay hogaaminayeen masuuliyiinka socday xafiiska caafimaadka ayaa waxaa ka soo qaybgalay masuuliyiinta hayada ay ka mid yihiin  SCI, IRC, MC, MSF-HOLAND,  MSF-Spain, SOS, ICAP,  Kuwa UN ta ah sida; WHO, UNICEF, iyo waliba  OWDA, PC, ACPA.

Isku dugaha guud ee mashruuca hoos u dhiga dhimashada hooyada iyo dhalaanka ee xafiiska caafimaadka DDSI mudane Shaafici Daahir Muuse oo ka hadlay soo xidhitaankii kulankaasi ayaa sheegay in kulankani intii uu socday ay hay’adahani soo bandhigeen warbixinta waxqabadka  dhinaca adeeg bixinta caafimaadka ee ay hay’adahani fuliyaan gaar ahaan waxqabadkii 6 bilood ee aan soo dhaafnay. Sidoo kale waxa uu sheegay masuulku in jihooyin midaysan laga qaatay fulinta  qorshaha caafimaadka ee shanta sano.

Samara ( Cakaaranews ) jamce, 11ka march 2016. Waxaa caawa xarunta dawlada deegaanka canfarta ee samara lagu soo gabagabeeyay shirkii qiimaynta waxqabadka 6da bilood ee boordhiga dawlad deegaanada taageerada horumarka gaarka ah lasiiyo oo uu gudoomiye kayahay rasial wasaare kuxigeenka JDFI mudane Dhamaqe Mokenin.

Hadaba gabagabadii qiimaynta warbixinada deegaanada kadib ayuu raisal wasaare kuxigeenku usoo dhigay guriga su’aal ah ‘‘maxaa sabab u ah baad u malaynaysaan horumarka laxaadka leh ee uu gaadhay deegaanka soomaalidu?

RW kuxigeenka ayaa islamarkiiba kujawaabay, siday ila tahay‘‘ waa hogaaminta oo kago’naansho leh iyo shacabka deegaanka oo iskaashanaya, iyo waliba hogaaminta oo diyaar u ah inay kafaaiidaystaan taageerada gaarka ah ee xukuumada dhexe iyadoo warbixinta deegaanku soo jeediyay ay tahay mid aan indhahanaga kusoo aragnay iyo mid aan muuqaal toos ah kudaawanay labadaba’’

Mudane Dhamaqe Mokenin raisal wasaare kuxigeenka JDFI ayaa intaa raaciyey in DDSI laga baran karo geesinimada ay kuwajaheen horumarka, nabadgelyada, maamulka suuban iyo xidhiidhka dadwaynaha. Wuxuuna sheegay in hogaaminta deegaanku ay kusifoobeen dabeecada risk takernimada ah ee kamidho dhalinta hogaaminta u ah lafdhabarta. RW kuxigeenka ayaa carabka kudhuftay in deegaanka soomaalida laga baran karo:

      isbadalka uu kakeenay dhanka biyaha oo ay mudnaanta 1aad, 2aad iyo 3aadba siiyeen gaar ahaan ceelasha dhaadheer iyo biyo-xidheenada ay qorshaysteen sanadkan ee fulintoodii lagu jiro oo ah buu yidhi raisal wasaare kuxigeenku, ‘‘mid aan indhahanaga kusoo aragnay.’’

Waxaa kale oo uu raisal wasaare kuxigeenku kunuux-nuuxsaday in deegaanka soomaalida laga baran karo:

      Inay si han-wayn wax u qorshaystaan wakhti gaaban oo ay kudhiiradaan fulinta qorshahooda mudo kooban gudaheed islamarkaana ay natiijo buuxda oo lataaban karo kakeenaan

Mudane Dhamaqe Mokenin ayaa amaanay nidaamka ay xukuumada deegaanku uwajahday biyaha iyo qaababkay uhirgalisay fulintooda oo ay kadanbaysay aas aasida shirkadaha kaladuwan ee ay kamidka yihiin: shirkada dhismaha hawlaha biyaha, shirkada qodida ceelasha, shirkada jidadka iyo shirkada booliska oo dhamaantood fuliyey mashaariico waa wayn khaasatan shirkada dhismaha, iibka iyo adeegyada gaarka ah ee booliska oo lagu xasuusto fulintii mashruuca buundada waangay iyo waliba quarantineka xoolaha oo ay kala wareegtay shirkad mudo waday kadibna mudo 6 bilood ah kusoo gabagabaysay .

Waxaan iyana waxqabadkan kamaqnayn oo amaan mudan ayuu yidhi kuxigeenka raisal wasaaruhu, ‘‘ ciidanka booliska gaarka ah oo kadib markay nabadgelyadii meel saareen uguntaday dhanka horumarka iyagoo suuragaliyay towerada telefanada deegaanka iyagoo lakaashanaya shirkada isgaadhsiinta dalka oo waliba meel-mariyey dhanka isugudubka dhismaha jidadka.

Sidoo kale, wuxuu RW kuxigeenka uriyaaqay isbadalka uu deegaanku kakeenay dhanka waxbarashada oo 4ta milyan iyo 40ka kun ee buug ee ladaabacay ay daboolayso saamiyadii nidaamka baris-barasho sida: saamiga ardayga iyo buuga, saamiga macalinka iyo ardayga IWM. Waxaa intaa dheer, oo uu aad u amaanay mudane dhamaqe guulaha deegaanka soomaalidu kasoo hoyiyey dhanka caafimaadka gaar ahaan kooxda wareegta ee qaliinka indhaha. Arintan oo runtii noqotay mid ay guriga iyo raisal wasaare kuxigeenkuba si wayn u ladhaceen, iyo waliba iskudaygii waynaa ee ay xukuumadu deegaanku kasamaysay kajawaabida abaarta ay saamaynta cimiladu keentay. Wuxuuna hadalkiisii kusoo xidhay isagoo amaanay shacabka deegaanka oo leh dabeecad horumarineed iyo xukuumada deegaanka oo iskaashaday inay guulahani kuyimaadeen sidaa darteed in deegaanka soomaalidu yahay deegaan kudayasho mudan oo ay deegaanada kale waxkabartaan.

Dhanka kalana, wasiirka wasaarada arimaha federalka iyo horumarinta reer miyiga mudane Kassa Tekleberhan ayaa usheegay deegaanada kale inay si ficil ah utagaan deegaanka soomaalida si ay wax uga soo bartaan dhinacyada kaladuwan ee waxqabadka horumarka iyo waliba systemka dhamaystiran ee ay ilaa heer tuulo xukuumadu soomaalidu abuurtay oo ah runtii kuwo kudayasho mudan.

Waxaa intaa dheer, Ergooyinka kililada oo tixraacaya su’aasha iyo jawaabta uu israaciyey raisal wasaare kuxigeenka ayaa codsaday in laqoro taariikhda isbadalka horumarineed ee uu deegaanka soomaalidu mudo gaaban kusoo hoyiyey guulaha laxaadka leh iyagoo dhamaantood kamarag kacay.

Ugudanbayna, madaxwaynaha DDSI mudane Cabdi Maxamuud Cumar ayaa sheegay in imaanshaha deegaanka canfarta uu waxtar iyo khibrad kalaqaadasho badan leeyahay gaar ahaan warshada sonkorta. Wuxuuna u mahadceliyay madaxwaynaha deegaanka canfarta mudane siyum awal oo mudadii gaabnayd ee uu xilka qabtay dadaal badan muujiyey. Madaxwayne Cabdi Maxamuud Cumar ayaa intaa raaiyey in isbadalka horumarineed ee deegaanku uu ugu horayn ilaahay keenay, marka xigana  uu kuyimid xukuumada deegaanka, shacabka iyo dawlada federaalka ah oo iskaashaday. Wuxuuna kubooriyey boardga in taageerada gaarka ah ee horumarka ee ay xukuumada dhexe siiso deegaanadan lasii xoojiyo.

Jigjiga(cakaaranews)Sabti 12ka March 2016, Degmooyinkii cusbaa ee  ay kamidka yihiin Qadhaadhumo, Boqolmaayo, Galxamur, Dharwanaajiye, God-God, Qooxle, Lehel-yucub, Kudunbuur, Gablalu, iyo Eleele ayaa ah kuwo  ilaa hada bilaa tol ah oo  habayaraate wax tol ah oo dibada ujooga uusan jirin waana kuwo daawaha kusocda oo loo qarafayn doono.

Jigjiga( Cakaaranews ) Sabti 12ka 2016, Madaxwaynaha DDSI mudane Cabdi Maxmuud cumar ayaa saaka kasoo duulay magaalada Samaara ee xarunta deegaanka Canfarta Kadib qiimayntii waxqabadka 6da bilood ee kilalada Boordhiga taageerada horumarka gaarka ah lasiiyo ee uu gudoomiyaha kayahay Raysal Wasaare kuxigeenka Mudane Dhamaqe Mokenan taas  oo uu deegaanku guulo wax ku’ool ah oo lataaban karo kasoo hooyiyay isagoo ujahaystay dhanka xarunta dalka ee Adhisababa kadibna uga sii gudbay xarunta deegaanka.

Hadaba Madaxwaynaha DDSI mudane Cabdi Maxmud Cumar ayaa wakhti xaadirkan ku sugan xarunta deegaanka ee magaalaa Jigjiga.

Jigjiga( cakaaranews ) Sabti 12ka March 2016, Xaflad si heer sare ah loo soo agaasimay islamrakaana ujeedadeedu ahayd sagoontinta mudane Mustafe Deeq Cabdisalaan oo ah safiirka dalka JDFI  u fadhiyi doona wadamada kala ah Zimbabwi, Zambia, Mozambique, Angola, iyo mauritius.

Xafladan ayaa waxaa kasoo qaybgalay  Madaxwayne kuxigeenka ahna wasiirka Xafiiska Beeraha iyo Horumarinta Khayraadka Dabiiciga ah Marwo Sucaad Axmed Faarax, Kabinetka-deegaanka maareeyayaasha wakaaladaha  iyo waliba Agaasinada Xafiisyada iyo Wakaaldaha DDSI, sidookale waxaa xaflada iyaguna si adag uga qaybqaatay kooxaha fanka iyo suugaanta DDSI oo soo bandhigay heeso guubaabo ah islamarkaana katurjumaya Horumarka uu deegaanku gaadhay dhankasta.

Hadaba xafladan ayaa waxaa ugu horayn kahadlay Madaxwayne kuxigeenka ahna wasiirka Xafiiska Beeraha iyo Horumarinta Khayraadka Dabiiciga ah Marwo Sucaad Axmed Faarax oo sheegtay in ay aad ugu faraxsantahay xafladan qaaliga ah ee loo sameeyay safiirka da’da yar ee waxbaratay islamarkaana deegaanka udhashay mudane Mustafe Deeq Cabdisalaan, . Sidookale waxa ay xustay in ay horumarka deegaanku uu gaadhay heer-sare islamarkaana lagu garanayo aqoonyahamiinta dadyar ee deegaanka u soobaxaya maalinba maalinta kadanbaysa. Ugudanbayana waxa uu madaxwayne kuxigeenku hadalkeedii ku gabagabaysay sifarxadleh aan u wada sgootino safiirkeena iyadoo sidookalena u ducaysay safiirka in uu noqdo mid xilkiisa iyo waajibaadkiisa kasoobaxa.

Sidookale waxaa isna hadalo muhiima kasoojeediyay xaflada Safiirka Shanta wadan ee Simbaawi, Saambiya, musaambik, Angola iyo Mauritius mudane Mustafe Deeq Cabdisalaan oo sheegay in uu aad ugu faraxsanayahay xafladan qaaliga ah ee lagu sagoontinayo, waxa uuna xusay safiirku in ay kagontahay in uu kasoobaxo xilka iyo waajibaadkiisa loo idmaday islamarkaana uu noqon doono mid bulshada DDSI ay ku faraxdo. Sidookale waxa uu safiirku aad ugu mahadceliyay Madaxwaynaha DDSI mudane Cabdi Maxamuud Cumar, isagoo tilmaamay in uu yahay aabaha horumarka islamarkaana fursadan qaaliga ah  ee safiirka shanwadan uu isagu sababay inay timaado.

Ugudnabayna madaxwayne kuxigeenka ahna wasiirka Beeraha iyo Horumarinta Khayraadka Dabiiciga ah Marwo Sucaad Axmed Faarax iyo waliba wasiir kuxigeenka Xafiiska Maamulka DDSI mudane Deeq Cabdulaahi Buraale ayaa siwada jir ah u gudoonsiiyay hadyad loogu talagalay safiirka shanta wadan mudane Mustaf Deeq Cabdisalaan.

Adhisbaba( Cakaaranews ) Axad 13 March 2016, Munasabad kusaabsan sanadguuradii Kasoowareegtay aas aaskii XDSHSI islamarkaana si meeqaamsare leh loo soo agaasimay ayaa ka dhacday Xarunta dalka ee magaalada Adhisababa taasoo ay kasooqaybgaleen masuuliyiin sare oo ay kamid yihiin madaxwayne kuxigeenka ahana madaxa Xarunta Dhexe ee XDSHSI mudane Cabdicasiis Maxamed Cabdi, Golaha XDSHSI ee kadhisan magaalada adhis ababa, Taageerayaasha XDSHSI iyo waliba marti sharaf kale .

Hadaba, Munsabadan ayaa waxaa Ugu horayn kahadlay Madaxwayne kuxigeenka ahna madaxa Xarunta Dhexe ee XDSHSI mudane Cabdi Casiis Maxamed Cabdi oo halkaas kasoojeediyay qudbad dhinacyo badan taabanaysa isagoo sheegay in uu aad ugu faraxsanayahay munaasabada xuska sanadguurada 18,aad ee XDSHSI 28 magabiit, waxa uuna si qodo dheer uga qisooday sooyaalkii taariikeed ee XDSHSI iyo sidookale dhibaatooyinkii soomaray deegaanka, waxa uuna Mw kuxigeenku tilmaamay in waxqabadka iyo guulaha uu soo hooyiyay XDSHSI aan lasoo koobikarin, islamarkaana qofkasta oo jooga wadanka iyo qof kamaqanba uu makhraati kayahay in deegaanku uu yahay mid nabadgalyo ah kadib markii laga cidhib tiray nabaddiidkii ka dhaqdhaqaaqi jiray sida UBBO iyo Al-itaxaad. Ugudanabayna waxa uu tilmaamay in Hormarka deegaanku uu ku socda si xawli ah iyada oo uu xisbigu guulo wax-ku-ool ah  ka keenay adeegyada aas aasiga ah iyo waliba adeegyada kaabayaasha dhaqaale ee lagu hormarinayo dadka iyodeegaankaba.

Sidookale waxaa kahadalay munaasabadan Madaxa Arimaha XDSHSI aa magaalada adhisababa mudane deeq sheikh Cabdi iyo waliba madaxa Arimaha Syaasada ee Magalada Adhisababa marwo muxubo Cali Dhaweed oo iyaguna si faahfaasan ugahadalay xuska sanadguurada XDSHSI iyagoo sheegay in xuska 28 magaabit ay u tahay maalin qaali ah bulshada DDSI  u dhalatay  iyagoo sheegay in aysan marna iloobi doonin waxqabadka XDSHSI ee dhankasta guulaha ka keenay islamrkaana dhankooda ay muujinayaan dadaal balaadhan iyagoo xusay inay kamidho dhalinayaan qorshayasha horumarineed iyo kan nabadgalyo ee deegaanka iyo dalkaba uyaala ee GTP2 qorshaha iyo kobac isbadalka dhaqaalaha wajigiisa labaad.

Sikastaba ha ahaatee waxaa iyana xusid mudan in maalinkii shalay ay Munaasabadan mida lamida ah ay kadhacaday magaalada Diredhaba taasoo si heer sare ah loogu xusay iyada oo ay kasooqaybgaleen masuuliyiin sare oo uu kamid yahay madaxwayne kuxigeenka ahana wasiirka hormarinta magaalooyinka iyo warshadaha DDSI Mudane Cabdixakiin Cigaal iyo waliba wasiiro heerdeegan ah.

Jigjiga( Cakaaranews ) Isniin 14ka March 2016, Tababar ay fulintiisa iska kaashadeen Xafiiska Arimaha Haweenka iyo Caruurta DDSI iyo Wasaarada Arimaha Haweenka iyo Caruurta JDFI islamarkaana ujeedadiisu ahayd sidii loo adkaynlahaa daryeelka caruurta iyo waliba sidii loo ilaalinlahaa Xaquuqda caruurta ee ku aadan dhanka waxbarashada iyo adeegyada kale ee aasaasiga ah  ayaa kadhacay hoolka shirarka ee Xafiiska Arimaha Haweenka DDSI.

Tabababarkan ayaa waxaa kasoo qaybgalay Hooyooyinka, iyo sidookale qaarkamida Ururada Haweenka ee kadhisan DDSI waxaana furitaankiisii kahadalay Wasiir kuxigeenka Xafiiska Arimaha Haweenka iyo Caruurta DDSI mudane Cabdifataax Axmed Gamaadiid oo sheegay in tababarkani yahay mid muhiima islamarkaana ujeedadiisu tahay xanaanada iyo daryeelka caruurta oo ah sidii dhamaan caruurta deegaanku mid waalid leh iyo mid aan lahaynba ay uheli lahaayeen waxbarasho iskumida, nabadgalyo iyo waliba in ay xaquuqdoodu iskumid ahaato.

Ugudanabyna waxa uu wasiir kuxigeenku hadalkiisii ku gabagabeeyay in kulankani uu san tababar kaliya ahayn balse uu yahay wadatashi iyo khibrad wadaag ay soobandhigi doonaan khabiirada tababarka bixinaya ee kayimid Xarunta Dalka ee JDFI oo ah kuwo soo arkay dhamaan dalka deegaanadiisa ee ugu fiican dhanka daryeelka caruurta.

Dhankooda waxaa iyana ka warbixiyay tababartayaashii oo sheegay in casharada ay qaadanayaan ay faaiido badan kaheleen islamarkaana ay barteen qodobada tastuurka ee kahadlaya xuquuqda iyo daryeelka caruurta.

Jigjiga ( Cakaaranews ) Talaado, 15ka march 2016. Madaxwaynaha DDSI mudane Cabdi Maxamuud Cumar ayaa saaka hoolka shirarka ee xafiiskiisa kulan kula yeeshay wafti balaadhan oo uu hogaaminayo wasiirka wasaarada  arimaha gudaha ee somaliland mudane  Cali Maxamed  Warancade .

Hadaba madaxwaynaha DDSI mudane Cabdi Maxamuud Cumar iyo waftiga Somaliland ee uu hogaaminayo mudane Warancade ayaa kawada hadlay sii xoojinta arimaha amniga labada dhinac gaar ahaan sii adkaynta amniga xuduuda balaadhan ee u dhaxaysa labada dhinac iyo waliba kor uqaadida xidhiidhka arimaha siyaasada.

Wada hadal balaadhan kadibna waxaa si kago’naanshiiyo leh la iskula qaatay in hal dhinac looga soo wada jeedsado wax alla iyo wixii caqabad ku ah xaalada nabadgelyo ee shacabwaynaha labada dhinac ay kunaaloonayaan, iyo wixii dhibaato ku ah horumarka iyo xasiloonida ay maanta shacabku hadhsanayaan.

Kadibna, waxay waftiga Somaliland kormeer indha-indhayn ah oo khibrad kaqaadasho kusoo mareen hoolka sida caalamiga ah loo dhisay ee KALI oo kuyaala xarunta madaxtooyada DDSI iyagoo waftigu ladhacay qaabka loo dhisay iyo waliba wakhtiga lagu dhisay yaridiisa.

Ugudanbayna, waxaa waftiga loo sii qaatay guryaha martida ee qaryaan dhoodaan.

Jigjiga( cakaaranews )Arbaco 16ka March 2016. Sida lawada ogsoonyahay taliskii dawladii shuuciga ahayd ee soomaaliya iyo tii dhergiga ee itoobiya waxay sabab u ahaayeen inay colaad dhex-dhigaan qoomiyadaha walaalaha ah ee dagan soomaaliya iyo itoobiya taas oo ay ka danbaysay fikirkii madhalayska ahaa ee soomaali wayn. Waxayna abuureen colaad loo yaqaano soomaali-xabashi.

Hadaba isbadalkii ka dhacay dalka itoobiya 1991dii ayaa waxaa ka dhashay dawlad dimuqraadi ah oo ay hogaaminayso EPRDF iyadoo mudo yar kadib ay burburtay dawladii shuuciga ahayd ee soomaaliya. Shacabwaynihii soomaaliyana waxay u kala qaxeen meelo badan oo caalamka kamid ah sida wadamada suudaan, masar, itoobiya, Kiinya, wadamada carabta, iyo waliba wadamada reer galbeedka.

Hadaba su’aashu waxay tahay dadkii soomaalida ahaa ee qaxay yey taakulayn kaheleen? Waxaa xaqiiqa ah in dawladaha reer-galbeedka sida yurub iyo maraynkanka ay caawiyeen dadkii u qaxay ee soomaalida ahaa iyaga oo aan u eegaynin jinsi, diin iyo midab toona oo ay dajiyeen guryana siiyeen islamarkaana  ay u aqoonsadeen muwaadiniin iyaga la siman oo ay siiyeen passportigii dhalashada bini’aadanimo darteed balse aysan kahelin habayaraatee wax taakulayn ah wadamadii kubahoobay Midawga Jaamacada Carabta oo ay soomaaliya xubin ka ahayd, iskadaa in dhalasho lasiiyee soomaalidii u qaxday carabaha waa lasoo tarxiilaa qaarna ilaa hada xabsiyada ayay ku jiraan waxna looma qabanin kuwa hada joogana wakiil ayay ku joogaan ama gabadh. Wax asxaan ah oo islaanimo ah oo ay u sameeyeena ilaa hada majirto. Inta hada joogtana goormaa lagu qaban iyo dhuumasho ayay ku joogaan. Waxaa dhacda in 40 sano dadkii kunoolaa lasoo tarxiilo marka uu aabahood dhinto oo la dhaho wakiil malihid meesha reer galbeedku ay halsano gudahood ku siiyaan dadkii u qaxay dhalashada. Dadkaasina ay xor u yihiin dhaqankooda oo ay waliba diintooda kufaafin karaan.

Markaan eegno dhanka Africa, waxaa ugu wanaagsanaa dalka itoobiya dhanka soo dhawaynta qaxootiga kasoo qaxay soomaaliya. Soomaalidii ku soo qaxday itoobiya lama sheegi karo wax cabasho qaba ama dhib gaadhay. Waxayna itoobiya u noqotay wadankoodii labaad haday qaxooti ku yihiin iyo haday ehelkooda lajoogaan labadaba. Waxayna noqdeen qaxootigii caalamka ugu sharafta badnaa ee loogu ixtiraamka badan yahay. Ilaa hadana taariikhda laguma hayo gabadh qaxooti ah oo lagu kufsaday itoobiya ama cabasho marka laga tago iskudhac yar oo dhexdooda ah.

Dhanka kale ciidamada Amisom-Ethiopia waxay noqdeen ciidamada ugu sharafta badan lagumana sheegin ilaa hada dhac, kufsi iyo boob midnaba. Dagaalka ay galeena wuxuu ahaa mid ay bartilmaamsadeen ururka argagixisada ah ee Alqushaash oo hadii ay masaajid dhexdii kaga soo ridaan aan wax jawaab ah lasiinaynin xurmo ay xurmaynayaan diinta islaamka darted. laakiin qaar kamid ah ciidamada kale ee afrikaanka ah hadii bastoolad lagaga soo rido masaaji waxay ugu jawaabayeen ‘Suu’.

Hadaba ciidamada qaranka itoobiya waxay naftooda, dhiigooda iyo maalkoodaba u hureen inay soomaaliya ka xoreeyaan aragagixisada al-qushaash ilaa iyo hadana way u hurayaan. Shacabka  soomaaliyana waxay u bixiyeen ciidamada itoobiya hiil-Alle.

Hadaan u soo noqono nuxurka iyo ujeedada hadalka, ciidamada maraykanka ayaa 9kii bisha March ee sanadkan waxay duqayn iyo dagaal cilmiyaysan oo aan horay loo arag ku qaadeen ubucda ururka alqushaash gaar ahaan xero tababar oo kutaala degmada dheeriyaw.

 Sidoo kale waxay degmada aw-dheegle 8dii march ciidanka marykanku ka fuliyeen qorshe aan inaba caadi ahayn oo dhabarka kajabiyay ururada argagixisada ah sida al-qushaash iyo ISIS oo is-bahaystay. Halkaas oo shacabkii goob-jooga ahaa ay sheegayaan in ciidamada maraykanku ay ku guulaysteen mission impossible iyadoo shacabka dagan dheeriyaw iyo aw-dheegle ay khaati bilaah ka taagnaayeen dhibaatada ay alqushaash ku haysay. Tusaale ahaan waxay dileen 4 nin oo 90 jiro ah iyagoo ku eedaynaya kufsi gabdho 15 jir ah balse xaqiiqadu ahayd inay odayaashu dhaheen war dadka dhibaatada ka daaya.

 Si kastaba ha ahaatee, waxay mas’uuliyiinta al-qushaash kufsadeen gabdho yaryar oo u xidhnaa islamarkaana ay dil ku xukumeen kadib markay diideen inay guursadaan oo ay dhaheen murtidiin baad tihiin.

Hadaba shacab waynaha soomaaliya ayaa dhibaatadaa lasoo daristay darted ilaahay baryay oo hal mar wada yidhi ‘‘ilaahaw naga soo gaadh oo naga qabo’’. Ilaahayna durba wuu kajawaabay codsiga shacabkii dhibaataysnaa. Wuxuuna u soo diray ciidanka maraykanka oo dagaal cilmiyaysan kaga takhalusay aragagixisadii alqushaash halkaas oo gabdhihii xukunaa ay ku badbaadeen oo xiliigii ay argagixisadu kuwaday inay dilaan gabdhaha ay ciidamada maraykanku ka badbaadiyeen, argagixisadiina hallkaa lagu baabi’iyey.

Ugudanbayna waxay arintani hiil, taageero, taakulayn iyo badhi-gantaal u tahay shacabka soomaaliya, shacabka Geeska-Africa, iyo gaar ahaan deegaanka soomaalida itoobiya. Waxayna si gaar ah hiil ugu tahay ciidamada difaaca qaranka itoobiya oo lagu tilmaamo inay yihiin geesiyiinta caalamka kuwaasoo markasta ku mashquulsan ladagaalanka iyo cidhibtirka argagixisada.

                  U gaar ah Xarunta Dhexe ee XDSHSI

Fiiq(cakaaranews) Arbaco 16ka March 2016, Tababar ujeedadiisu tahay Dabargoynta  Caadooyinka xun xun oo looqabtay Hooyooyinka Degmada Fiiq islamarkaana ay cashaarda bixinayaan khabiiro u xeel dheer ayaa si habsami leh uga bilawday isla Dagmadaas .

Tababarkan oo uu soo agaasimay Xafiska Arimaha Haweenka Caruurta  Degmada Fiiq ayaa waxaa lagu baranayaa casharo ku saabsan ladagaalanka iyo waliba sidii loo dabargoyn lahaa caadoyinka xun xun sida gudniinka fircawniga ah iyo wiixiilahalmaala.

Hadaba furintaankii tababarkan ayaa waxaa ugu horayn ka hadalay Gudoomiyaha Degmada Fiiq mudane Cabdiqaadir Maxamed Xasan oo sheegay in dabargoynta caadooyinka xunxun ay lagamamaarmaantahay islamarkaana larabo in Hooyooyinku dhankooda kala dagaalamaan maadaama oo saamaynta ugu wayn uu kuleeyahay dumarka  islamarkaana ay qaybta ugu balaadhan ee ladagaalanka caadooyinka xunxun ay ka qaadan karaan hadii ay tahay  gabdhaha lagudayo iyo hadii tahay kuwa gudaya gabdhaha labadaba. Sidookale waxaa kahdlay tababarkan kusimaha Xafiiska Arrimaha haweenka iyo Caruurta Degmada Fiiq Marwo Boosteeye Ismaaciil oo sheegtay in tababarkan ay kasoo qaybgaleen qaarkamida  hooyooyinka islamarkaana ujeedadiisu tahay ladagaalan caadooyinka xunxun. Sidookalan iyadoo kula dardaarantay inay sii adkeeyaan ladagaalanka dhaqamada xun xun islamarkaana ay sifiican uga faaiidaystaan casharada.

Ugudanabayna waxaa dhankooda kahadlay kasooqaybgalaaashii tabaabrkan oo ay kamid ahaayeen hoyooyinkii iyo dhalinyaradii qaadanayay oo sheegay in ay aad ugufarxsanyihiin tababarkan ay qaadanayaan islamarkaana ay casharo muhiima kabaranayan iyagoo balan qaaday in ay dhankooda si firfircawn uga faaiidaysn doonaan iyo waliba inay gaadhsiinayaan bulshadii ay ka kala yimaadeen.

Diridhaba ( Cakaaranews ) Arbaco, 16ka march 2016. Waxaa maanta magaalada diridhaba lagu soo gabagabeeyay shir mudo 3 maalmood ah socdey oo lagaga wada hadlayay nabadgelyo kuwada-noolaanshaha diimaha, kahortaga iyo ladagaalanka argagixisada iyo xag-jirnimada oo lidi ku ah hanaanada horumarka, nabadgalyada iyo maamulka suuban ee shacabweynaha dalku kunaaloonayaan.

Shirkan oo ahaa shir heer qaran ah oo ay hogaaminayeen wasiiru dawlaha wasaarada arimaha federalka iyo horumarinta xoolo-dhaqatada ee JDFI mudane Awol Wogris, directorka guud ee wasaarada mudane xaaji Cali iyo kuxigeenka xafiiska nabadgelyada, maamulka iyo cadaalada DDSI mudane Shugri Badal ayaa waxaa ka soo qaybgalay dhamaan mas’uuliyiinta dhinacyada nabadgalyada, maamulada, xisbiyada iyo mas’uuliyiinta arimaha diimaha ee dawlad deegaanada soomaalida, canfarta, hararida, gobolada oromiya ee dhanka bari iyo ismaamulka diridhaba.

Hadaba shirkan ayaa kadib soo jeedintii warbixinada iyo talo bixintoodi aragti mideysan oo kadhan ah cadowga gabaad ka dhiganaya diimaha iyo in si wadajir ah loola dagaalamo laysla qaatey

Sidoo kale waxaa aragti wadajir ah lays kula qaatey in la sii xoojiyo nabadgalyo kuwadanoolaanshaha diimaha kaladuwan ee shucuubaha dalka iyo in la sii taabo galiyo horumarkan laxaadka leh ee guud ahaan dalka kahanaqaaday.

Dhanka kale kasoo qaybgalayaashii shirkan ayaa si wadajir ah u balan qaaday in maalin iyo habeen ay u soo jeedayaaan la dagaalanka argagixisada iyo xagjirnimada iyagoo wacyigalin balaadhana u samayn doona qaybaha hadhay bulshada.

Jigjiga( cakaaranews ) Arbaco 16ka March 2016, Kulan lagaga wada hadlayay waxqabadkii mashruuca wash-Program islamarkaana ay kasoo qaybgaleen masuuliyiinta Xafiisyada  ay bahwadaagta yihiin Xafiiska Biyaha Macdanta iyo Tamarta DDSI iyo waliba xubno kasocday Deeq-bixiyayaasha oo ah Bangiga aduunka laantiisa Adhisababa ayaa ka dhacay isla xafiiska Byaha.

Kulankan ayaa waxaa kasoo qaybgalay masuuliyiinta Xafiiska Waxbarashada, Xafiiska Caafimaadka, Xafiiska Maaliyada iyo Horumarinta Dhaqalaha DDSI iyo Deeq bixiyayasha bangiga aduunka iyada oo lagaga wadahadlayo bilihii ugu danbeeyay ee waxqabadka mashruuca Wash-Program.

Hadaba Kulankan ayaa waxaa ugu hoarayn kahadlay wasiiirka Xafiiska Biyaha Macdanta iyo Tamarta DDSI marwo Fartuun Cabdi Mahdi oo sheegtay in kulankan uu yahay mid uu soo qabanqaabiayay xafiiska biyaha Macdanta iyo Tamarta DDSI islamarkaana ay isagu wada yimaadeen xafiisyada fuliya iyo deeqbixiyayaasha bangiga aduunka iyadoo lagagawada arrinsanayo waxqabadkii masruuca sadexdii bilood ee ugu danbaysay, islamarkaana lagu eegayo waxqabadka mashruca dhankiisii fiicnaa iyo dhankiisi liitay labadaba. Ugudanabayna jahooyin horumarineed la islaqaadanayo laguna saxayo hadii dhaliilo jiraan.

Sidookale waxaa kulankan kahadlay madaxwayne kuxigeenka ahna wasiirka waxabarashada DDSI mudane Mawliid Haayir Xasan oo sheegay in kulankani uu yahay mid caadi ah islamarkaana lagu eegayo adeegyada lagu fuliyo mashruucan Wash-Progam  ee ay ugu horeeyaan adeega helida Biyo Nadiif ah, Faayo-dhawrka IWM sidookale waxa uu madaxwayne kuxigeenku tilmaamay in ka xafiiska waxbarasho ahaan ay ka soo galayaan helida biyihi iyo faayo dhawrkii goobaha waxabarashada sida iskuulada.

Dhagaxbuur ( Cakaaranews ) Arbaco, 16ka march 2016. mayorka magaalada dhagaxbuur mudane muxumed xasan suufi oo uu weheliyo gudoomiyaha gobolka jarar mudane Cabdi Cali Mataan ayaa maanta makiinadaha badarka shiida u qaybiyey 2 iskaashato oo kala ah: iskaashatada halgan iyo iskaashatada wadani oo ah agoontii ay waalidiintood ubbodu laysay iyadoo iskaashata walba la amaahiyey lacag dhan 30kun oo bir si ay ugu bilaabaan shaqada. Waxayna iskaashata walba kakooban tahay 5 xubnood.

Sidoo kale, maamulka magaalada dhagaxbuur ayaa 7 harqaan u qaybin doona dadka danyarta ah si shaqo abuur loogu sameeyo iyadoo la isugu xidhayo iskaashatooyin.

Dhanka kale, gudoomiyaha gobolka jarar mudane Cabdi Cali Mataan ayaa shabakada Cakaara usheegay inay yaalaan 18 makiinadaha raashinka shiida ah iyo 90 harqaan oo maalmaha fooda inagu soo haya loo qaybin doono dadka danyarta ah ee kunool degmooyinka gobolka.

Arintan ayaana waxay qayb katahay qorshayaasha ay xukuumadu uqaadatay  hiigsada ladagaalanka saboolnimada iyo kamid noqoshada wadamada dhaqaalahoodu dhex-dhexaadka yahay.