Jigjiga ( Cakaaranews ) Axad, 3da Jully 2016. Madaxwaynaha DDSI mudane Cabdi Maxamuud Cumar ayaa saaka kaqaybgalay xafladii qalinjabinta kuliyada tababarada xirfadaha iyo farsamooyinka gacanta oo ay kaqalinjabisay in kabadan 304 ruux daf-cadii 15, aad. Taas oo kadhacday hoolka shirarka ee sayid maxamed cabdile xasan.
Hadaba madaxwaynaha DDSI mudane Cabdi Maxamuud Cumar oo kahadlay furitaankii xaflada ayaa ugu horayn u hambalyeeyay ardayda maanta qalinjabisay iyo waalidiintoodii kusoo dadaashay isagoo sheegay in tababarada xirfadaha iyo farsamooyinka gacantu ay yihiin kuwa muhiim u ah sida biyuhu muhiim uyihiin oo kale oo ay yihiin dhiig joojin islamarkaana si xukuumadu u xoojiso xirfadaha ay deegaanka kahirgalisay dhismaha 9 kuliyadood dhamaanba gobolada deegaanka. Madaxwaynaha ayaa intaa kudaray, in ardayda qalinjabisay loo samayn doono fursado shaqo loogu abuurayo oo aysan marnaba noqon doonin shaqo la’aan.
Kadibna waxaa laguda galay xafladii qalinjabinta qaybaheedii kaladuwanaa sida abaalmarinta ardaydii kaalmaha hore kagalay waxbarashada, dhinaca anshaxa iyo waliba dhinaca tababaradaba.